ابو سالم الرويــــــــــــــــس
الف شكر يا بو سالم .
يــامــا حـلا ياعـبـيـد فـي وقت الاسفار = جـــذب الـفــراش وشــبّ ضـــوّ المــنارة
مع دلــة(ن) تجــذا على واهـــج النار = ونـجـــر إلـى حــرّك تـــزايــــد عـــبــــاره
في ربعة(ن) ماهيب تحجب عن الجار =لا مـنّ خـطــو الــلاش مــا شــبّ نـــــاره
الــنـــــجـر دقّ وجــاوبــه كــل مـــرّار = مــالــفـّـــه الـمــلـفـوف مـن دون جـــاره
وأخـــيـر مـنـهـا ركعتين(ن) بالاسحار = لاطـــاب نــوم الـلــي حــيـاتــه خـســـاره
تـلــقاه في يوم(ن) يضيعن(ن) الافكار = يـوم(ن) عـلـى المخلوق ما اطول نهاره
وقـم فـي قـصـير البيت حشمه ومقدار =لــــو جــــار فــادمــح له ولو به خساره
تـرى النــبي وصّى على الجار لو جار = خـــــذ الـحـــذر يـاعـبـيـد عـقــب النذاره
رافـق قـويّ الــديـن حـفّــاظ الاســرار = يـنـفـعـــك فــي يـوم(ن) يـجـي به كراره
تـرى الـهـوى والغيّ هن شرّ الاشرار = ومــن داس عـار الـنـاس داسـوا لعاره
جــنـّب رديّ الــكــار مــافـيــه تـعـبــار = مــافـيـه مــن فــعـل الـمـنـاعـيــر شاره
جــنـّب عـنـه خـلــّه لـقـصّـاف الاعمار = واحـفـظ وصــتـاتـي يــارفـيــع الــمناره
واسـلـم ودم بـالـخـيـر يا طـيـر غـيمار = وصــلـّـوا عـلــى المختار ما غار غاره
القصيده الثانيه :-
( على بحر المسحوب )
مناسبتها :
تعتبر من أشهر قصائد الامير الراحل / تركي بن حميد على الاطلاق , وفيها الكثير من أبيات الحكمة والفخر بالشجاعة والفروسية .
ويذكر الرواة أنه قالها بعد عودته من محمد بن هادي وفشلهما في الاتفاق على نزول عتيبة صلحاً الى نجد , وكان الامير تركي قد جمع قومه يتباحث معهم في الامر فمر بهم راع يتغنى بالشعر عائداً من المرعى فجاء المطلع " تلعب طرب وأنا بنومي هواجيس
تلـــــعـب طرب وأنا بنومي هواجـــيس = ماســـــهّـــرك باللـــيـل كــثر الهــــمومي
أســــــهر إلى نامت عيون الهداريــس = وباللـــــــيل اراعــي سـاهرات النـجومي
أوجــــس بقلبي مثل دقّ النحاحــــــيس = الله يــلـــــوم الـلــــي لـحــالـــي يــلـومـي
قــــالوا جهلت وقلت جهل(ن) بلا قيس = الجــــــاهـــــل اللــي مايعرف اليـــمومي
أشــــوف عدلات اللــــــيالي مقابيـــس =ولا احــــد(ن) من الدنيا عظامه سلـومي
تــضــحــك وتخفي لك خفيّ الهــناديس = تـفـطـر لــها يــوم(ن) ويوم(ن) تصــومي
إعــمـــل وتلقا وافهم العلم بالــقــــيس = دنــــــياك لــــو زانـــت تـــراها نـقــومـي
إلـــــى تــوافــــق مشّور السوّ وابليس = تـبــر مـنــه وعــــــزّ ربـــــي يــدومـــــي
اربـــــع سـنـيـن ودمــع عيني أماريس= العــــــــين تســـهر كـــنّ فيها هـزومــي
باللــــيل اصالي حاميات الــمــحامـيس= والصـــــبـح الاوي كـل قـبّـا(ن) قحومـي
وإلــــى ركــبـــت معالجات المضاريس= يــبــــرد عـلــى قلبي لهيب الســمـومــي
قــــبّ(ن) تـنـــازى بالنشاما كراديـــس = والـــطـــــير فــي روجهاتهنّـه يـحـومــي
والـعـــزّ فوق معسكرات الســواديــسّ = إلـــــى طـلـــبت اللــي بالاشيا رحــــومي
إلى ســـمـــك عــــجّ الرمك بالملابيس=المســـــعـد اللـــــي حـــــظّ ربعه يقومـي
وشلف(ن) تركبّ بالعروق المناسـيس =وقـــحـص المهار وكلّ قبّا(ن) قـحـومــي
صــــوابنا بالميل غمق(ن) إلي قـــيس=وطــــريـحـــــنا فــي مـثـبــره مـايقـــومي
إن جــــنّ بــنا مثل النعام الأماريــــس = لا خـــــفّ عـجـل(ن) مع رقاق الحزومي
كـــــلّ الـقــلم من كـتـبــنا بالقراطــيس= وركـــــابـــــــنا من كـــثر الأقران تومــي
لـــومي على اللي ينقلون العــبابـيــس=وأهــــــــل الـفـــــرنج وكلّ رامي لحومي
إستلـــــحق اللي يطلبون الــنـوامــيس =اللــــــي مــــن الأقصـين وأدنى اللحومي
إن جـــــن بالميدان مثل الدواويــــــس = وطـــــار الغطا عن قانـــيات الرقــــــومي
عـــــرّج باهــلهن كنّـهـن الـقرانــــيس= عــلـــى الـطــريح مصوبرات(ن) كظومي
لا خـــــير في كثر الحكي والتمالــــيس=هـــرج(ن) بلا فعل(ن) يجي به وهـــومي
مــن لايدوس الراي من قبل ماديــــس=عــلــــيه داســــــوه الـعــــيال القــــرومي
ومـن لاي يقلطّ شذرة السيف والكـيس= تبـــــــدا عليه من اللـــــــيالي ثـــلــــومي
والقــــصر مايصلح على غير تأسـيس =ومـــــــن لا تـعــــــلّم ماتـــسـر الـعـلومي
ومــن لا خذا الدنيا بميز(ن) وتـقـيـيس =مـــثــــل الــــذي يسبح بليل(ن) يـعـــومي
والشـــيخ من يعطي الفقارا المفالـيس =يــــبــــــدّل الســـــــاعة بعزّ(ن) يقـــومي
والــــــحر لا دبتّ عليه الــنــوامــــيس =يشــــــهر وعـــــن دار المذلة يشــــومي
وإلى اكترب من بعض الاشيا نسانيس= إعـــــــــــزم ولا بدّ الفرج بالــــعـــزومي
بـــاب الــفـــرج لبسك نظيف الملابيس =ينــــــجـيـك بـأيـــام الكــرب والزحــومي
يجـــــلي صدا قلبي ضبيح المـــهاريس= لاقــــــــام شـــــرّاب القـــــهاوي يعومي
ودلال فـــــوق الـــنار دايم مجـــــاليس =أكـــــرامـــــهـن حقّ(ن) علينا لـــزومي
من صــنعة الصبّة وخمس التـخاميس= بــريــــّة(ن) يعـــمل بها كــــلّ يـــومــــي
وبـــهارهن هيل(ن) بليـّـا حواســــيس= كيــــــف(ن) يعــــــدّى للنشاما القـرومي
عــــــدّه لحــــماي العـــياد الــمراويس=والا الحــــــــصـان اللـــي بقينه وهومي
حــــتى يزين لنا المـثل والتوانـــــــيس = والكـــــــــــــيف طاب لمن يفكّ القحومي
وصـــــلاة ربّــــي عدّ رمل الطــعاميس = عــــــــلى شـفــــيع الخلق يوم اللمومي
[/poem]
القصيده الثالثة :-
( على بحر الهلالي )
مناسبتها :
قصيدة موجهة من الامير الراحل تركي بن حميد الى الامير الراحل محمد بن هادي .... ذكر من خلالها الامير تركي جنوحه للصلح في السابق وعدم تحققه , ويتوعد فيها بالحرب ويتفاخر بقومه وشجاعتهم وقوة بأسهم .
ياراكـــــــب(ن) مــــن فـــوق بوّاجة الخـــلا = مــــن البــــقــل مــابانــت مــواري فــطــورهــا
زعول(ن) من الراكب جزوع(ن) من العصا =خــطــر(ن) عـــلــى فــزّاتــهــا قـصـم كــورهـا
ركـــــّابـــــها مـــن ربعـــــنا خـــــابــريــــــنه.=دلـــــيلــة الظـــــــلما الــــى غـــاب نــورهـــــا
انــص بــن هــادي ريـــف هشـــالة الخــــلا =ريف الهـــــجــافــــا فــــي ليــــالي عســــورها
فــي مجــلـــسه تلـــقى عـــلوم(ن) طرايـــف = وحـــيـل(ن) تطـــاهـــا كــــل يــوم(ن) قـدورها
قــــل لـــــه طلــــبنا الصـلح منكم ولا حصـل = دنـــــياك مـــايـبـــــــقى بــهــا الاّ صـــبـورهــــا
ترى الحــرب ســـقم العـــين ماهــو بـ راحة=تســــهـــر ويــقــــزا نــــومـــهـا بـ حــجـورهــا
والـــــى حـــربــتونـــا فحــــــنّا حـــريبـــــــة =مــــاحـــــن بشـــــيـّان(ن) قــصـار(ن) شبورها
تــضـــدونـنــــا بالـكــــثر وحـــنا نضــــــدّكـم = بــــاكـــوان مـــــنـّا مـــا تــجــــبّر كســــورهــــا
نـقـــــفــي وحـــــنّا عيــنـنا فـــي حــــريـبـنــا= نـــعــــقــّب لــهـــــم نــمــر(ن) تـعـاقب سبورها
ونـــردّ ســـرحـــــات الخـــلايــع مشـــــايــع =كـــــبــــار الـــقـــــفـايــر نــابـيـــات ظــهـورهــا
امــــا نــــوافــــق غـــــرّة(ن) تتـفــــق لــــنا = والا مـــــقــــابــيــس(ن) تـــقـــدح شــرورهــــا
يـــرجـــــا لفـــــزعــتــنا الــى جــا كــمـيـــننا = بــــدهــــم الـفـــرنـــج اللـي وساع(ن) قرورها
كـــــرامـــة(ن) للـــــي تشـــوّق لــحـــربنـــا= لــــو انـتــحـــوا عـــنـا بـعـــيـد(ن) نــزورهـــــا
ومـــــــا اذمــــكم يا ربـــعـــنا نـعــم(ن) بكـم=أنــتــــــم ســــبـــاع الــهـــيـش وحــنـا نـمورها
وأنتم كما ضــلع(ن) صبور(ن) على الشــقا =وحــنـا حـــرارّ(ن) فــــي مشـــاذيــب قــورهـــا
ســـــاعــــة تجــــيكم خـيلــــنا عـــارفــــينـها = مـــعـــاريــــض مــاهـي معـــطــيــتـكم نحورها
وســـاعـــة تجيــــنا خيلــكـــم عـــارفــــينـها =نــحــــدّ الـســــبـايـــا لـيـــن تــركــب وعــورها
كــــم ســـربة(ن) دهــــما دهــــوم نجــــرّها=تـــحــــاكــــوا بـــــهـــا غــيــّابـها مع حصورها
الـــــى نســـــيــــتوها عـلـــيكم نـجــــــــرّها =تـــمـــوتـــون وانـتــــم مانـســيـتــوا حــرورهـا
تصــــبح مــــداس الخــيــل مـــن غبّ كوننا = تـــشــــبــع حــــنــاديــهــــا وبــــاقـي نـســورها
مــاينـــفع الا الـصـــدق والـفـــعــل والـنــقا =وبــــاقــــي الحـــــكـايـا بايـهات(ن) أمــــورهــا
عـــاداتــنـا لــطـم المـــعــادي علـى النـــــقا =والا الـــعـــمـيــلــة راتــعـــة مـــا نــذورهـــــــا
رد ابن هادي :
وينصحه من خلالها بالعوده الى الحجــــــــــاز
.
يــاتــركـي ابن حمـــيد وان كنت صادق = فــارجــــع بـقــومــك لاتـولّــي دبـورهـــــــا
نجــد(ن) تــبرّا مـــنـك وبـنــا تــرحــــب = تبـــدي لك البـــغـضــا ولا طــعـت شــورها
فــإن كــان يا بن حميد ماطعت ناصـــح =تــرى الــوعــــد لا مـــن ركــبــنا ظهـورهـا
فــإن كــان جــمــعاكم خذت ثوب راعي =فـ تــر جمـــعـنا مايـــاخذ الإ نــــدورهــــــــا
عاداتــــــنــا لطم المــــعادي على القنـا=والإ العــــمـــيلة راتــعــــة مانـــدورهــــــــا
بني مظيم(ن) وان تـولـّوك ســـــاعـــة = يــشـــدي لـــيــوم الــحشر نفخات صـورهـا
القصيدة الرابعة:-
( على بحر المسحوب )
مناسبتها :
وهي قصيدة عتاب موجهة من الامير الراحل تركي بن حميد إلى مسلط بن ربيعان بسبب عدم حضوره بعد تخلي الصعران ( من مطير ) عن الامير تركي في المعركة وقد تعاهدوا على مساندته , وبسبب وعد الصعران لتركي بالمشاركه ... لم يأتي مسلط بن ربيعان لحضورهـــا واكتفى بمشاركة الصعران للامير تركي , وبقي بعيداً عنه في روضة كــــــــشـــــــــب , ولم يكن احد على علمٍ بما يخطط له الصعران في الخفاء حيث انهم حين التقاء الجموع قرروا الانسحاب والتخلي عن تركي , وعلى ذلك قاتل الامير تركي ومن معه من بــــرقـــــا قتالاً شديداً رغم قلة عددهم ....... في احدى اشهر معارك نجــــــــد . والمرجح بأنها معركة البديعة التي كانت ضد بن هادي ( كما ذكر الظاهري في كتابه ) .
يــــاراكــــب اللــي بقلهن قد تـثــنـّـــا =فـــــــجّ العضود مدمّـثات المحاصــــــير
لاهـــنّ لا قعــــسن(ن) ولا هن دنّـــا =متيـّـــهات(ن) في ليــــالي المـــخاضـيــر
الصـــبح من وادي الرشـــا يـنـشرنا = مــــــن بيــــت ابو خالد زبون المقاصــير
يـلـفـن أبو تركي زبــــون المـــجنـّــا =ريـــــف الـــهــــــشالا في ليالي المعاسير
الشـــيخ مثلك مانزل "كشـب" عنـّـا = وادنى عـــتـيـــــبة حايل(ن) دونه الــنـيـر
جـــانـا الصعيري قال صولوا وصـلنا=صـــــلنا نحسب انـّه على راي تـدبـيــــــر
أثـــر الصــعيري فزعته مــــاج عـنـا =واقــفــــن ظـعــونـــه عقب ماهن مناحير
وجــيـنـا على ركب الحريب ونـزلــنــا = صـــــرنـــا دواويــر(ن) وصاروا دواوير
يــاكـــبر زبر جــمــوعهم يوم جــــنـّــا =أرواحـــــنـــا تـــرخــــص وهي للمقادير
بـــإيمــانـنــا صــورام(ن) يـقـطـعـنـــــا=ســقـــي الـقـنـيــدة من حقوق الشخاتير
مــن عــقـب هــذا لامـطــيـر(ن) وحـنـا =لا صـــلــــب جــدّ ولابــهـــم نيـّـة الخير
لـكـنـهــم يـــوم انــجــلى الســـــؤ عــنا =هـــــذا طــــريــــح وذاك ذ ّب المعابيـير
لــي لابــة(ن) تشــلع مــع السنّ سـنـّـا =إن كـــــان بالــغــــــارات ولا الطوابيـــر
ناس(ن) الى حلـّوا على القحص جـنـّـا =فــــي مــنـتـهـاه ونـنـّـزح النمر والزيــر
القصيدة الخامسة:
ســــــــــحم الضــــــــواري
مناسبتها :
قال الامير الراحل/ تركي بن حميد هذه القصيده بعد ان أبتعدت عنه بعض البدايد من عتيبه طلباً للمرعى . وكان الامير الهيظل أمير الدعاجين من عتيبة قد تصالح مع بن هادي وأهداه فرسين , بينما القسم الكبير من عتيبة بقي تحت لــــواء الامير تركي .
وفي القصيدة يوجه الامير تركي الخطاب الى سعد بن قطنان السبيعي من أمراء سبيع في رنية وهو ابن أخت الامـــــــــير محمد بن هادي امير قحطان متســـــائلاً عن الفائدة التي جناها الامير سعد بن قطنان من خــــــــاله الامير بن هادي , بعد أن خطب سعد إبنة أخي محمد فرده قائلاً : " لقد زوجنا أباك فجاء بك وبالاً على قحطان لشجاعتك وفروسيتك ولذلك لا أريد أن أزوجك فتأتي بولد يكون وبالاً علينا هو الآخر !!!" .
ويذكر الامير تركي في تلك القصيدة التي أجتمعت فيها عدة ظروف في مناسبة قولها حيث قالها بعد وقوع يــــــوم الحــــوية الذي كان غزواً قام به الامير بن هادي على قوم ابن اخته سعد بعد ان اعطاهم المواثيق بألا يفــــــــــــــعـــل .
" وتوجيه الخطاب من قبل الامير تركي في هذه الظروف الى قبيلة سبيع يعتبر ذكــــــاءً منه لإبقاء سبيع على الحياد في صراعه مع ابن هادي ويبدو أن الامير تركي نجح في ذلك الى حدٍ كبير لدرجة أن سبعين فارس من القريشات من سبيع شاركوا الى جنب الامير تركي في معركة البديعة ضد بن هادي " .
يالله ياللـــــي ماش حال(ن) يكــــــــوده=رب(ن) لطيف(ن) يصرف الكون تصريف
إن تــرحــم اللــي وحًـــدوا بـه جـــنوده =إحد(ن) صلح واحد(ن) تحدّر على السيف
نــــــــزلـــت يــم القــــهب بأوسط نفوده =واصيح للغـــــــــلبا بروس المشــــــاريف
ماحــدّت الأبــــــــرق لشــرقي ســـنوده =حـــامينها الغلبا بـــــــــحـّـــــــد المراهيف
اهـــل ديــار(ن) مـوسعــين(ن) حــدوده =واهل مــهــــــارن يلعبّن الغـــــطـــــاريف
وانشد سعــد عـن خــالــهم ويش فــوده =اللي يصــــّرف لـه مــن الحـــكي تصريف
هو جـــاب طهطام(ن) حصان(ن) يقوده=أو مــهرة(ن) تبـــــــــرا لجــيش المناكيف
إن خــاف قرب جـــــــدكم من جـــــدوده =وهــــم عــلى عــامــر عصـاة(ن) مواليف
ولـــــــيا منه ليّــــــم عليــــكم جــــروده =جــــــــاكم مع الـوادي جموع(ن) مراديف
يوم الحــــــويّــة ما أمـّــنتكم عـــهــوده = رمـــــا وصبحـــــكم بجمعـّه تخــــاليــــــف
وحنـّــــا اليا كـــلّ(ن) تمصلح بـــقـــوده =نصلح بنمر(ن) فوق قــبّ(ن) شــــواحيف
طــــــــريحنا ســـــحم الضــواري تروده=إلى ركـــــــبنا ليـّـــــــــنات المحـــــــاريف
غير متصل
