الحكمة ( محسن بن طامي المكحلي )

[محسن بن طامي]

قالوا أن الطيب موجود والدنيا بخير =قلت في ذا الوقت بانت معالم لندثار

كل ما أمل بشخص كبير جاء صغير = وأصبح أكثر من تكابرت في عيني صغار

والله لا نيب متكبر ولا ميت ضمير = أتكلم من تجارب بدقه وأختصار

يعلم الله ما حقر ناظري غير الحقير = بعد ما أعمل له تجارب وكرر لختبار

واتجاهل هفوة الطيب ويبقا كبير = واحد لاغلط بالطيب رد الأعتبار

وأنقد اللي لا غلط ينفرد مثل البعير= وأنكر اللي يعمله وانتفخ رأسه وبار

من تمادى فالخطأ يعتبر نفاخ كير = ألا شخص لا أدعى وانتقم طلاب ثار

ومن يغره ماله ومنصبه مافيه خير = قد يذكره الزمان العبوس اليا استدار

ومن يمد اليد إلى راع الباع القصير = مثل من يفهق يمينه ويأكل باليسار

لو تجوع وتفترش لأرض ولحافك هجير = خير لك من مدة اليد وتعطا باحتقار

قبل تنوي وردة العد طالع بالصدير =لأجل تقدر قبل تاصله تغيير المسار

ومجلس ما تحترم فيه لو راعيه أمير =جنبه للمجلس اللي تحصل به وقار

فالوفاء لايملكه لاغني ولا فقير = مهنة أهل الطيب واللي مواهبهم كبار

رفقة رجال الوفاء مثل نفحات العبير = ومسند عند الشدايد لا من الوقت جار

والردي لو تجمعك به صله وألا مصير= أن بغيته ما لقيته وأن احتاجك قيار

فالغبي اللي يقع فالخطا بعد النذير = والذكي بالطيب من يملك رقاب الحرار

وخف من اللي تستشيره ولا يصلح شوير = وتترك الحكمة معا واحد مايستشار

[خالد الشماسي]

صح لسانك ملايين

قصائد تكتب بماء الذهب

نتطلع لبقية الديوان

سلمت ودام لنا وجودك

[محسن بن طامي]

المشاركة الأصلية كتبت بواسطة خالد الشماسي

صح لسانك ملايين

قصائد تكتب بماء الذهب

نتطلع لبقية الديوان

سلمت ودام لنا وجودك

صح بدنك أخي خالد الشماسي
و شكرا لك و شرف لي بمرورك

[إبراهيم سعد]

ابو طامي صح لسانك واعتلا شانك
والله ان هذا الشعر الحقيقي اللي يستمتع به القارئ

[سمح آلمحيآ]

صح السانك يالذيب

والله انك جزل

وضالمن نفسك بعد الانه توه واصلك الكهرب هههههه

هذا الشعر الحقيقي الذي يطرب القارئ

ولاهنت ياذيب

[البحيح]

مبدع يا ابا طامي


نحت من حجر

[محسن بن طامي]

المشاركة الأصلية كتبت بواسطة إبراهيم سعد

ابو طامي صح لسانك واعتلا شانك
والله ان هذا الشعر الحقيقي اللي يستمتع به القارئ

صح بدنك
وأشكرك على هذه الزيارة الجميلة لقصايدي
الله يحفظك

[محسن بن طامي]

المشاركة الأصلية كتبت بواسطة سمح آلمحيآ

صح السانك يالذيب

والله انك جزل

وضالمن نفسك بعد الانه توه واصلك الكهرب هههههه

هذا الشعر الحقيقي الذي يطرب القارئ

ولاهنت ياذيب

صح بدنك
والله أني ما تفرغت للقصيد ألا منذ فترة قصيرة
مشاغل ذا الدنيا ماسمحت لي طول السنوات الماضية
في نشر قصيدي
وغيري ناس واجد
لكن أعدكم في الأيام القادمة بالشيء اللي يسركم

[محسن بن طامي]

المشاركة الأصلية كتبت بواسطة البحيح

مبدع يا ابا طامي


نحت من حجر

أشكرك يالبحيح
والله يوفقك

[طامي السبي عي]

صح لسانك وبتوفيق