بسم الله والحمدلله والصلاة والسلام على رسول الله وبعد ..
السلام عليكم ورحمة الله وبركاته
# هنيئاً لهذه القبيلة الغاليه وعرين الاسود . اشبالها الذين لازالو يضربون اروع الامثله
لمجتمع قبيلتهم . ذلك عند مخالطتهم افراد قبائل الجزيره العربيه ,
اما انا ومن باب الاعتراف بالحق والفضل والخوه بين رجل ورجل لأحد ابناء قبيلة سبيع
( ابو غنيم / هديهد بن غنيم السبيعي) مركز الضبيعة الخرج
فمارأيت منه الا كل امر جعلني احب هذه القبيلة وابناءها وكما قال الشاعر
( حبيت اهل نجدن علشان بيت // وحبيت اهل بيتن علشان مخلوق )
وقبل انتقاله الضيفي الى الخرج اهديته هذه القصيده ومعه اخ صديق لنا ( ابو جلال )
الله من قلبٍ مولع ومفتون // مولعه شقر المهار الاصايل
شقراً عليها من صفار الذهب لون // ومخالطٍ لونه بحمر النثايل
يالايمي بالخيل بالهون بالهون // لا يالسنافي كب عنك العذايل
للخيل حبٍ داخل القلب مكنون // احبها من حبها لتخايل
رمز الشجاعه والفخر كان تدرون // اقسم بها الرحمن منشي المخايل
الخيل فيها الخير ثابت ومسنون // وصى بها محمد وديع الرسايل
ومن عرض ما جاء في المثايل يقولون // الخيل عزن للرجال و شكايل
منها كسبنا معرفة كل دندون // اعيال الرجال اللي تشيل الثقايل
خوتك يا ابن غنيم عندي بمليون // مليون رجلٍ من عيال الحمايل
انا اشهد انك عون من يطلب العون // راع الوفى والجود وافي خصايل
وخوتك يا سالم لها القلب ممنون // مثل الوسام اللي على الصدر شايل
منك استفدت علوم بالخيل وفنون // ونجحت والترتيب ضمن الاوائل
الطيب لهل الطيب ثابت ومصيون // وش عاد لو الوقت بالبعد حايل
والله لو ما اذكر عوضنا التليفون // لشيل عفشي عقبهم والرحايل
تكفون يا اهل الخيل تكفون تكفون // لا تقطعون الوصل والشك زايل
عمر الفتى مابين داين ومديون // بين الرجال ولا تضيع الجمايل
من عاشر الطيب رقابه عن الدون // سندبه العليا وروس الطوايل
ومن عاشر الخيب يحده على الهون // ما يسقي الضامي سراب القوايل
ويا لايمي بالخيل بالهون بالهون // هذي الفوايد شاهدة بالدلايل
وامنيتي ان تحوز على رضاكم وان تصل الى ابو غنيم
اخوكم / ابو راكان العطاوي العتيبي .. القصيم