هذه القصيده مرسلها الشاعر /مجري بن مسند على الشاعر /محمد بن طماح
وقلب يلي لحقت أهمومه أقصاه
حتى خذت في الصدرصوله وجوله
همن لعب في القلب لعب المباراه
في ملعبن يحظره من كل دوله
همن شغل فكري من أقصاه لقصاه
وضيق علي الكون عرضه وطوله
سبت غلا اللي كاملات مزياه
مغاب عني لحضتن طيف زوله
لاغمضت عيني تخيلت روياه
وليا صحيت أصحي ولانيب حوله
لاواوجودي يامحمد وجوداه
وجود عودن مالقا من يعوله
عودن كبير وشاف غبنه من اعداه
وربعه قلال الفود مافرجوله
على الذي كن القمر في محياه
يابري حالي كل ماشفت زوله
يابري حالي يابن طماح برياه
على العنود ام الرموش الخجوله
علآ وليفن مقدر اسج ونساه
وليا بغيت اجيه صعبن وصوله
غرون غريبات الوصايف حلاياه
عامين حالي من غلاه معلوله
اتشاهده عيني ولانيب وياه
دونه رديين النصيب اوقفوله
عرض نهار العيد صدفه وشفناه
ودونه محابيل الدروب محبوله
وسلم سلام الخايف بكف يمناه
وانا ادري ان ملقف الناس حوله
أقفا وانا قفيت وقول عزاه
ومبكي علآ اللي نادراتن دلوله
ادري صدوده غصب ماهوب برضاه
لاكن رديان النصيب اقعدوله
ولي حداني دونه أعداي وعداه
تصك بيبان الرجا بل القفوله
يابوسعد قلي عسا الحل تلقاه
الوظع عندي مغلقاتن حلوله
معاد عندي حل رجواي بالله
اللي جميع المسلمين اسجدوله
================================================== =
رد الشاعر /محمد بن طماح السبيعي على الشاعر/ مجري مسند السبيعي
البارحه ياطول ليلي ومسراه
هاجوس فكري قام يسرج خيوله
قم يامطر زانت بيوت المجراه
هات القلم وكتب كلامن نقوله
أكتب جزيلات البيوت المنقاه
من هاجسن له بين الاظلأع صوله
الشعر لامنا بغيناه جبناه
شرد البيوت أتجي معي بسهوله
قافن لفاني شوق الفكر مغزاه
من شاعرن ساس الوفا والرجوله
شاعر وشوقني بقافه ومعناه
نسل الحرار اهل الكرم والبطوله
قافن من مجري جذب فكري أصداه
وندشت من موظوع زحل الزحوله
يامرحبن به عد غيثن نثر ماه
وعداد ماتجري مجاري سيوله
غيثن من الوسمي صدوقن بمنشاه
حول على جون توالت محوله
يامرحبا ترحيب ماهو مراواه
برسالت اللي نادراتن فعوله
غدابه اللي تل قلبه وخلاه
حسبه على اللي في الطريق أعرضوله
يندبني اللي عل الانذال تفداه
وانا عضيد اللي ثقالن حموله
الشاعراللي يشتكي من المعاناه
من عملت أصحيبن فريد العموله
اضاهر انه شايلن داه برداه
وهل الدوا اللي يطلبه مادووله
غدابه اللي في كلام المناجاه
يقول له ياطول ليلي يطوله
اللي رقاله دربن أصعيب مرقاه
يصبر على جور الزمان وميوله
والعاشق اللي كل براق يشعاه
مع كل دربن ماتوني ذلوله
ماكل رجل يكسب اللي تمناه
ولاكل نفسن ماتريده تنوله
ان أما رما القناص لازان مرماه
ان حاز عنه الصيد وان طق جوله
ومن راح يطردله سرابن بمظماه
غدبه الاوهام ماحال جوله
وان كان خلك عارفن وين مرباه
ابشر وبذن الله يسهل حصوله
اماغزينا القوم غزو وكسبناه
ولاخذيناها بخشم السيوله
غير متصل
