اقتباس:
المشاركة الأصلية كتبت بواسطة فراج ابو لسان
يا قلب يا قلب الشقا ويش مزعلك =و انت تخبر ما فالزمن مستريحي
تدري و روح العلم ما هو بيجهلك=العهد بك لهل الجهاله نصيحي
ما ادري بعد ما ارهقك قوة تحملك=و الا اشتبه فيك الخطا و الصحيحي
مكافح التيار مخطور يقتلك=يرديك من صهوة جوادك طريحي
لو شلت له سيف الشجاعه ينازلك=ذبحك و الا قمت له تستبيحي
لكن عن هذي و ذيٌه و عن تلك=لا تستوي جراح و لا جريحي
تراك في وقتٍ لغيرك ما هوب الك=وقتٍ مليح اطباع قلبه قبيحي
من طاح بحلوق الاوادم غدا علك=و من قام قالو جعل حظك يطيحي
تغيرت فيه القيَم و الوفا هلك=نصايبه تنعاه فوق الضريحي
ما عاد له بين الخلايق و لا سلك=الا قليلٍ خلف ركبٍ مشيحي
يا قلب كان الله من العمر مهلك=مخطور من باقي زمانك تصيحي
الوقت هذا دوب تقدر على اهلك=طعني و سدك جوده لا يبيحي
عطاك حمض العلم من لا يجملك=شافك زعلت و مقصده تستريحي
|
يامرحبا بك والله يابوبندر
مرحبا بالجزاله من راعيها وأسعد الأوقات شوفة إسمك بيننا
قصيده جميله جداا إمتلأت مشاعر وحكم
فراج أبولسان للشعر معه حضور خاص بمفردات لايطوعها سواه
صح لساااانك مليون على هذه الراااائعه من أولها لآخرها
أستأذنك بنسخ هذه الرااائعه لمنتدى القصائد المميزه
اقتباس:
المشاركة الأصلية كتبت بواسطة فراج ابو لسان
من طاح بحلوق الاوادم غدا علك=و من قام قالو جعل حظك يطيحي
|
بيت عن ألف بيت
صح لسااانك مره أخرى
ودمت وداااام إبداااعك,,,
غير متصل
