عاجل إلى الملك عبدالله بخصوص كارثة الأسهم ( بالرسم والصوت )

[فيصل الربيعان]

مشكور على هالقصيده الجزله ياولد العم الحمدلله ماطبيت السوق
تدري لواني هبيته كان كسرت سوق الهوامير ههههههههههههههههههههههههه
طلبتك يابدر تدخل شاعر المليون لا تخاف لابتك وراك

[رفيق الجود]

صح لسانك يابو محمد أبدعت وأجدت

[خيَّال الغلباء]

المشاركة الأصلية كتبت بواسطة بدر محمدالسبيعي

السلام عليكم ورحمة الله وبركاته

هي لقلوبكم الطاهره 000 أتمنى أن ترتقي لذائقتكم يالغالين



للتحميل والحفظ اضغط على الرابط بالأسفل بزر الماوس الأيمن ثم حفظ باسم :

http://www.bh2day.net/medialoader/midi2/ashaaaam.rm

ياليت عندي في رصيدي ملايين=وادخل بها في سوق الاسهم علاشان
ارفع بها الشركات وانقذ مساكين=تعلقوا تعليقتن شانها شان
طبوا وهم صاحين وامسوا مجانين=يمشون بالشارع ومن غير حذيان
توهقوا توهيقتن فالها شين=وبعض الهقاوي تجعل الشخص عميان
خسروا 00وروس اموالهم كلها دين=مدبولتن تدبيل من عند ديان
والبيت مليان ٍ حريم ووراعين=مصروفهم يقطع قويات الامتان
صاروا من صدوف الليالي حزينين=لاوالله الا 00 روحوا في خبر كان
راحوا ضحايا في يدين الخبيثين=شلة هوامير ٍ تلاعب بالاذهان
تنهب دراهم شعب مثل الشياطين=وترفع سهم شركه ولو كان خسران
لكن انا بنخى زعيم السلاطين=بو متعب اللي للصعيبات مزبان
وانخى ولي العهد سقم المعادين=عضيد ابو متعب ويمناه سلطان
ملوكنا نفخر بهم فالميادين=اهل الوفا وافعالهم خير برهان
إلكم ولا 00 والكم غلا 00 يالعزيزين=غلا حقيقي مايجي فيه نقصان
تبصروا في سوقنا يالميامين=لابد يرجع سوقنا زي ماكان
لاهان ابو متعب زعيم الشجيعين=صقر العروبه للشكالات عنوان
اللي مشى حبه بوسط الشرايين=محزم ظهر شعبه على كل الازمان
له فزعتن تشهد بها الهند والصين=غيث ٍ على كل المناطق والاوطان
تكفا يابو متعب ترانا مصابين=افزع لنا يامسندي ياكحيلان
من سوق الاسهم صابنا الهم والبين=والقلب من شغل الهوامير مرضان
احمرت الشركات واحمرت العين=امن النظر في شاشة ٍ كلها احزان
سوقك يابو متعب يبي دعمك الحين=عوايدك فعل المكارم والاحسان

وسلامة الجميع

أخي الكريم الشاعر الشاب الكبير / بدر بن محمد السبيعي السلام عليكم ورحمة الله وبركاته وبعد : شكرا جزيلا لك على هذه الرائعة في الأسهم وما حدث فيها وصح لسانك وسلم نبضك وبنانك وإعتلا شانك جعلها الله لك ذخر وفي ميزان حسناتك يوم لا ينفع مال ولا بنون إلا من أتى الله بقلب سليم والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه هذا وتقبل فائق شكري وإمتناني مقرونا بجزيل محبتي وإحترامي مع خالص التحية وأطيب الأمنيات واسلم وسلم والسلام .

[بوشافي الصميلي]

رحمك الله ياوالدي أبو بدر وأسكنك الفردوس الأعلى في الجنه