منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
الله وكبر وبتدي بتهليله=سبحان ربٍ خالق الكون منشيه
لامن نظمت القاف جبت الجزيله=والهزل أنا دايم لساني يعديه
يا سامع اسمع من كلامي حصيله=نصايحٍ للي يبيها وبهديه
واهل المعرفه بالمثايل دليله=من كان يسمع نصهم ما ترديه
لاصرت منظورٍ بعينٍ جليله=عليك بالدرب الذي كنت ماشيه
ومن لا يصون النفس يلقى الفشيله=في دنيته والاخره ما تنجيه
المال عزٍ والعبادة فضيله=واللي جمعهن حظه.. الرب معطيه
أعلى سمات العز دين وقبيله=والهون ولد الجاه منسبه يهفيه
المال ما قد عز راع الرذيله=والعز عز النفس ما المال مغنيه
و اعرف ترى النمام نفسه ذليله=فالجمع علمه ما يبا احدٍ يطريه
ومن يصحب الانذال يبلى بقيله=ينقال له واراك دايم تماشيه
من يصحب الذربين يرقى الطويله=كلن ينعمله وكلن يزكيه
ترى الشجيع القرم جاله ظليله=و لا الذليل أيطيرك من هقاويه
وطلب المرازق لازمٍ تحتسيله=لاكن الاقارب لهم حقٍ تديه
وترى التجارة تشقي اللي تجيله=لاكن لزومٍ مجلسك تنثني فيه
ِومن فطرت الانسان يصحب لجيله=وأكبر قدر تصحب لبوك اوتخاويه
وصلو عدد ما هل مزن المخيله=على النبي المختار ما حل طاريه
غير متصل
