تكفوووون يالغلبا ادخلو واقرو مقالي واحكمو حكم رجال

[تميم خوالي سبيع]

السلام عليكم ورحمه الله وبركاته
اول شي انا تميمي منب سبيعي واتمنى ان اكون ضيف خفيف عليكم المهم انا بدخل في الموضوع بدون مقدمات والله مهب الهقووه يا سبيع الغلبا هالي نشوفه من بعض السبعان الي يسبون في قبيله بني تميم عشان وش عشان برنامج لا راح ولا جا طيب مهب مشكله يالربع انا معكم ان فيه بعض من صغار العقول من بني تميم تهرج على ناصر الفراعنه لكن انا عندي سؤال ليه طيب اذا واحد من السبعان هرج على الشبرمي او على قبيله بني تميم نروح ونعم كل القبيله ونقول ما فيهم خير لا هم ولا شاعرهم والعكس بعد الحظ ان بعض السبعان يسب في خليل او في قبيله بني تميم يالربع يا جماعه الخير اذا واحد تكلم مهب معناته ان القبيله كلها ما فيها خير كل قبيله فيها الطيب والردي يعني هذا ما يتكلم بلسان بني تميم او بلسان سبيع بعدين برنامج بيفرق بين قبيلتين كبار مثل تميم وسبيع والله مهب الهقوه لا في تميم ولا في سبيع بعدين للمعلوميه انا خوالي سبعان واعرف واحد من الفراعنه خواله من تميم يعني لاحظو ان تميم وسبيع يناسبون بعض واعرف كثير مناسبين بعض والله يا جماعه الخير انه برنامج لا راح ولا جا بيفرق بينا بالعقل يعني الشاعر الكبير ناصر الفراعنه ما يحتاح لبيرق عشان يرفع من مستواه هو معروف في الخليج العربي انه شاعر جزل وقصايده جزله وحتى خليل والله لو جا البيرق لناصر ان اول من يبارك للسبعان انا وبنفرح اذا خذه ناصر بعدين اذا البيرق خذاه خليل هو ما خذه بالقوه البرنامج هو الي رشحه وش ذنب القبيله ولا الشاعر من بعض الكلام البذيء من بعض ناقصين العقول البرنامج معروف انه هدفه مادي ولا لو التصويت مهب موجود كان خذها ناصر وانتم شفتو اللجنه كم عطت ناصر يعني الدعوه جت بالتصويت ولو قلنا تلاعب الشاعر والقبيله مالهم دخل اذا كان فيه نقد او شي من هذاا القبيل فهو ياتي على البرنامج ولا على اليته ارجوو الحكم بالحق يالسبعان ويلعم الله اني احب هالقبيله حب لا يعلمه الا الله ولولا حبي لهذه القبيله لما انتسبت في منتداكم ولا قلت هالكلام لاني شفت كلام والله ضيق صدري من بعض السبعان وسبيع معروفه بتاريخها مهب البرنامج الي بيرفع من مقدارها ولا مقدار شاعرها وللمعلوميه والله العظيم اول ماخذ البيرق خليل اول من اتصل فيني وباركلي واحد من اخوياي سبيعي من الحاير والمعذره على الاطاله والرجو التفكير في كلامي والكلام هذا قلته انا في منتديات بني تميم وللمعلوميه يالربع تراه كلام من ورى شاشات يعني محد طلع من تميم ولا سبيع في التلفزيون وسب او قال كلام جهلاء يعني لا تستبعدون ان احد من اصحاب الفتن يكتب مثل هذا الكلام الي هدفه منه اشعال الفتن من بين القبيلتين على العموم انا قلت هالكلام للي ناقد على بني تميم لان ليس كل قبيله كامله ولا يوجد بها سفهاء وناقصين العقول اخيرا لكم خالص التقدير والاحترام والتحايا يا سبيع الغلبا اخوكم هوشان التميمي

[الخثلان السبيعي]

لك كل التحية والتقدير..

ويعلم الله (وانا بتكلم عن نفسي) اني ماسبيت ولا فكرت حتى اسب لا خليل ولا قبيلته..

ومثل ماحنا خوالك فانتم خوالنا وعمانا نسايبنا بعد ..

واللي يجري عليكم يجري علينا ..

ويعلم الله الي يسبكم كأنه سابني ..

انا ادافع عنكم لاسمعت الكلام من الغريب كيف عاد لاصار من القريب ..


<< < لاخلى ولاعدم ياهلي وربعي ولابتي .. .

[عين الصحافة]

حياك الله ياتميم


وبرامج مسابقات الشعر 0000لاتودى ولا تجيب


ولسنا ضعوف بالعقول حتى نكون اسرى لها 0



تحياتى 0

[خيَّال الغلباء]

أخي الكريم / التميمي السلام عليكم ورحمة الله وبركاته وبعد : والنعم فيك وفي قبيلتك إخواننا بني تميم العريقة والمندفعين من أبناء سبيع ما بدؤوا في إخوانك أبناء قبيلة بني تميم بل جاء فعلهم ردة فعل لما كتبه بعض أعضاء منتديات بني تميم يعينهم على ذلك بعض المراقبين في المواقع والشاعر الخلوق / خليل الشبرمي نعم الرجل وقول بعض أبناء قبيلة سبيع بن عامر الغلباء أن الشاعر الكبير / ناصر بن محمد بن فارس بن حربان الفراعنة السبيعي أحق بالبيرق من أخيه الشاعر الخلوق / خليل الشبرمي وفقه الله ليس بدعا من القول وليس فيه غضاضة على بني تميم ولم يكن مصدره الهوى أوالعاطفة بل قال به النقاد والمتذوقين من جميع أرجاء الجزيرة العربية والوطن العربي الكبير وقد إقترحت على عقلاء القوم من إخواننا بني تميم أن يكبحوا جماح بعض الأعضاء في منتدياتهم عن التعدي على غيرهم لعلنا نستطيع أن نعالج الموضوع ولكننا رأينا العكس ولم أرى عضوا من أبناء قبيلة سبيع ذهب لمنتديات بني تميم لأجل أن يتهجم عليهم بل رأينا العكس وإلى يوم أمس فقد سجل عندنا عضو يتسمى باسرة تميمية كريمة أراد أن يضرم النار بالهشيم فحلنا دون ذلك إبتعادا عن المهاترات التي لا تولد إلا الشحناء والتي بدورها لا تولد إلا التباغض والتحاسد وقد عن نهينا عنها شرعا أخي الكريم شكرا جزيلا لك على مقالك الذي تقف خلفه نفس أبية لا تريد الظلم من الفئتين والذي يضر بالجميع ونحن مستعدين للتعاون إن وجدنا اّذانا صاغية هذا وتقبل فائق الشكر والإمتنان مقرونا بجزيل المحبة والإحترام مع أطيب الأمنيات واسلم وسلم والسلام .

[ابن جراح الثاني]

حياك الله ياخوي التميمي

سبيع على هقوتك وضنك انشاءالله

وتميم قبيلة فوق الكلام وفوق السفهاء وفوق بيرق المليون

انتم ابناء عمومة وانساب ونحبكم ونقدركم

ومن ينتقص من قدركم نحن بريئين منه

والشاعر خليل ونعم به وله عندنا حشمه ومقدار وماحصل من تصرف دنيء ضد ناصر ليس لخليل اي تدخل فيه وليس هو المسؤول عن كنترول التصويت


ولاتاخذ في خاطرك من كلام ورعان لايودي ولايجيب وقد قدمنا التنهنئة في كل المنتديات لبني تميم العريقة

[ابو سعود 99]

الأخ هوشان التميمي ليس كل مايصدر من شخص سبيعي يرضي الجميع نعرف بأنه حصل هناك تراشق كلامي بين بعض الأطراف منا ومنكم ولكن يعلم الله أن هذا الكلام لايرضينا ولم يسبق أن سبينا قبيلة تميم واذا حصل ذلك فهو من طرف ناس اما متعصبين او مراهقين اما بالنسبة للناس العقال او المشرفين الكرام على منتدانا لم يحصل منهم ذلك أبداً وكنا دائماً نطالب بوقف مثل هذه المهاترات بين أبناء القبيلتين ولكن نرجوا من القائيمين على المنتدى لديكم محاولة منع او وقف كل مايسي لنا شاكرين لكم الأهتمام بوقف مثل هذه الأمور التي تضر اكثر من أن تنفع 0

[تميم خوالي سبيع]

اشكركم جميعا على الردود نعم هؤلاء هم رجال قبيله سبيع العريقه المعروفين بالكرم والشجاعه والشهامه والرجوله والحلم اخواني والله العظيم وهذا حلف علي انا ادري ان ابناء سبيع رجال وكفوو ما عليهم قصوور ونعم ومليوون نعم والله فيكم وفي لابتكم وفي شعاركم الكبيرين لكن هالكلام ليس لكم فقط بل تكلمت ايضا في منتديات بني تميم ** اخي خيال الغلبا لك كل الشكر والتقدير والاحترام واشكرك على روحك العاليه وفكرك الناضج وكلامك السليم لكن يخوي اكيد ماجاء من بعض السبعان رده فعل والله يلوم الي يلومهم اكيد تدفعهم حبهم لقبيلتهم ولكن نحنو ما علينا من صغار العقول والمراهقين من تميم ولا سبيع الذين ليسو لهم شغل الا الكتابه في المنتديات والمهايط ونا واثق تمام الثقه لو يتقابل سبيعي وتميمي في الشارع راح يكون بينهم موده واحترام وتقدير ولا هم مفكرين في برنامج ولا في بيرق ونا معكم والله ظلم ظلم ظلم يكون الشاعر الكبير المتالق ناصر الفراعنه في المركز الاخير لكن وش نقول سالفه راحت وعدت لكن يبقى الكبير الكبير مهما حصله هنيءا لكم بهذا الشاعر الكبير ويا اخي الكريم خيال الغلبا انا معك باللي تبي نعين ونعاون ونا اخووك ونا والله احاول اني اهدي هالمشاكل الي جت في المنتديات على العموم لكم كل الشكر والتقدير والمعذره على الاطاله




اخوكم ومحبكم> هوشان التميمي

[ابو فهيد17]

بيض الله وجهك ياولد تميم

[سعد الجبري]

يمرحباااااااااااااااااااااااا يالتميمي يمرحبااااااااااااااااااااااااااا
يمرحباااااااااااااااااااااااا يالتميمي يمرحبااااااااااااااااااااااااااا
يمرحباااااااااااااااااااااااا يالتميمي يمرحبااااااااااااااااااااااااااا
يمرحباااااااااااااااااااااااا يالتميمي يمرحبااااااااااااااااااااااااااا
يمرحباااااااااااااااااااااااا يالتميمي يمرحبااااااااااااااااااااااااااا

والف هلا وغلا

والكلام كان من القهر والغيض اللي فينا لكن

والله اني اقدر الشاعر :::خليل الشبرمي

صح اني اول ماخذا البيرق كنت حاقد عليه بس اول مافكرة قلت طيب ليه؟؟

حب راس ناصر ثم من عقبها كبر في عيني والله انه كفو وهو ولا ناصر

مالهم ذنب في اللي سوواه شاعر المليون

ومشكووووووور

[الصمله السبيعي]

السلام عليكم ورحمة الله : اخوي التميمي النعم فيك وفي قبيلتك وانت قلتها صغار العقول موجودين في كل قبيلة سواء قبيلتكم ولا قبيلتنا وكل تصرف يصدر منهم ما يعني ان الكل قال وتقبل تحياتي والسلام