الحمدلله والصلاة والسلام على رسول الله وعلى آله وصحبه أجمعين
ارفع جبينك للسماء والبس ثياب الكبرياء
فاليوم لا تحزن أبي وافخر بموت الشهداء
فأنا فديت بلادنا وفداها كل الأوفياء
لا عيش لي إن لم أذد عن موطني وطن الإباء
لا عيش لي إن لم أطأ هذي الحثالة بالحذاء
لا عيش لي إن لم تعطر موطني هذي الدماء
قسم علي وإنني في داخلي يجري الوفاء
لو ترجع الروح التي فاضت إلى رب السماء
لبذلت روحي يا أبي من أجل موطننا فداء
وقتلت كلَّ مخربِ يخفي لموطننا العداء
وطني عشقت ترابَه وبحارَه حتى الهواء
ما قيمة الدنيا بلا وطنٌ يضمُ أو انتماء
السلام عليكم ورحمة الله وبركاته
انا تاخرت في الطرح لان كان ودي اوثق قصة البطل ب صور وفيديو له في الجبهة لاكن الظروف منعتنا منها
راح ابدء معكم بحسن اخلاقه ورجولته وقيادته وحكمته
محمد بن عبدالله كان نعم الرجل
كنا نرى خيره ولانعرف شره
حليم كتوم في الغضب حافظ ربه في سره وعلانيته
لايقبل الظلم لافي العسكريه ولا في المدنيه
كان في رمضان الي طاف كنت اقوله
يابوعبدالله العسكر متفلتين وانت قايد سريه لايلحقك كلام من القايد
قال لي يابوشبيب حنا في رمضان وانا ماني بفاضي لهم تصرفو فيهم
انا عندي قرأن وعندي مقابل ربي ابرك لي من العسكر
ابي اختم القرآن
ختمته مره ابي اختمه 3 مرات ان الله كتبها لي
وخذتنا السواليف حتى ماوصلنا لعمه مهنا ان ماخاب ضني في اسمه
يقول الله يلحقني عمي في سواته مع ربه
بناله مسجد في السودان وفعل وفعل وعمي فعل وعمي فعل وابوي فعل
الله يرحمهم ويسكنهم فسيح جناته
قال ذا الكلام و هو يتنهد
تعرفون ليه
كان يبي يبني له مسجد مثل عمه
كان يتكلم ويقول الله يلحقني فيهم في فعلهم مع ربهم
سبحان الله يامحمد ربي عطاك شي ماعطاه عمك ولا ابوك
ربي اكرمك واكرمهم بشفاعتك ل 70 فرد من عائلتك
الف مبروك عليك الشهادة يابطل الف مبروك عليك الشهادة يابو عبدالله
كان بو عبدالله مو من ظمن الناس الي بيروحون لجازان
وكنت انا وخويه المطيري جايين من كويت كان عندنا تدريب مايقارب اسبوعين
والمطيري كان مرتب أموره ع اساس يرجع من كويت ويطلع أذن اسبوعين واكثر وبعدها تبدء أجازته لزواجه ( هذا طبعآ محمد حمد المطيري )
والمطيري كان مجهز كل حاجه وخسران مايقارب 130 الف او اقل ودافع كل شي
المهم رجعنا وحنا في الطريق كلمني بو عبدالله سألني
( السلام عليكم
يالله حيه سلامة الاسفار
يا بو شبيب كيف الحال وين وصلتو
قلت له عند بو حدريه
قال الله يحيكم الدعوة مرابطين 24 ساعة في 24 ساعة مافيه طلعه ولا أذن
وهو يضحك علي يقول لي مافيه أذن مافيه أجازه تجيني في رأس الغار هههه
يابوعبدالله غير بدل
قال ابد هذا العلم
المهم
رجعنا راس الغار
( شوفو شهامة الرجال شوفو فزعته كيف
الله يرحم رجل ن رباك وام ن رضعتك )
وكان خويه المطيري يشتكي من الحاله هذي
بس هذي حرب سلم امره المطيري وبيضحي ب كل شي فدى للأسلام ثم الوطن
المهم بو عبدالله راح للقاده وقالهم انا بروح بدل خويي المطيري خلوه يعرس ويكمل نص دينه وانا بروح
رفضو القاده بس هو اصر حتى مانزل اسم المطيري من البرقيه
ورفع اسمه بو عبدالله بدل خويه
( لعلمكم ترى البطل بو عبدالله فزع لخويه بدون علم خويه )
المهم بوعبدالله قاعد مع خويه في الغرفه يفطرون الصباح وجا واحد من اخوياهم وقال خذ يامطيري هذي برقيتك لجيزان
ويناظر ويناظر وين اسمي يا الربع ليه حاطين اسمك بدالي يابوعبدالله
قال بوعبدالله ماني بعارف
بعد ماسأل المطيري وعرف ان خويه فازع له بدون علمه انحرج وحاول يغير شي بس البطل ولد رجال رفض وقال وهو يضحك رح تزوج و3 ليله لك بعد ماتعرف الزواج كيف تعالي جيزان عشان تكره حياتك ههه
راحو جيزان وبدة المهمات القتاليه
الله يرحمك يابطل الله يقبلك شهيد ويجعل منزلتك بمنزلة الرسول يارب
يافخر ابوك فيك يافخر امك فيك يافخرنا فيك
المهم عدة هذيك الايام على خير ورجعو لمهمه بعد كذا يووم الي هي يوم استشهادة
كان بوعبدالله ومجموعته
1 الشهيد فهد عيضة الزهراني
2 الشهيد ياسر شنبر
3 شاكر الغامدي
و النقيب خويه ومجموعته
طالعين للجبل وكل واحد من خويه النقيب و الشهيد محمد يحمي ظهر الثاني
لانهم مايقدرون يطالعون في ظهرهم لانهم طالعين جبل لازم يطالعون قدامهم
ف كان النقيب ومجموعته طالعين الجبل ومحمد عبدالله طالع الجبل الي جنبه
وكل واحد فيهم يحرس الثاني ومجموعته
نبدء اول شي ب المحادثه اللي دارة بين النقيب ممدوح والشهيد محمد عبدالله والمقدم الحربي
الشهيد يقول لممدوح تناظر شي وراي
قاله اناظر نجم يسطع
قال الشهيد انت القمر
هههههههه يتغزلون في بعض الاخوان
ورد عليهم المقدم يقولهم ايه تغزلو في بعض وانا ماطريتوني بشي
قالو له انت الخير والبركه يابو ؟؟
( كان في مكالمة بينه وبين النقيب ممدوح خارج العسكرية )
كان يقول الشهيد لخويه ابي اعرس خلاص مليت
ان شاء الله برجع وبعرس سبحان الله ربي اراد لك حوريه مو بنت طين هنيالك يا بطل
هنيالك ياشهيد الحورية
عن أبي هريرة يرضي الله عنه لا يجف دم الشهيد حتى تبدره زوجتاه من الحور العين
المهم جاهم طلق نار على المجموعتين
وبادلوهم بطلق النار حتى ماخلصة الذخيره وطلبو المسانده و ابو عبدالله الشاهد الله همه الوحيد يحمي اخوياه من الموت
يبيهم ينسحبون وطلب المسانده وفي نفس الوقت يهجم على الحوثيين لا وفقهم الله وين ماراحو
وخذ يابو عبدالله الحصى ويرميهم ويرميهم وجات طلقه في كتفه وكبر وهلل ثم قاوم وجاته طلقه ثانيه براسه وطاح ب الوادي
الف مبروك عليك الشهادة الف مبروك الف مبرووووك
مالكم عزى يا ام محمد واخوانه في الشهيد ابد ابد ابد
الف مبروك عليكم شهادة الولد
الف مبروك عليكم شفاعته
عزانا في انفسنا اللي مو عارفين شنو خاتمتنا
عزانا في انفسنا اللي مو عارفين كيف راح نموت
عزانا في انفسنا اللي مو عارفين بنروح على ملته او عاصيين
يارب لحقني ب الشهادة
يارب لحقني ب بو عبدالله والشهداء اجمعين
غير متصل
