خمسين عامآ توجت حكم سلمان

[عبيد ابو شيبه]

للتواصل مع اخواني اعضاء وزوار هذا الصرح الشامخ
اليكم هذه القصيده اللتي سبق لي كتابتها في سيدي
صاحب السمو الملكي ألأمير \ سلمان بن عبدالعزيز ال سعود
امير منطقة الرياض حفظه الله ورعاه

خمسين عامآ توجت حكم سلمـان=في عز نجد اللي نشى في رباهـا
حكم على التوحيد بالسيف شامان=ادى العمـل ومانتـه مانسـاهـا
حييت ياشيخن حفظ خمس ألأركان=يأخو الملوك اللي يـذري ذراهـا
فهد وعبـدالله ونايـف وسلطـان=قصة شموخن يعجز اللي رواهـا
يأخوان نوره ياطليقيـن ألأيمـان=غصبن على الحساد واللي وراهـا
وارجع واقول انت الفخر ياكحيلان=من مبتدى السيره ليـا منتهاهـا
وحق العدو زند وفتيله وصـوان=ولا الصداقه عنـد مثلـك وفاهـا
تزينت لك نجد مسكـن وريحـان=عطيتهـا حبـك وتاخـذ غلاهـا
الله يجازي راع ألأحسان بحسـان=ويجزي الوجيه الهابيه من رداهـا
سلمانآ الحاكم وسلمان الانسـان=وسلمان ابوه اللي بسيفه خذاهـا
وتم الكلام وزبدة الهـرج نيشـان=وتسلم يمينـن لاعدمنـا عطاهـا
خمسين عامآ توجت حكم سلمـان=في عز نجد اللي نشى في رباهـا

[خالد الشماسي]

صح لسانك يا شاعرنا الكبير


قصيدة من شاعر جزل في أمير الرياض ويستاهل


حكم نجد فارسى العدل والمساواة في كل المحافظات


لا هنت

[عبيد ابو شيبه]

المشاركة الأصلية كتبت بواسطة خالد الشماسي

صح لسانك يا شاعرنا الكبير


قصيدة من شاعر جزل في أمير الرياض ويستاهل


حكم نجد فارسى العدل والمساواة في كل المحافظات


لا هنت

صح بدنك أخي خالد الشماسي


والله يكثر النشامى شرواك وكما تفظلت سيدي سلمان بن عبد العزيز


حكم نجد فارسى العدل والمساواة في كل المحافظات


شكرن لحضورك الكريم

[ابن جعوان]

------>

صح السااااانك وسلم بنانك
شكرا على القصيدة
الراااائعه لاهنت

<------

[عبيد ابو شيبه]

المشاركة الأصلية كتبت بواسطة ابن جعوان

------>

صح السااااانك وسلم بنانك
شكرا على القصيدة
الراااائعه لاهنت

<------

ياهلابك أخوي ابن جعوان
والله يشرف مقدارك ياغالي ومن قال لاهان