نعلن تضامننا مع قبيلة عتيبه الهيلا في التصويت لشاعر خالد بن محمد العتيبي

[الحري]

ونعم بعتيبه ولكن لن نصوت لهم

الحين عندنا الفراعنه اولى من الغريب ولهم صوتو لبدر كان قلنا بادره طيبه منهم يو كل من نساه

[صالح الثويني]

سلام عليكم

مساكم الله بلخير جميعا

والله خالد العتيبي يستاهل كل خير وخاصه انه (على حسب نضرتي ) ضلم من لجنة التحكيم

يستاهل العتيبي

شكرا لك اخوي خالد الشماسي

[alqahtani]

يستاهل الدعم خالد العتيبي..
شاعر مميز ذو خلق رفيع..
الله يوفقه يارب

[ابن جعوان]

مشكور على المبادره الطيبه يبو عبدالله
وعتيبه الهيلا تستاهل الخير وماهي غريبه من سبيع الغلباء لهم دائم
سباقه في كل شي اما الشاعر خالد يستاهل من يصوتله فهو معلم
اجيال قبل يكون شاعرا

[عين الصحافة]

صدقت يابو عمر

هذا الشاعر يفرض احترامه على الجميع


واعتقد انه سيظلم من لجنة التحكيم او من الاداره السريه للبرنامج


وبالتوفيق للجميع 0

[خيَّال الغلباء]

أخي الكريم / خالد الشماسي السلام عليكم ورحمة الله وبركاته وبعد : شكرا جزيلا لك على هذا الشعور النبيل تجاه الشاعر الإسلامي الكبير / خالد العتيبي وفقه الله ولا هي غريبة عليك الفزعة وعتيبة من أفصح العرب بشهادة الرسول صلى الله عليه وسلم ويميزون بين الغث والسمين وحنا معه قلبا وقالبا وهذا فيحان الشلاطي المقاطي العتيبي قدم اعتذاره لسبيع كافة عن ما خطه بخصوص فرعون الشعر وكتب عن الشاعر الشبل / بدر بن خرفاش السبيعي في منتتدى الهيلا الذي جملنا في المحتضر الله يبيض وجهه ويقول : http://www.otaibah.net/m/showthread.php?t=60645
علما أن من يحسبون على سبيع بالحلف والذين أساؤوا لفرعون الشعر لم ولن يعتذروا والله يعافيك ويبارك فيك ويجزاك خيرا مع أطيب الأمنيات واسلم وسلم والسلام .

[خالد الشماسي]

شكراً لمروركم أيها الأفاضل


هذا الشاعر خصوصا أحبه في الله وهو بحق شاعر




وعتيبة وسبيع هم من هوازن وحقهم علينا دعمهم بالتصويت وقد شارك الشيخ زيد المليحي قبل ايام في اعتاق رقبة أحد أبناء عتيبة


وهذا تفاعلهم مع التظامن

http://www.alhaila.net/m/showthread.php?t=61367



وخالد ينافس

الشبرمي من قطر

الرشيدي من السعودية
مهدي الوائلي من السعودية



وخالد اقربهم نسب وافضلهم نهجا ودعوة لله .

[النفل]

يستاهل الدعم خالد العتيبي..
شاعر مميز ذو خلق رفيع..
الله يوفقه يارب

[ولد الرماح]

مشكوور اخوي على المبادرة

والشاعر خالد يستاهل والله

وغير كذا الهيلاء مهوب مقصريين

[عبدالرحمن العامري]

أخواني الكرام ..

يجب ان تنظروا للموضوع بكافة جوانبه ..

خالد العتيبي شاعر ونعم فيه محد قال فيه شي الا بالعكس ..

لكن من ناحية اني احط له بنر كامل بالصفحة الرئيسية واتجاهل شعراء سبيع المشاركين هذي نظرة مع احترامي للاخ خالد الشماسي نظرة قاصرة ..

وبعدين مالفائدة من ذلك كله فهم لم يصوتوا لبدر السبيعي ولن يصوتوا لناصر ..

سؤال على الطاير للاخ خالد باقي ثلاث حلقات للمرحلة 24 وناصر لم ياتي دوره بعد وكذلك شعراء عتيبة الباقين اقصد عبدالله السميري و بندر المحيا وانت تعلم ان سياسة برنامج شاعر المليون تمنع ان يقع شعراء من قبيلة واحدة في مجموعة واحدة ولنفترض انه وقع احد من شعراء عتيبة في مجموعة ناصر وهذا احتمال كبير جدا ولا ابالغ ان قلت ان نسبة حدوث ذلك تفوق 90 بالمئة فهل سيصوتون لناصر ولا لولد عمهم ؟؟

وانت تعلم ياخالد مواقف قبيلة عتيبة مع سبيع ولا تخفى على احد واخرها ماحدث لناصر الفراعنة والتشهير ومحاولة التنقيص منه ولا تقول الناس اعتذروا..

نعم اعتذروا ولكن بعد ماافحمناهم في منتداهم اذعنوا للحق صاغرين ..

نصيحة لك اخي خالد ان تراجع نفسك لكي لاتفقد المزيد من ابناء قبيلتك ..