عشق الحياة الطبيعيه خارج المدينه

[عاشق الباديه]

يدور الزمان وقدمه ايامنا تنساق=ودنيا الفنا دايم للاعمار سراقه
ولا بد من عقب التجمع يصير افراق=وسود الليالي تالي الوقت فرّاقه
وكل من صدوف الليالي له استحقاق=ولا احداً بسالي من عنا الوقت وارهاقه
حدانا الزمان وقاسي الوقت ماينطاق=بلاني بكثر مشاهد الباب والطاقه
ومليت من جو الحضاره وصدري ضاق=تهنيت للي عند معزاه ونياقه
ابا الديره اللي ماتسبب قلق وارهاق=ولو مامعي فيها بعيراً ولاناقه
هوايه وشفي سجتً خارج النطـــــاق=بعيداً عن اجواء فتحة الباب واغلاقه
على اللي معا الارض الخلا يعجب السواق=جديدً مديله مارفع ضغط سواقه
ليا فز مثل المجرم اللي عطوه اطراق=يبعّد هجوس مولعاً هاجسه ساقه
على البر وفجوج الخلا هزته الاشواق=هذي رغبته وعلاج قلبه وترياقه
ليا من بدا في الرجم مع حزة الاشراق=لقا الصيد والاّ وحصل اثره ومطراقه
لاقام إيتوايق والولع صاحبه توّاق=على الشف والمدهال كم مرقبً واقه
طراة الحياة لصاحب الصنف لامن تاق=وهذي هوايه للمداغيش واشفاقه
مع تحيات الشاعر=عايض فرزان الجهمـي السبيـعـي

[خيَّال الغلباء]

صح لسان الشاعر / عايض فرزان الجهمي السبيعي