منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
الا يالله ماغيرك دليل التايه المحتار=ليامنه وقف في موقفه واختل تفكيره
وقف حاير ولايقدر يقاوم عزمه المنهار=ولايرجي سوى عفوك ليا لاحت تباشيره
قضى عمره بساحات الحزن وهمومه الأسوار=تقول إنه سجين وينتظر لحظات تحريره
قضى عمره تصاحبه الهموم ودمعه المدرار=وجرح بداخله يصعب على الجراح تصويره
ليا منه تذكر موقفن تشخص به الأبصار=تساوره الهموم اللي سبب حزنه وتدميره
على بابك وقف ياخالقه مايمتلك لأعذار=وقف مايملك الا صفحة اذنوبه وتقصيره
وقف يرجي فضايل رحمتك يالواحد القهار =لعلك تعتقه من واهج النيران وتجيره
الايالله جنب عبدك العاصي لهيب النار=ولا تجعل على ماقيل تدبيره بتدميره
أحب أنا المنتدى وأحب شعاره = وأحب أشوف الجديد اللي يقولونه
وأحب للشعر وأعشق كشفت أسراره = وأحب شكله وتنسيقه ومضمونه
وأخاف من قولة الأيام دواره = وأحسب ليومن به الشايب يعزونه