هنا القافيه تتحدث .. ( قصيده )

[ابن جـــــــراح]

اخواني اعضاء منتديات اسبيع
السلام عليكم ورحمة الله وبركاته
اضع بين ايديكم هذه المتواضعه عسى ان تحوز على رضائكم

نويت ارسمك في صوره تصير بجانبي ذكراك = لقيتك صعب في رسمك ولا تافي لك الصوره
لقيت اني الى هبت حروفي قصدها تنصاك = وهب الشوق يبغى فيّ يحيي النار من نوره
تصيح حروف قيفاني الا وش لون كيف القاك = يغار السمع يحيي دمع وضاع الوزن وبحوره
الا يا كيف ابوصف لك عذابك يا كبر بلواك = انا من شوفها يا هيه كما اللي شارب خموره
انا عدّيت في رجم واشوفك واختلف ممشاك = ومن طاري حسين الدل كن الساق مكسوره
اشوفك ضاعت علومك نسيت البارحه ممساك = نسيت انك نهار اول تشيّد عالي قصوره
اشوفك ضاعت البسمه وفارق فرحك محياك = اشوف ان الفكر يجلى وضيّع صف طابوره
اشوفك شارد بذهنك مثل ما صابني قد جاك = الا يا كيف تبغاني اجيب القاف مجبوره
ويوم ان ايدك اليسرى تحرّا تضربه يمناك = انا ما لوم من مثلك وقع في حب مغروره
انا لا من ذكرت اللي على بحر الهوى وداك = عذرتك لا نسيت الناس عساي اكون معذوره
ومن وجهة نظرعندي ترى هو علتك ودواك = وترى قلبك معه روحك تبي تنساق مسروره
تذكريوم تنصى الورد قبله واجد الاشواك = يهون الشوك معه الشوك لاجل الورد وظهوره
وتم اللي نويت ابديه يومه صاب ما راعاك = وفي وصف الحبيب اقول الا يا البنت مشكوره
عسى يوم مع المجمول تحقق رغبتك ومناك = تجي من حولها برواز وهي في وسطك الصوره

ولكم خالص تحياتي

اخوكم بن جراح

[المزاح]

وعليكم السلام ورحمة الله وبركاته

ومرحبا يابن جراح وبشرني عنك عساك طيب

لنا فتره طويله ماعاد نشوف احد في المنتدى وانا اولكم ... ان شاءالله يكون المانع خير للاخوان

بالنسبه الى القصيده يابو عبدالله اقول صح السانك على الطرح الجزل ولاهوب غريب عليك هذا

تصيح حروف قيفاني الا وش لون كيف القاك
يغار السمع يحيي دمع وضاع الوزن وبحوره

تصوير جميل جداْ للقافيه وهي تتحدث بالنيابه عنك

الله لايهينك يابن جراح واتمنى لك التوفيق ان شاءالله

تحياتي

[مروّض]

حياك الله...يا بن جراح

صح لسانك....و لا هنت على هالقصيده الطيبه...

يا أخي...ليتك تغيب...و اذا جيت تجيب معاك مثل هالعصماء...

أشوفك ضاعت علومك نسيت البارحه ممساك=نسيت انك نهار أول تشيد عالي قصوره
عسى يوم مع المجمول تحقق رغبتك و مناك=تجي من حولها البرواز و هي في وسطك الصوره

وصف بليغ...و رسم هائل لحاله فريده...

يقول الشاعر مقعد بن حسن الرويبي رحمه الله ...

النوم طب للعيون السهارا=اللي ورا من صد عنها نظوره
الوقت لامنه على الناس جارا=ما كل صبار تحمل لجوره

عساه... يا حال العشّاق في الدنيا...بلواه بلوى..

[ابن جـــــــراح]

المزّاح مرحبا بك بعد انقطاعك
وصح بدنك اخي
واشكر لك تشجيعك
بيض الله وجهك يا القرم
ولا هنت

مروض
دائما اضع اعتبارا لردك
فوالله اني انتظره بلهفه
لاني ارى فيك اذا اشدت فتشيد بما ليس به شك
وان انت انتقدت فنقدك نقد الناصح
بيض الله وجهك
وصح بدنك اخي مروض
ولا عدمنا تواجدك

تقبلوا خالص تحياتي

[البدر]

الله

الله

الله

لاهنت يابو عبدالله وصح لسااااانك مليووووون

قصيدة رائعة كروعة صاحبها

والله يعينك ويعين كل عاشق .


اخوك البدر

[smart]

صح الله لسااااااااااااانك اخي الغااالي جدأ ابن جـــــــراح ملاااااييين

مبدع يااابووعبدااالله


يأخي

قصااائدك لها طعم خااااااااااااص عندي:021:




لك مني الود والاااحتراااااااااااااااااام

[العويد]

عسى يوم مع المجمول تحقق رغبتـك و منـاك تجي من حولها البرواز و هي في وسطك الصوره



الله الله يااابن جراح

صح لسانك يالغالي

قصيده وافيه من وافي

تقبل اعجاابي بماا تكتب

اخوك

[نديم القوافي]

الله الله يابن الجراح
صح الساااااااااااااااااك ماليون يابو عبدالله

على هذ الاسطورة والله يعطيك العافية ولاحرمنا وجودك يالغالي


وتقبل تحياتي

[عيسى السبيعي]

	انا لا من ذكرت اللي على بحر الهوى وداك=عذرتك لا نسيت الناس عساي اكون معذوره ومن وجهة نظرعندي ترى هو علتك ودواك=وترى قلبك معه روحك تبي تنساق مسروره الله الله يابو عبدالله مره وحده على الثقيل على طول صح لسانك مليون على هذه الروعه الفريده فعلا معبره عن ما بداخل كاتبها من ( العشق ) تحياتي الواسطه

[ابن شطيط]

.



الله عليك يابو عبد الله رائع رائع


قصيده رائعه ولا اخفيك قراءتها مرااات

ابيات رائعه جدا ومعاني وصف جميله جدا

تصيح حروف قيفاني الا وش لون كيف القاك
..............يغار السمع يحيي دمع وضاع الوزن وبحوره
الا يا كيف ابوصف لك عذابك يا كبر بلواك
..............انا من شوفها يا هيه كما اللي شارب خموره
انا عدّيت في رجم واشوفك واختلف ممشاك
.............ومن طاري حسين الدل كن الساق مكسوره

صح لساانك يابن جـــــراح مبدع كما عهدتك

تحياتي لك




.