بسم الله
اخواني الاعضاء .. السلام عليكم
اولا احب اني اشكركم جزيل الشكر لاعطائي الفرصه للانتماء بينكم في هذا الصرح الراقي
واتمنى ان اكون عند حسن الظن وافيدكم بما استطيع واستفيد من خبراتكم ..
موضوعي الاول هو تغطية لمزاين سبيع والسهول والقرينيه
والذي تم اعلان نتائجة من فتره ..
واسمحو لي بأن الصور المضافه تقتصر فقط على ما استطعت ان احصل عليه من ذود المركز الاول ...
وقد بدأت فعاليات المزاين في /يوم السبت الموافق 23_8
وتم الاعلان عن النتائج في / يوم الثلاثاء الموافق 26_8_1427هجري.
وكانت عدد ابل المشارك الواحد عشرون ناقه فقط من لون الوضح
الموقع/ شمال محافظه رماح على بعد مسافه 25كيلو على طريق شويه في عرق عمر
وكانت النتائج على النحو التالي :
الاول: جزاع بن حمد بن حريول العزة السبيعي
الاول مكرر: فراج محمد الدهيمان
الثاني: حسن بن عجيان القريني
والثالث: سعد بن عيد ابو اثنين
والرابع: حمدان حريب التمر
والخامس: مشعان العامري
السادس: فهد بن عامر الجبري
السابع: فالح بتال العامري
الثامن: محمد عايض السبيعي
التاسع: فهيد دحيلان السهلي
العاشر : ناصر ذعذاع ابوثنين
الحادي عشر: ابناء المرحوم مفرج محمد
الثاني عشر: ناصر مدعج البليداني
الثالث عشر: سمير بن حثلان السبيعي
الرابع عشر: فالح بن المطوع السبيعي
وهذي صور ذود الفائز بالمركز الاول
لــ جزاع بن حمد بن حريول
وفي الحقيقه انها من اجمل واميز أبل سبيع عامه .. وكان لها في المزاين حضور مميز ادهش الجمهور واعجبهم
وكان اشتراكه موفق بعد مشيئة الله ..
وانا من هنا ابارك للفائزين ونشكر بن دهيمان لقيامه بهذا الاحتفال على مستوى ثلاث قبائل / سبيع والسهول والقرينيه ..
مبـــــــــــروك يا ابن حريول والى مزيــد من النجاحات ..
ولا يهون بقية المشاركين ..
الصور
وهذه قصائد مختاره قيلت في المزاين ...
الاولى : قصيدة ناصر الفراعنة في الفائز بالمركز الاول
جزاع بن حمد بن حريول
بسم الله وما شاء الله الله اكبر = ما شفت انا في الابل مثل ذود جزاع
ذود ٍ مثل نو ٍ على الشرق يزبر = من زود زين ٍ فيه ما شاله القاع
من نقرة الخفجي الى البحر الاحمر = ما شفت مثله ذود يشرى وينباع
يا ابو حمد تستاهل الفوز واكثر = وترفع لك البيضا على روس الارواع
شيخ ٍ جمع ربي بك الخير والشر = شر ٍ لمن عاند وخير ٍ لمن طاع
هداج في تيماء وجزاع في البر = وبأثنينهم يآمن من الجور مرتاع
جزاع عز سبيع في اليوم الاقشر = لا خالفت قلب الردي حدب الاضلاع
جزاع عد ّ سبيع الايمن والايسر = صفوة بني عمر مدبة كل طماع
لو بنــّتغنى فيه ما عاد نقدر = طيبه يخلي علومنا انصاف وارباع
للجود مدهال ولطيب مصدر = وللمجد منزال ٍ وللحق مقطاع
يفداه من لا سر ّ يوم ٍ ولا ضر = قوم ٍ يحركها على الحكي مرياع
الحفل بمشارك بني حريول اسفر = جزاع ومحمد كريمين الاطباع
نسابتي واولاد عمي وبفخر = ابطيبهم ذا الساع ذا الساع ذا الساع
اهل سفرة ٍ تندى وفنجال ٍ اشقر = عزّ من ناصيهم وريف ٍ لمن جاع
واهل فزعة ٍ تشهر وتكسر وتجبر = يوم الامور اطماع واذراعهم باع
واهل نخوة ٍ تظهر وتجهر وتقهر = مثل النجوم يخيلها كل من ظاع
يوم الجهل وهم هل حدود وديّر = ولهم بعالي نجد سبعين مرباع
جدانهم في ماضي الوقت تذكر = لا فاع من صفر العباريد ما فاع
قوم ٍ على صكات الايام تصبر = ربعي مدابيس السرب مدهم صاع
من سلة الغلبا هل الجوخ الاحمر = سبيع لحق الطنا روسها اسباع
جزاع سلملي على الليث الاسمر = ابن شري مروي شبا كل قطّاع
قافه ينومسنا وفعله مقدر = ويا عل عدوانه يعضون الاصباع
قحطان من ماضي الدهر غيضها مر = قطاعة ٍ بتاعة ٍ ذكرها شاع
واختامها قولو معي الله اكبر = وصلو على احمد والصحابه والاتباع
الثانية قصيدة الشاعر جمل بن شري القحطاني ونشكره مره اخرى من هذا المنبر
على قصيدته وما قاله في رفيقة جزاع بن حريول وفي سبيع عامه
ولما قدمه من دعم لمزاين سبيع مشكور يا ابو ناصر على الدعم المادي والمعنوي ..
يقول جمل بن شري
كل ٍ مشى درب جزاع ِ = ساعة تبرع بسياره
لطيب والجود فزاعي = دايم على العز مشواره
طماع في وقت الاطماعي = وان جاء الكرم تشتعل ناره
مهوب للمال جماعي = للضيف ويخاشره جاره
ذوده مشى يطوي القاعي = اللي خذا الناس بأذكاره
من لابة ٍ جالها باعي = يوم اللقا تنطح الغاره
يآمن بها كل مرتاعي = تقدم على الموت واخطاره
رددت انا فيه الاسناعي = باقي ولا طاح مقداره
والجاه يشرى ويبناعي = بين القبايل هذا كاره
وخالد وفي واجبه واعي = ما صد عن وجه زواره
من يعرف الوصف ما ضاعي = وافي وافية ٍ اشباره
ابن دهيمان بتاعي = يحوش قسمه ويختاره
شيخ ٍ ولا هو ولد راعي = سلمت يا طير سنجاره
واتمنى ان يحوز التقرير المختصر على اعجابكم
راع المغاتيـــــــر
غير متصل
