الزواج بالإكراه من العادات السيئة ..وقد تعايش الشاعر/ محمد بن سبيل
مع قصه تدور حول المعنى فقام بتصوير ذلك الموقف..
بعيـادة الدكتور والناس جــــلاّس
………………………...... شفت الحزيــنة بانتظــار العيــاده
عذراً تثــير بحزنهـا كـل حسّـاس
…………………………...ودنيــت منـها كنت اريد الإفــاده
ولقيتها مابـين هـمٍ و هـوجــاس
…………………………..قلت اسمحــي لي بالكــلام بركـاده
مادام عـون الناس للنــاس نـوماس
………………………… وش صــايرٍ لك ياظــبي الحمـــاده
قالت وربّي منّي البــال منـحــاس
………………………… ومن زوجـــوه بغصب لا واهجــاده
بـيّنـت أنـا للوالـد الوضع من ساس
………………………… وقلت الجبر ما هـو للاجــواد عــاده
يـابوي ابن عمّـي على العين والـراس
…………………………لا شك مـــالي فيـه يـا بــوي راده
يـابوي خف من خـالق الكون والناس
…………………………ما ريد أنـا شــوفه مــرادي بعــاده
جمســه وصالونه مع التـاج و المـاس
………………………… وكثرة فلــوسه ماتجـيب الســـعاده
يـابوي قلـبي حب من لا مشـى داس
…………………………فوق الضمــير ويستــحق القيـــاده
زيـن الشباب و لا مشى درب الانجـاس
………………………… شــوفه منــاي وشـوف زولي مراده
حب الشـرف ما فيـه عيبٍ و لا بـاس
…………………………. واللي زرع و اثـمر يبــاشر حصـاده
عيـشة فقر مع صـاحبي عطر الانفـاس
………………………… في بيت ما به غير قطـعة وســــاده
ولا عيشتي مع شخص معدوم الاحسـاس
………………………….لو كنت في قصــرٍ من المــاس شاده
يـا ناس تكفون افزعوا شفت الاتعـاس
………………………… يا نـــاس مجبـوره ولا لي جـلاده
اخاف اموت من القهر و اشرب الكـاس
………………………….و اخلي الطمّــاع يعـلن حــداده
قلت الأمل موجـــود وشهوله الياس
…………………………والله رحـــوم و لا يضيّع عبـــاده
ياعل من باع العـــذارى للإفـلاس
………………………….وعساه ما يـفرح بنطق الشـــهـاده
تحياتي
غير متصل
