مــــراقب السمر

[مبارك مقين]

عسفت البيوت اللي على غيري معاناه=وحطيتها للناس فـي منتـدى شمـر
هاجوسن يراود خاطري ماقدرت انساه=تربع على عرش المعاليـق ثـم زمـر
له وقتن طويل ود عيني علـى فرقـاه=لكن هقوتنه يوم طـال الزمـن عمـر
ابى ازبن طويل الرجم مازال ابه ضواه=ابى مـدت الدربيـل للعهـب الظمـر
ياكوده يسلي خاطرن واهجـه يصـلاه=صلافيح سمرن يوم خاع الهـوا جمـر
وانا خابره لو سج عود علـى عميـاه=على جره الونـات ومراقـب السمـر
عليه الاناسة ذيبن يصـاح فـي قفـاه=خطاه الرصاص وهو من اللي يبى غمر
خفوقي يرف وعارفن شره الـي جـاه=كما رفت الحمر علـى فرخـة الحمـر
لقى العش ورعن قادر وخربه واثعـاه=على عودة ام البيـض لاكلـه مدمـر
على اللي فقدته من سنة مالقيت احلاه=لو انشد مع السفور ولا معـا الخمـر

[خالد الشماسي]

صح لسانك

قصيدة غزلية رائعة

ويستاهلون الطنايا

[خيَّال الغلباء]

الشاعر / مبارك مقين صح لسانك وسلم نبضك وبنانك وإعتلا شانك وجزاك الله خيراً ولا هنت

[مبارك مقين]

الاستاذ خالد الشماسي

صـــح بدنك ومتابعتك لجديدي تزيدني شرف وتسلم ولاهنت

[مبارك مقين]

خيال الغلباء
صح بدنك وإعتلا شانك وتسلم على مرورك الغالي ولاهنت

[الشاهق]

خفوقي يرف وعارفن شره الـي جـاهكما رفت الحمر علـى فرخـة الحمـر

لقى العش ورعن قادر وخربه واثعـاهعلى عودة ام البيـض لاكلـه مدمـر

صح لسانك واعتلى شانك
تحياتي لك
انت كذا

[مبارك مقين]

صح بدنك اخوي الشاهق

وتسلم على مرورك الطيب ولاهنت