جــمـــع الــــنـــشــاما

[عايض ابوشيبه]

يــأفــهيــد روح لـلشـعيـب الـموالـي=وأحطب اجلال السمر وأترك أدقاقه
نــبى نــجهــز مــن صـفار الـدلالـي=لــلضــيف والا لــجتــماع الــرفــاقـه
جـمع الـنشـامـا يـاالـخوي شف بالي=فــي مـجلـسن مـافـيه راعـي طـفاقـه
الــمجـلس الـلي مـاتـجيـه الـرجـالـي=يــاالله عــسى راعـيه تـنقـص سـاقـه
والــلحــيه الــلي مـاتـحب الـمعـالـي=ودك تـــعرضــها لــموس الــحلاقــه
وأنــا بـها الـدنـياء فـقدت أحـتمـالـي=لاجــيت ابــفتــح بــاب زاد انــغلاقـه
دنــيآ ســقتــنا كــاس مـرن وحـالـي=خــلت لــنا بـالـحزن وصـل وعلاقـه
فـيهـا الـشجـيع الـيوم مـالـه مـجالـي=والــخبـل بـأفـلوسـه كـسب لـلطلاقـه
والـحكـم فـيهـا صـار حـكم الـريالي=لازم يــجي بــينــك وبــينــه صـداقـه
لازم يــصيـر الـمال عـمن وخـالـي=وأهــم عــندك مــن جــواز وبــطاقـه
الـمال يـستـر عـيب شـين الخصالي=ويــلبــس الــمفـضوح طـيب ولـباقـه
وإن كنت طيب نفس والجيب خالي=يــبيــن فــي وجــه الــمنــافـق نـفاقـه
تـصبـح ضـحيـه لأهـل قـيلن وقالي=لــوانــت عــاقــل لـبسـوك الـحمـاقـه
كــم مــن عـزيـزن بـهذلـته الـليـالـي=قــلبــه مــن الــلوعـات زاد احـتراقـه
مـايـطلـب الا مـن عـزيـز الـجلالـي=الــلي لــخلــقه وافــر الــرزق سـاقـه

[خالد الشماسي]

صح لسانك يا مبدع


وسلم لنا نبضك الزاخر بالجزالة وعذوبة الكلمة


تسجيل اعجاب ومتابعة لجديدك


عايض ابو شيبه ....... أنت مبدع

[عايض ابوشيبه]

المشاركة الأصلية كتبت بواسطة خالد الشماسي

صح لسانك يا مبدع


وسلم لنا نبضك الزاخر بالجزالة وعذوبة الكلمة


تسجيل اعجاب ومتابعة لجديدك


عايض ابو شيبه ....... أنت مبدع

اخوي الغالي

الاستاذ خالد الشماسي

مرورك الدائم مصدر فخر لي

دمت ودام عطائك المستمر

لشبكة سبيع الغلباء

تقبل تحياتي

ودمت في حفظ الله

[مشعاب]

صح لسانك ياعايض

قصيدة راقيه شوقتنا للشعبان والخباري


ماقصرت