الجوال

[ناجي أبوليل]

قال

الشاعر / عايش بن هاضل السبيعي هذه القصيدة معبراً عن مكنون صدره:
يامجمول شوف العين ماهوب مثل الصوت
لو الصوت ينفع كان يفداك جوالي

تأكد فراقك لو يطول علي بموت
مع الناس وإن فكرت بك كأني لحالي

محبتك حطت بين عوج الضلوع بيوت
وربي كتب لك داخل القلب منزالي

توجه نوايا القلب كنه على ريموت
ويرسل على نغمات صوتك بالارسالي

ترددت أبي شوفتك لكن فات الفوت
وحاولت في مخذة علومك ولا جالي

وعودت للطايف وعفت الكرى والقوت
أقلد عوى السرحان في روس الأقذالي

محبتك سوت بي سوايا عقاب ونوت
وخلتني اعول في مداهيلك اعوالي

[ماجد الشماسي]

صح الله لسان قايلها

ولاهنت على النقل

[ناجي أبوليل]

شاكر لك مرورك الجميل اخي ماجد الشماسي

[خيال الصفراء]

صح لسان الشاعر ولا هنت على النقل الرائع




محبتك حطت بين عوج الضلوع بيوت

وربي كتب لك داخل القلب منزالي



اعجبني هذ1 البيت << ماهي غريبه على شاعر مثل أبو هاضل

[ناجي أبوليل]

أشكر لك مرورك الجميل
وصح بدنك اخوي خيال الصفراء

تقبل تحياتي