منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
يأفلان قم خلك قوي العزومي=وأحذر مطيحك يفرح اقلوب الأنذال
الرجل لو ماهو بحمله يقومي=ماصار له يأفلان قيمه ومنزال
من قال بأن الحال لازم يدومي=والله قدير إنه يغير للأحوال
خلك على نهج الرجال القرومي=اللي فعايلهم بقت مضرب امثال
واحذر مخوت ناقلين العلومي=واحذر تجي في مجلس القيل والقال
واشتر مخوت من يسد اللزومي=اللي ليا مالو هل الغدر مامال
اللي عن الهزلات نفسه تشومي=اللي نهار الضيق للحمل شيال
اللي ليا شحو عليك الرخومي=ماشح بالفزعات والجهد والمال
خل الوفاء بينك وبينه يدومي=وافده ليا جاله من الوقت غربال
واعرف ترى مافيه شخص امعصومي=ادمح خطى الطيب على كل الأحوال
لاتستمع فا اللي لفعلك يلومي=حاذر يجي لأهل الحسد معك مدخال
واعدد من لله يحج ويصومي=كثر من التسبيح و الهم ينزال
أحب أنا المنتدى وأحب شعاره = وأحب أشوف الجديد اللي يقولونه
وأحب للشعر وأعشق كشفت أسراره = وأحب شكله وتنسيقه ومضمونه
وأخاف من قولة الأيام دواره = وأحسب ليومن به الشايب يعزونه
رنـيـه وطــنـا مــتــبـدل بالابـــدال=نخلص لها دايم وبالعهد نافي
نسمة هواها تنعش القلب والحال=تشفي الفؤاد وللجريح تشافي
في ضفاف واديها بساتين وضلال=والجو فيها دايم الدوم صافي
غير متصل
