دورو مشعاب ليه حاولو تلقونه بلغوه اني تحريته وهوماجاني

[البحيح]

السلام عليكم ورحمة الله وبركاته

[البحيح]

دورو مشعاب ليه حاولو تلقونه = بلغوه اني تحريته وهوماجاني
ون لقيتو شاعر غيره يدافع دونه = مرحبابه والوعد ذلحين في الميداني

[مشعاب]

مرحبا بالفارس الي شاحط طبلونه= والله أعلم وش تسوي كفخة الجنحاني
لا تحسب ان البلد يا صاحبي مأمونه=وأنتبه لا ينكبونك شلة الصدقاني

[البحيح]

هيه يا مشعاب قلي مشيكم وش لونه = لا تعرضت الحشوش وعسرت الضلعاني
نكتب المكتوب منشان العرب يقرونه = ولا نخاوي كود من عز الخوي والعاني

[نديم القوافي]

الفارس ومشعاب الله يعطيكم العافيه


واصلو ونا في الصف

[مشعاب]

السنافي لا عطا الطرقه يمس اردونه= ولا تهمه صقعت الكافر مع الحجاني
خلنا ندرج مع الطرقه مثل ذالمونه= كان تبغانا نخلص بضعة الدكاني

[اخو شما]

مشعاب
جالس تلعب ولا كأن عندك قصر محاصر
من جد رئيس مستهتر;)
وتقول ليه اسوي عليك انقلاب

[البحيح]

لا تعاند من يعاندنا نطس عيونه = ولا تهقوى هم تحصلها على اللحياني
عد تيما ما هزر كل البشر يردونه = والثمل لاجف ماه يشال منه الساني

[مشعاب]

ما نبي نبحث خفاك وخلها مدفونه= ليتك ترصص كفر موترك يا عمياني
عد تيما يابس تومي عليه اشنونه= ما يثمن عد تيما وردت العطشاني

[البحيح]

لابغيت التختخ الخالي علي ياهونه= وانت ما تقدر تعدى فلة الجيراني
وش يعرف واحد مثلك معاشه تونه= وان تعداها تعشى له دجاج سماني