منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
قصيدة لسبيع شعر ناصر بن حمود العامر السبيعي رحمه الله
كُتب : [ 19 - 06 - 2005 ]
الدار ما حنا بها مستريحين = ما ها ومرعاها تنكر علينا
قلت آه انا يادار متى تزينين= متى بركب المملكة تلحقينا
يا دار راح العمر وحنا امهانين= وش حيلة القاصر مع الطايلينا
الله يجازي من بنا مستبدين= لا خايفين الله ولا مستحينا
مريضنا يروح لديار ثانين= ان طاب وان ما طاب للشا متينا
مصالحٍ حرمت على المستحقين= راحت بها الواشين والماكرينا
المغرضين المترفين الأمينين= باللي حصل منهم عسانا اكتفينا
با سباب هذا صارت الناس قسمين= احدٍ شمالٍ راح واحدٍ يمينا
يا زارعين الحقد ضد البريين= لا بدكم من بذركم حاصدينا
ياللي على السرقات والكذب ناشين= الى متى في غيكم سابحينا
هذا الكلام اللي عليه البراهين= والله على قولي من الشاهدينا
قلته وانا من ساس قومٍ عريبين = ما نقبل الطولا ولو من حدينا
حنا لوافين العهد دوم وافين= ولغير وافين العهد ما وفينا
نمشي لصاحبنا على الراس والعين= هذي طبيعتنا وفيها نشينا
خصايلٍ فينا قديمه وها الحين= من فضل ربي عنها ما جزينا
شفي شغاميمٍ بهم يوخذ الدين= يا ما عليهم قمت اجر الونينا
هم حاصلي لا زاد كبو الخصيمين= يجبر بهم كسري وهم نازحينا
ربعي هل العرفأ كعام المغلين= سبيع لا قالوا هل الفعل وينا
اخص عزوةٍ لي اموالين= وسّامة المشعاب والمطرقينا
وجدي عليهم مير ما هم قريبين= لو هني من شافهم له بعينا
ما الام يوم ابكي سنادي والادنين= والا القبايل فيهم النايفينا
صلاة ربي ما دعوه المصلين= على النبي اللي بهديه مشينا
رد : قصيدة لسبيع شعر ناصر بن حمود العامر السبيعي رحمه الله
كُتب : [ 20 - 06 - 2005 ]
أرحب يا العامر
لا زلت أنتظر ما طلبته منك ووعدت به هاتفيا
عن اسرة ال عامر وانتقالهم واقربائك في سوريا
لا تبخلبأي معلومه فالان اجازه
وفقك الله
امل الاتصال
رب اغفر لي ولوالدي ولمن دخل بيتي
مؤمنا وللمؤمنين والمؤمنات
الراعي