قصيده للشاعر مسلط بن محماس

[محمد بن مسيلط]

بسم الله الرحمن الرحيم

السلام عليكم ورحم الله وبركاتة

هذه القصيده كتبها الوالد مسلط بن محماس ابن مسيلط رداً على احد الرجال بعد ان سأله في احدى المجلاس

بقوله ( وش نشاطك يابومحماس )
فكان رد الوالد له بهذه الابيات .



قالو نشاطك قلت يامكثر الخير /
الخير واجد والنوايا سليمه /
عشنا بخير ولا جمعنا مذاخير /
الا هلا لاهل الوجيه الحشيمه/
نلقا بها عند المطاليق تقدير /
اللي على نهج السلوم القديمه /
كني ملكت بنوك والا جواخير /
لاكثرو الغالين فوق الوليمه /
حب الرفاقه والرجال المشاهير /
والفزعه اللي ما وراها ضليمه /
اخير من كنز الذهب والدنانير /
اللي حصيل الضيف منه الحريمه /
وش عاد لو يازن طنون وقناطير /
شجره عقيمه ما وراها غنيمه /
والمجلس اللي ما يروده مسايير/
يالله عسا راعيه بقعا تضيمه /
هاذي علومي و الزوابع مدابير /
مرن وعدن ما شكيت الهزيمه /
قاسيت صلفات الليال المعا سير /
والله عطاني قو صبر وعزيمه /
واليوم حتا العجز صارن هوامير /
ويمنا البخيل اليوم صارت كريمه /
لله في خلقه تصرف وتدبير /
محي العضام الباليات الرميمه /
بامره كتب للعبد فاللوح تقرير /
اما شقي والا سعاده مديمه /

الشاعر: مسلط بن محماس القريشي السبيعي

[أبو حاتم محمد]

صح لسانه وبارك الله في الناقل

[حمود الحقي]

والمجلس اللي ما يروده مسايير/
يالله عسا راعيه بقعا تضيمه /
هاذي علومي و الزوابع مدابير /
مرن وعدن ما شكيت الهزيمه /
قاسيت صلفات الليال المعا سير /
والله عطاني قو صبر وعزيمه /
واليوم حتا العجز صارن هوامير /
ويمنا البخيل اليوم صارت كريمه /
الله

الله

هاذا الشعر الحقيقي ومسلط غني عن التعريف ..

وسلمت يمينك يامحمد على النقل..وبدايه موفقه.. والله يحييك.. ولاتحرمنا جديد الوالد

[محمد بن مسيلط]

اخوي ابو حاتم صح بدنك نيابة عن الوالد

اخوي حمود ما عليك زود والله يبقيك
والله لايحرمك الجنه
وابشروا بكل مايرضيكم.

[حفيد عضيب]

محمد سلمت يمناك
قصيدة جزله من شاعر جزل
ابو محماس شاعر غني عن التعريف ، لاتحرمنا من روائع قصائده.