الشاعر
عايض بن عبدالله ابو شيبه السبيعي
من شعراء الخرمة الذين برزوا في قول القصيده الشعبيه الرائعه ،،
و الوصف والحكمة والشعر الجزيل..
شاعر يمتطي صهوة الكتابه الجامحه فهو فارس بارع في
ترويض الحروف والقافية ولجم الكلمات وصيد المعاني..
حروفه كعنفوان الخيول تجري ....
تتمرد على كل شيء تقليدي ..
وكشموخ الجبال تقف صامده ...
وكلماته رائعة لأنه شاعر يحترف الكتابه الشعريه ...
أبياته غارقة بالحزن .. العتاب .. الكبرياء .. الحب .. والطيب والمجد
احساسه يقطر عذوبه ..
اتمنى لك عزيزي العاشق للأدب والتراث أن تتشرف
بقراءةنماذج من قصائد هذا الشاعر :
الهجوس
من هجوسن يعشق الشعر ويحبه
يعشق الجزله ويهـوى معانيهـا
يوم بعض الناس جمع الذهب طبه
طـب شاعركـم بيوتـه ينقيهـا
لايسب أحدن ولابأحـدن ايسبـه
تـارك السبـه تعلـق براعيهـا
ماكتب للشعر في معصيـة ربـه
والمعاصي تحرق اللي مهاويهـا
شاعرن تاتيه ألأفكار مـن صبـه
صب رسلانن على كيف راعيهـا
شاعرن ماعاش عمره وسط غبه
يعشق القمه ويعشـق لأعاليهـا
كلمة العاقـل يلقـي لهـا لبـه
كانهـا تعنـيـه ولا يمشيـهـا
ماسمح لأمواج ألأعدا تلاعب بـه
يعبر امـواج الخليـج ويعديهـا
كبد عدوانه من الحقـد مشتبـه
كن صاحبها على النار يصليهـا
والختام الشعر طبي وانـا احبـه
واعشق ألأشعار لاحـل طاريهـا
لاواحسافه
لاواحسافه يوم خاويته على الـدرب الطويـل
كنت أحسبه من باب قالو للحمـول إرجالهـا
كنت أحسبه باالصاحب اللي مابحصله مثيـل
بعض البشر تطلـع فعايلهـا بغيـر اقوالهـا
يوم إنتصفنا باالطريق الا وهو دمعـه يسيـل
ثم أعتزيـت وقلـت انـا للمشكلـه حلالهـا
كنت أحسب إن المشكله هاذي من النوع الثقيل
رميت للغتـره ومعهـا قـد رميـت أعقالهـا
ثم قاللي مشكلته اللي روحت جسمـه هزيـل
محبوبتـه زعلـت عليـه وقفلـت جوالهـا
والله لولا عرفي إنه خبـل مـن بعـد الدليـل
لخلى العجـرا علـى راسـه تبيـن افعالهـا
عجزت أحدد له وصف مابين مجنون وهبيـل
بعض البشر والله مع هـاذا يهـون أهبالهـا
تغتر باالرجال بأقواله وهـو مثـل الحسيـل
تستسخفـه محبوبتـه وتوقعـه فأحبالـهـا
يحبها حب الخيانـه ماهـو الحـب الأصيـل
ولكل منهم مصلحه مـع صاحبـه يسعالهـا
كم من ضعيف أن وصلت للحب تلقاه الذليـل
يحب وحده ماعرف وش جدهـا مـن خالهـا
وأنا ومن باب الحقيقـه قلتهـا بعـد الدليـل
بعض البشر تطلـع فعايلهـا بغيـر أقوالهـا
غير متصل
