محاوره بين صياف الحربي ومحمد المسعودي

[ماجد الشماسي]

صياف الحربي:
رحبوا رحبوا بضيوفكم ياهذيل = البيوت الكـــرام تفـــــــك بيبانها
لا تقوم القيامه قبل وقت الرحيل = ليله نصوم ونصلي على شانها
محمد المسعودي:
نعرف اليوم يوم ونعرف اليل ليل = ماتقوم البيوت الا بعمـــــــدانها
والله انك عميلي ماش غيرك عميل = راح حصنيها ويجيك سرحـانها
صياف الحربي :
بعد بكره تبا تشتال حملٍ ثقيل = اسمع السالفه واجيب برهـانها
كيف اعاملك وانته ماترد الجميل = وان ذبحت الذبيحه تاكل لسانها
محمد المسعودي :
الوكيل الله المعبود منته وكيل= ألزمك بالطلب واهل الطلب عانها
والفعل يذكرونه جيل من بعد جيل = والامانه سليم العقل ماخـانها
صياف الحربي :
بايعين البضايع ماعليهم كفيل = ياخذون الثمن وهيه في دكانها
وانت مريتنا طرقي وعابر سبيل = وان بدا راسها ماشفت كرعانها
محمد المسعودي :
دلة الهيل تسبق دلة الزنجبيل = نارها والعه مــاعج دخــــانها
وانت تدري وتعلم ماخلق المستحيل = نترك هزالها ونذكي سمــانها
صياف الحربي :
جعل طيراً طلع راس الشفى مايميل = لين كل الطيور تكف جنحا نها
وش بقى لك بعد ولعت راس الفتيل = مابقى غير حبتـها ونيشـــانها
محمد المسعودي :
عزوتي يحتمون ويسلمون الدخيل = معركه حاميه وهذيل فرسانها
ودي ان الرعد والبرق يقفاه سيل = تشرب الشجره اللي يبست اغصانها
صياف الحربي :
كان صادق على ماقلت هات الدليل = من يخاوي هذيل يغني الحــــــانها
وانت مدري تبى شقران والا شعيل = كلها زمل توعدني بنيبانها
محمد المسعودي :
طول الله شليلك ياطويل الشليل = اخوة المسلمين تساند اخوانها
نجمك الجدي ولا سعد ولا سهيل = عيش في كٍونها واخضع لديوانها

[خالد الشماسي]

محاورة رائعة


شكرا لك اخي ماجد و اختيار يدل على تذوقك لجزل المعاني



رحم الله صياف الحربي فقد كان مدرسة في فن المحاورة خصوصا القلطة

[ماجد الشماسي]

هلا ابو عمر اسعدني مرورك طال عمرك

[ناجي أبوليل]

لااااااااااااااهنت ياماجد محاروة راائعة

[ماجد الشماسي]

ناجي ابو ليل اسعدني مرورك طال عمرك

[النداويـ]

مشكور اخي ماجد لاهنت محاوره رائعه تسلملي

[قاسي ابن قاسي]

لاهنت محاوره جميله