محاوره ناااااااااااااااااادره

[ماجد الشماسي]

مستور العصيمي ومحمد السناني 9/1/1429هـ

--------------------------------------------------------------------------------


مستور العصيمي

ياسلام الله سلام احلى من البرحيه = من نخيل اهل المدينه والنخيل الثاني
يالسناني ياصحيب الساده الصوفيه = ليتهم يوم انشدوني كان قلت سناني

محمد السناني
مرحبا ترحيب احلا من لبن منقيه = ساسها معروف من منقية الشيباني
يالعصيمي ياعميل الروس والشيعيه = لاتوهقني على وضعك يزل لسناني

مستور العصيمي

لاتسوي حسنة وتحط معها سيه = لاجل لادورتني ياصاحبي تلقاني
شرهة التاجر على الدولار والربيه = يشتري ويبيع في مريكا وفاليوناني

محمد السناني

لاتواخذني لاجات اللمسه السحريه = الشباب مولعه في شيبة الرحماني
التجار الياعطوك الشور والحريه = يصرف الدولار في مريكا وفالياباني

مستورالعصيمي

خلها عقب رمضان وعقب عيد ضحيه = عندكم وش يفرق المسلم عن النصراني
الشباب عقولهم ياصاحبي عاريه = ماعقلها غير شايب وانشد الشيباني

محمد السناني

نفرقه بسلومنا واحكامنا الشرعيه = وانت فيك خلاف من برا ومن دخلاني
لاتغش المجتمع بافكارك الرجعيه = خلها مابين ابن عتقان الزهراني

مستور العصيمي
لوتبيع وتشتري بالبرصه الدوليه = ماانت جايب خير للريض وللعجلاني
يامحمد يامحمد لوصبرت شويه = كان خيرآ من علومٍ مالهابرهاني

محمد السناني
خاتمٍ سحري جديد وجوهره سحريه= مار مايمكن تعيض بخاتم سليماني
اعتبرني ماكشفت اخبارك السريه = مار اقول الله يعافيكم ولا يبلاني


مستور العصيمي

والله اني ماكشفت الحاجه المخفيه = انته اللي سابحٍ في عالم النسياني
العرب قالوا محمد ريس الماليه = واصبح الريس يبع اللؤلؤ والمرجاني

محمد السناني
وضع الانسي لو رضع له مع ولد جنيه = كلبوهم يشتكون الظلم والحرماني
اعطهم موعد على الجمعيه الخيريه = وافتح البيبان والا قفل البيباني

مستور العصيمي

الرساله في بريد حروفها مقريه = قبل لاتكتب كتابك وضح العنواني
السماء هذا سمانا وارضنا مرضيه = والبعير بعير ابويه والحصان حصاني

محمد السناني

شي مايخفا على الرعيان والراعيه = وانت وش دخلك بين النار والدخاني
السماء ماتاصله وام القرى محميه = مالك الا غير ماخلولك الجداني

[هذلي وأفتخر]

لاهنت ياماجد الشماسي على النقل المميز والرائع

بيض الله وجهك

ومواضيعك في المحاوره متميزه كالعاده



أخوك / هذلي وأفتخر

[ابو راجس]

بيض الله وجهك علي المحاور

[ماجد الشماسي]

هذلي وافتخر

ابو راجس

لاهنتو جميعا على المرور

[عبيد ابو شيبه]

أخي الفاضل/ ماجد الشماسي

محاوره ممتعه ونادره وشكرن لك على هذأ النقل الرايع

[ماجد الشماسي]

عبيد ابو شيبه اسعدني مرورك طال عمرك

[ابو سعود 99]

الأخ ماجد شكراً على نقل هذه المحاورة الجميلة والممتعة بين الشاعرين العصيمي والسناني

[ماجد الشماسي]

ابو سعود99 اسعدني مرورك

[شاعر المعنى]

أشكرك بعنف على نقل هذه المحاورة المميزة

وكما قلت سابقا" أنت مبدع فإلى الأمام أخي ماجـد

[بن قبان السبيعي]

لالالالالالالالالالالاهنت يا بــــــــــــــن الــــــــعـــــــــــــم