ناصر ولدكم (خالي ) معرّب إجدود = يطلبكم التصويّـت جهـر وخفيّـاء

[خيَّال الغلباء]

بسم الله الرحمن الرحيم

إخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبركاته وبعد : أبت شيمة أخيكم الشاعر الكبير / محمد بن مطلق بن دحيلان السهلي إلا أن تشارككم في دعم أخيكم شاعر الثقلين والوطن الكبير / ناصر بن محمد بن فارس الفراعنة السبيعي وفقه الله وحفظه وفاله البيرق إن شاء الله وقد قال أبو مطلق :

يا لابتي يا محزمي يـا هـل الجـود
= يا سهول نجد أهل الوفـاء والحميّـاء

ويا سبيع ياللي مـا نعتـوا بمنقـود
= أنتـم وحنـا لابـو اهـل الجفيـاء

ناصر ولدكم (خالي ) معرّب إجدود
= يطلبكم التصويّـت جهـر وخفيّـاء

تكفون نبغى الدعم يـا لابتـي زود
= لفريعنييّـن بالمـواقـف تهـيّـاء

وهذه أبيات أخرى له في نفس الموضوع :

يا أهل الوفاء يا أهل النوايا السليمه
= يا مقدريين ( الشعر ) يامنبع الطيب

تصويتكم يكسر سيـوف الهزيمـه
= ويدحر نفوس منقحيين الاكاذيـب

نـاسٍ نوايهـم عفـان وسقيمـه
= بالدرهم الأحمر تجي لك أصاحيـب

ما ردهـم بالكـذب شيمـه وقيمـه
= أسلوبهم عيبٍ ومنهاجهـم عيـب

لاكن رجانـا بالنفـوس الكريمـه
= وقفة رجـالٍ ما لحقهـم عذاريـب

لناصر التصويت منهم عزيمه
= تبري خفوقٍ لاعه الهم والشيـب

تصويتكم يالربـع ما هـو جريمـه
= تصويتكم يدعم هل الطيبّـه طيـب

منقول وأنتم سالمون وغانمون والسلام .

[ابن جعوان]

بيض الله وجهه وصح السانه
واشكرك على النقل تقبل
مروري لاهنت

[خيَّال الغلباء]

أخي الكريم الشاعر / ابن جعوان السلام عليكم ورحمة الله وبركاته وبعد : شكرا جزيلا لك على مرورك الكريم بالأبيات المنسوبة للشاعر / محمد بن مطلق السهلي في شاعر الثقلين والوطن الكبير / ناصر بن محمد بن فارس الفراعنة السبيعي صح لسانه وسلم نبضه وبنانه وإعتلا شأنه واليوم يومنا وحنا مع شاعرنا بالتصويت إلى النهاية على الرقم 44 ولا زال التصويت جار على أشده وفاله البيرق إن شاء الله والله يبيض وجهك ومن قال ما هان مع أطيب الأمنيات واسلم وسلم والسلام .