ملحمة قبيلة سبيع الغلباء للشاعر الكبير / مسند بن سعود المجامعة السبيعي

[خيَّال الغلباء]

بسم الله الرحمن الرحيم

إخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبركاته وبعد : إليكم ملحمة قبيلة سبيع بن عامر الغلباء للشاعر الكبير / مسند بن سعود المجامعة السبيعي وقد أثنى فيها على ملوك وأمراء وقبائل الجزيرة العربية جميعا صح لسانه وسلم نبضه وبنانه وإعتلا شانه وبيض الله وجهه ويقول فيها :

بديت بإسم الله على أول ما أبداء = الواحد اللي سامك الأركان
الواحد المعبود علاّم ما خفى = علاّم ما يخفى على الأنسان
من بعدها هاضت هجوسي بقافها = أبيات شعرٍ قالها فهمان
أنظم معانيها وأعدّل بيوتها = وأختار ما يصفي من القيفان
أقولها يوم إن قلبي يهوجس = وهيّض عليّ ماضي الزمان
ذكرت وقت ٍبالزمان الماضي = يوم الحروب وزوغة الأذهان
يوم المسافر ما يسافر وحده = والأرض ما يوجد عليها أمان
واليوم فضل الله علينا ضافي = في ظل أبو فيصل بلا جحدان
فهد ملكنا قايد الشعب رايده = حر ٍنهض وإنهد بالجنحان
أنشاء المدارس لأجل تعليم البشر= وأنشاء المحاكم تعطي الحقّان
وأنشأ لنا طرق ٍتقرّب بعيدها = ومستشفيات تعالج المرضان
وعبدالله اللي حل كل صعيبه = سياسته ذاعت بها البلدان
النائب الأول وهو ريّس الحرس = ريّس حرسنا وافي الذرعان
والنائب الثاني عضيده مساعده = أبو فهد درع ٍعلى الأمتان
هو قايد ٍللجيش وحنا جنوده = والعز ياقف لا وصل سلطان
ويعيش أمير العاصمه راع الوفاء = سلمان كل ٍيشهد لسلمان
أمير عاصمة البلاد الحبيبه = ورجل ٍيليّن قاسي العيدان
وأمير مكه عز الله وثابه = حل المشاكل بين كل إثنان
يعيش أبو مشعل عسى الله ينصره = ويعيش من يحكم بحكم أمان
ونايف وزير الداخليه عادل = نايف على إسمه نايف الشجعان
وبقية الأسره عسى الله يعزهم = والله ينصرهم على العدوان
لا داع أمدحهم وكل ٍخضع لهم = والكل منهم مخلبه طعّان
عيال حر ٍصاطي ٍمخلابه = من ضربته تتسايل الدمّان
والمملكه هي أمنا نعتني بها = وعيال مقرن همّه العمان
هم يصدرون الأمر وحنا ننفذ = والبيت ما ياقف بلا عمدان
دون الملك والشعب نرخص أرواحنا = ومن خان شعبه خانه الرحمان
هذي أمانه فوق عنق ابن اّدم = ومن خاف ربه للأمانه صان
لا مفتخر بالقول ولا أبالغ = قلت الصراحه والصحيح يبان
قلته وأنا من لابه معروفه = تشهد معي بفعولها العربان
قبيلتي كل ٍعرف ماضيها = تشهد لها الأجناب والخلان
ربعي سبيع ومحزمي وسنادي = أفخربهم في ساحة الميدان
قسم نزل برماح وأهل الحاير= والقسم الاّخر ينزل الوديان
بذكر مكارمهم وبذكر فعولهم = والأوله نبدأ من الوديان
منهم مجامعة ٍعلى اللين والقسى = ترسي إلى من عسكر الدخان
ألاد المجمع سعد من يعتزي بها = ضد الحريب وتكرم الضيفان
أما العدو عليه شر ٍمنزل = مثل النجوم اللي على ضلعان
ومنا الملوح اللي توسع طعونها = عدوها منها يجيه اجنان
اّلاد مالح باللقاء صيرميه = يـقــولها اللـي كـلـمـتـه مـيـزان
ومنا الجهوم اللي جزال ٍفعولها = من طمع فيها ردتـه خسـران
ومنا الحميديه عما كل عايل = سعد الرفيق وتلطم العدوان
اّلاد الحميدي فعلها شاهد ٍلها = ولها على وكر الشداد مكان
ومنا المراغين السباع الفارسه = ووزراننا يا نعم بالوزران
ومنا الشماسات الرجال الوافيه = حريبها دايم وهو سهران
شمس ٍعلى قلب العدو الطامع = عقب الطمع يرجع وهو ندمان
ومنا بني سوّاد نعم اللابه = اّلاد السويدي لابة ٍظفران
همه هل البل لا هل البل غيرهم = يا كم شعوا يوم الجهل قطعان
ومنا فراعنة توّطيٍ عدوها = وتشب بكبود العدا نيران
اّلاد ابن فرعون يقمح عدوها = تغدي عداها باللقاء شتّان
فراعنه بين العرب مشهوره = عند الجهام ترخّص الأبدان
واّل العميري أهل الشرف ما نسيتها = والصندلي فعله على برهان
ما أحد ٍتهقوا به ولا أحد ٍهازه = يا كود من ساقه نصيبه شان
واّلاد ابن مشعب عسام العايل = المشعبي في المعركه فتّان
مشاعبه يشهد لها ماضيها = قوم ٍتشيل الراس من الأمتان
واّلاد ابن مكحل أسود الغابه = مكاحله لا صملوا عيّان
نار ٍعلى العايل تواقد لهيبها = وغيث ٍعلى الأقراب والجيران
واّلاد ابن مفلح محابيل العداء = حريبها يرجع وهو إمهان
مفالحه كل ٍيهاب رجالها = سم ٍعلى كبد الحريب اصنان
ومنا الرجال اللي تضد المعادي = اّلاد الرويبي فعلها ما هان
اّلاد الرويبي محتمين الهيه = رجالهم يثني وراء السلفان
وربعي هل الخرمه حمّاية الوادي = لا نيب ناسيهم ولا غلطان
اّلاد صامل صاملين الهده = وفعولهم عندي لها ثبتان
وأميرهم شبّاب ضد الجاني = شيخ ٍتوطى هيبة الشيخان
كاسر أسود الضاريه بالغنايم = سبع السباع وفارس الفرسان
وبني عمر لا جت تحدى وتحتدي = مثل المخيل معذب الربّان
يمطر برد ما فيه قطرة مويه = إلى أقبل مخيله للرعد دندان
كل ٍيقول الله يحيله عنا = مروفتك يالله يا رحمان
عمرية مثل الصواعق من السماء = في راي قايدهم ابن عبيدان
واّلاد العسيلي مثل سيل ٍإلى إنتحى = من قو سيله يركب الجيان
يفجر محانيب المسايل بقوته = ويشيل ما ياطى من البنيان
واّلاد الأجرب ما أحد ٍزحزحهم = قوم ٍتكف طماعة الطمعان
وإلى اعتزوا دون المجاهيم سبلوا = بأرواحهم في حسمة الذيدان
لا صاح صايحهم يجونك جنودهم = ولا ناحروا لا كنهم عميان
نطاحة الماص الحمر حزت اللقاء = بحد السيوف وصافي النيشان
وربعي هل الوديان كسّابة الثناء = تحمى الجهام وتحتمي الحدان
وحدودنا يم الجنوب موسّعه = بيشة نصيفة نزلها السبعان
وحدودنا العرقين من شرق البلد = وأيضا وراها أملاك وأيضا أوطان
ويم الشمال حدودنا مخفوره = يحدنا خنثل عن العتبان
وحدودنا من غربها معروفه = وادي كراء حد ٍعن البقمان
هذي حدود سبيع ما أحد ٍرعى بها = حامينها من خلقوا الجدان
ربعي هل الغلباء وهي عزوتنا = ولنا بني عم لهم مكان
نزالة برماح والرمحيه = خذوها غصب ٍوالعدو امهان
ما هوب ورث اّباهم وأجدادهم = ربعي خذوها بطولة الأيمان
مشوا من الخرمه على وقت الجهل = ثم حدروا مع نجد والجيان
ثم إستقروا يم ذيك الديره = وأصبح لهم في جوها مسكان
بسيوفهم ورماحهم بتاعه = تاخذ وتعطي مع هل الحقان
همه محازمنا وحنا عضودهم = ولو فرقتنا الدار فإنّا إخوان
ما نغتني عنهم وهمه كذلك = ولا يمتكن من بيننا نسيان
بذكر بدايدهم وبذكر طيبهم = وأدخل على ربي من البهتان
منهم عرينات ٍتراوع به العداء = لا جاء اللقاء وإصطكت الجيلان
اّلاد العريني محتمين التالي = تشهد لها الأجناب والصدقان
كم فرقوا من جادل ٍعن خليلها = ودموعها هلت على الأوجان
وكم سربة ٍيوم اللقاء عيدوا بها = فوق المهار وكل أصيل حصان
يا نعم ياّلاد العريني وأفتخر = بأفعالكم لا حنّت الحيران
ومنهم عوامرة ٍمطوعة الصعب = حريبها يصبح لها مرسان
حريبها دايم بقلبه عله = ما يستلذ النوم من الأحزان
عوامره كل ٍيهاب ارجالها = من ضربها ما تسلم الأكوان
يا كم خذوا ذود ٍعلى وضح النقاء = والعامري كسبه ما هوب خيان
ينطح وجيه الخيل لا ناحروا بها = ويلحق على اللي كنها شيهان
وسم ٍذحاح ٍزايد ٍحنظليله = على عدوه دفقة الثعبان
وغيث على الجيران والضيف والخوي = ومن الصخى يذبح سمين الضان
ومن ربعي العزه هل العز والشرف = قولي صحيح ولا عليه اغشان
قبيلة العزه لها ماضيها = واليوم حاضرها مثل ما كان
تاريخهم يشهد لهم بالطوله = وإلى إعتزوا فإن إسمهم عزوان
يا نعم بالعزه عسى الله يعزهم = شر ٍعلى اللي غزه الشيطان
العزه إسم وقسم والله قسم لهم = وأفعالهم بين الرجال اسمان
ومن فعلهم يا وقعة ٍبالحاير = سمي بها الحاير عقب ما كان
ومن ضمنها سيف الشجيع الصامل = اللي فلق قروٍو وروس إثنان
قطع رقاب الترك في ميراده = سيف ٍيداوي علة الوجعان
حده وريع ومن ضربه صامل = يبرد طنى من خاطره طنيان
وإلى ذكرت فعولهم تشفيني = فعل ٍيطيولني وأنا طربان
ولو كنت أعد فعولهم ما أحصيها = الله يرحم شيخهم جفران
شيخ ٍجميع الناس تعرف طيبه = ولو غاب نجم النجم الاّخر بان
ومنهم جمالين ٍيجّمل فعلها = يا نعم والله وأمدح الجملان
شر ٍعلى اللي حايشه مقروده = على العداء كنهم رحى طحّان
تكسر زمام القوم في ميراده = تبقم وتدقـم شوكـة الـحـدمان
وإن كنت أماري يطلقون الساني = فعل ٍحقيقي يشفي السقمان
وباقي قبايلهم فلو ما نعدها = فعولها مثل الفجر بدران
كل ٍعرف عنها وكل ٍدرى ابها = الحضر واللي ينزل البران
جواسة ٍنواسة ٍحساسه = تضوي إعداها ضوية السرحان
ربعي بني عمر واّلاد عامر = قبايل ٍيرجح لها الميزان
قبايل نفخر إلى حل ذكرها = يا كم رموا من مشرك وخوان
ويا كم قزى في وردهم من سربه = شي ٍيشيّب جاهل الغران
خيالة يوم اللقاء مشهوره = فريسها تخضع لها الفرسان
وإن جاء الكرم ربعي هل المثلوثه = سعد الغريب إلى لفى ضرمان
وإن جاء بعز الجار يا سعد جارهم = قصيرهم يدعى على الخرفان
وإن جاهم المحتاج يلقى حاجته = لا شك ما في لابتي نقصان
مدحت ربعي ما عليّه لايم = ومن لامني جعله لهم حذيان
من بعدها يا لابتي يا عزوتي = يا سبيع ما خصيت شخص فلان
أرجو السموحه كان فيها قاصر = ما يكمل إلا الله عظيم الشان
فعولكم ما والله أحصي عدادها = وخذيت ماضيها من الشيبان
ومن بعدها بأذكر فعول القبايل = وأخصهم بالفعل والبيان
قبايل في المملكه مشهوره = نشهد لها بالسر والإعلان
في كل دار حقها من رجالها = والأوله تختص بقحطان
قبيلة يوم الجهل معروفه = وأفعالها مضمونة ضمان
من بعدهم شمر هل العز والشرف = شمر جمال الشيل بالوكدان
أقولها والله على ما أقوله = الشمري يدين ما يندان
اما عنزه من ماضي الدهر واّخره = قوم تهدم سيد الحيطان
قلت عنزه وأقول نعم اللابه = من ساس وايل نعم بالويلان
وقبيلة العجمان لا وصل عدها = يا ويل من تلوي به العجمان
قبيلة منها الشجيع الفارس = يا جاهلين اسمه فهو راكان
واما الدواسر ناطحين الغاير = ما همب يوم اللقاء شردان
وبني رشيد أهل اليدين الطليقه = يا كم فرقوا من جملة الخلان
لا جاء نهار فيه عدل ومايل = بين العزاوي هن والأديان
اما بني مره فمر حالي = مروين حد المرهفات اسنان
اما الظفير مظفرة من عنالها = قوم على الجيره لهم حنان
واما السهول أهل الفعول الوافيه = اللي وردهم راجع ضميان
لا دارهم ذيب العشاء ما صادهم = يدوج ويعود وهو جيعان
واّلاد العتيبي هل فعول قديمه = لا ثار عج وكاضمات عنان
ذباحة الحايل عسام العايل = اّلاد العتيبي لابة ظفران
محدن دخل حد العتيبي وهازه = إلا عقب ما ياخذ استئذان
اما قبايل حرب لا وصل عدها = تشهد معي بفعولها البدوان
نطاحة البارود ساعة يحتمي = وفعولها بنين على سيسان
ومطير لا جت بالزعل والتحدي = كل القبايل خافت المطران
وأذكر بلي بلوا على كل عايل = واما جهينة فاعرف الجهنان
أهل الجمايل في نهار الدبايل = في ظلهم تريح الرعيان
وسليم ما حي رعى بحماها = ولا كل جمع ينطح السلمان
وبني عطيه محتمين الرديه = لا جاء نهار يفخر الكسلان
واما الشراري بالشجاعه يماري = وفعولهم يثبت لها وجدان
والحارثي محراث نار حاميه = وهذيل لا عدو مع العمران
وغامد إلى عدوا رجال الشجاعه = رجالهم ياتيك لو حفيان
وإن سلت عن الأشراف لا وصل ثقلهم = هم الرجال اللي لهم عنوان
يا نعم يالأشراف وأنتم هل الشرف = ولا يجحد الشجعان كود هدان
اما البقوم اللي تعرف العاني = سم على كبد المعادي لان
اما بني شهران لا وصل عدها = فالناس كل يعرف اشهران
اما قبيلة يام يوم المعارك = يا كم غدى في دقلهم هموان
وعسير عسرين على من هازهم= كم واحد من ضربهم خمدان
والأحمري والأسمري والقرني = منهم إلى حتى بني زهران
اما بني مالك فهي معروفه = والبارقيه هم وأهل جيزان
اما بني شهر لا وصل دورهم = ذكرتهم بالفعل مع شمران
ويا ناس ياللي ما ذكرت أسماكم = والله ما خليتكم حقران
وهذا الذي قلته وعد لساني = أرجو المغفره منك يا رحمان
الله يغفر ما مضى من ذنوبي = أرجيه ما غيره لنا لجوان

ومبارك عليكم شهر الخير والبركة والرحمة والعتق من النار الذي أظلنا شهر رمضان الذي أنزل فيه القراّن اللهم اجعلنا وإخواننا المسلمين في مشارق الأرض ومغاربها من صوامه وقوامه وعتقائه من النار وكل عام وأنتم بخير وصحة وسلامة هذا وتقبلوا فائق الشكر والإمتنان مقرونا بجزيل المحبة والاحترام منقول مع خالص التحية وأطيب الأمنيات وأنتم سالمون وغانمون والسلام .

[سعد الجبري]

مشكووور ياخوي خيال

والله لا يهينك هو ترى ذكر قبايل سبيع كلها ال جبور

مع انه ذكر الرمحيه

بس صح لسانه ولا هنت

[خيَّال الغلباء]

أخي الكريم / سعد الجبري السلام عليكم ورحمة الله وبركاته وبعد : شكرا جزيلا لك على مرورك الكريم بملحمة الشاعر الكبير / مسند بن سعود السبيعي صح لسانه وسلم نبضه وبنانه وإعتلا شانه وقد قال : وباقي قبايلهم فلو ما نعدها فعولها مثل الفجر بدران والله يعافيك ويبارك فيك ويبيض وجهك يوم تبيض وجوه وتسود وجوه هذا وتقبل فائق الشكر والإمتنان مقرونا بجزيل المحبة والإحترام ومن قال ما هان مع خالص التحية وأطيب الأمنيات واسلم وسلم والسلام .

[جعد الوبر]

مشكور أخوي خيال الغلباء وصح لسان مسند السبيعي ولا هنت

[خيَّال الغلباء]

أخي الكريم / جعد الوبر السلام عليكم ورحمة الله وبركاته وبعد : شكرا جزيلا لك على مرورك الكريم بملحمة الشاعر الكبير / مسند بن سعود السبيعي صح لسانه وسلم نبضه وبنانه وإعتلا شانه والله يعافيك ويبارك فيك ويبيض وجهك يوم تبيض وجوه وتسود وجوه هذا وتقبل فائق الشكر والإمتنان مقرونا بجزيل المحبة والإحترام ومن قال ما هان مع خالص التحية وأطيب الأمنيات واسلم وسلم والسلام .

[جفين الطويرش]

الاخ الكريم خيال الغلباء بيض الله وجهك على النقل

وصح لسان الشاعر الكبير / مسند ابن سعود على هذه القصيدة الجزله

ولاهنت وحمل الله حالك

[ابو سعود 99]

الأخ خيال الغلباء شكراً على نقل هذه القصيدة الرائعة للشاعر الكبير مسند بن سعود المجمعي السبيعي وصح لسانه وبيض الله وجهه عليها 0 وهذه عاداتك ماتجلب لنا الا كل طيب

[خيَّال الغلباء]

أخي الكريم / جفين الطويرش السلام عليكم ورحمة الله وبركاته وبعد : شكرا جزيلا لك على مرورك الكريم بملحمة الشاعر الكبير / مسند بن سعود السبيعي صح لسانه وسلم نبضه وبنانه وإعتلا شانه والله يعافيك ويبارك فيك ويجزاك خيرا ويجمل حالك ويبيض وجهك يوم تبيض وجوه وتسود وجوه هذا وتقبل فائق الشكر والإمتنان مقرونا بجزيل المحبة والإحترام ومن قال ما هان مع خالص التحية وأطيب الأمنيات واسلم وسلم والسلام .

[خيَّال الغلباء]

أخي الكريم / أبو سعود السلام عليكم ورحمة الله وبركاته وبعد : شكرا جزيلا لك على مرورك الكريم بملحمة الشاعر الكبير / مسند بن سعود السبيعي صح لسانه وسلم نبضه وبنانه وإعتلا شانه والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه هذا وتقبل فائق الشكر والإمتنان مقرونا بجزيل المحبة والإحترام مع خالص التحية وأطيب الأمنيات واسلم وسلم والسلام .

[س ب ع 777]

السلام عليكم ورحمة الله وبركاته
بيض الله وجهك