هذي ناقه حايل ضربها راعيها على البعارين وعيت تلقح
قال يا ولد بضيرها ....... وشرالها ذاك الحوار الاصهب المويحق
ويم جا لقاها تحتك على ذيك الخشبه كنها تحداه
قال /
يالحايل اللي غادي لك عثانين =ومن الشحم تبنين عالي العزاقي
بنطرحك ونضيرك والله يعين= ويالله عسا تالي الضيار الوفاقي
باخذ من سعيد العتيبي خلالين= وعندي اثنيني مصديات عتاقي
وحطهن من خرش ونتي تشوفين= ولا بد ما اضيق عليك الخناقي
بندر على راسك وصعب تقومين= وخالد مع سلطان عند المتاقي
ياويل ويلك ويل لون تدرين = اليا حذفنا با الغتر والطواقي
ردت الناقه الناقه شاعره/
تضيرون الحين لا يالمجانين=يا حبكم ياذا العرب لطقاقي
والله ما اروم عوارك الاصهب الشين= والله ما يلاقبي اللي يذاقي
ون جيتني تبي اللبن يا المسكين= اني لا الوحك رمحت طول ساقي
قال هو/
والله ان ترومينه والله ان تعطفين= والله ان يذوق وشال ثم الفواقي
ون كان ما رمتيه بيشيل شكرين=وينزلك في وسط حوش الزعاقي
واربع قواطير وخمسه سكاكين= مع صعايده عيره (ن) طناقي
زعلت الناقه ثم قالت/
بنزل سبالي وبصر الاذنين= ومد راسي فوق روس النياقي
ثم يشريني واحد يعرف الزين= ويدفع ثمنا كاش ما فيه باقي
ورعى بريضان سوات البساتين= ونبت الخزاما غادي له عناقي
ولا انت خلك عند ريح المعاطين=وريح الدجاج المخنز اللي يقاقي
تعطيني الروديس وتخلطه بتبين= لا بد ما تلاقاه يوم التلاقي
غير متصل
