Untitled 1
 
  تريد فيو (اخر مشاركة : ارينسن - عددالردود : 0 - عددالزوار : 350 )           »          كيفية شراء الاسهم الامريكية الحلال (اخر مشاركة : ارينسن - عددالردود : 0 - عددالزوار : 453 )           »          افضل شركة توزع أرباح في السوق السعودي (اخر مشاركة : ارينسن - عددالردود : 0 - عددالزوار : 589 )           »          حساب سعر الصرف (اخر مشاركة : ارينسن - عددالردود : 0 - عددالزوار : 797 )           »          قصيدة رثاء في حمد الحضبي السبيعي (اخر مشاركة : عبدالله الحضبي - عددالردود : 0 - عددالزوار : 683 )           »          قمصان نوم تركي (اخر مشاركة : ارينسن - عددالردود : 0 - عددالزوار : 599 )           »          فستان مناسبات (اخر مشاركة : ارينسن - عددالردود : 0 - عددالزوار : 612 )           »          جلابيات مغربية (اخر مشاركة : ارينسن - عددالردود : 0 - عددالزوار : 630 )           »          ايشارب حرير (اخر مشاركة : ارينسن - عددالردود : 0 - عددالزوار : 543 )           »          رسوم الحساب الاستثماري في تداول الراجحي (اخر مشاركة : ارينسن - عددالردود : 0 - عددالزوار : 957 )           »         
 

 
العودة   منتديات سبيع الغلباء > المنتديات الأدبية > منتدى القصائــد المميــزه
 

منتدى القصائــد المميــزه القصائد التي يتم اختيارها لتكون ضمن القصائد المميزة


وترى العشق يا فالح على أهل الهوى غربال

القصائد التي يتم اختيارها لتكون ضمن القصائد المميزة


 
 
أدوات الموضوع
 
غير متصل
 رقم المشاركة : ( 1 )
الحميدي السويدي
عضو مميز
رقم العضوية : 1519
تاريخ التسجيل : 19 - 09 - 2004
الدولة :
العمر :
الجنس :
مكان الإقامة :
عدد المشاركات : 647 [+]
آخر تواجد : [+]
عدد النقاط : 10
قوة الترشيح : الحميدي السويدي is on a distinguished road
الأوسمـة
بيانات الإتصال
آخر المواضيع

التوقيت
وترى العشق يا فالح على أهل الهوى غربال

كُتب : [ 30 - 03 - 2006 ]

بسم الله الرحمن الرحيم

الاخوة الاعزاء في هذا المنتدى الشامخ بذن الله تعالى
أطرح بين أيديكم هذه المراسله التي جرت بيني وبين
الشاعر / فالح بن عبود القريشي يقول فالح

سلامي عليك إعداد ما جر له موال=حمام ٍ على الأغصان جر المواويلي
حمام ٍ مع الغبشه يغني وله ولوال=على الغصن الأخضر غادي ٍ له ولا ويلي
سلام ٍ لك أصفى من صفى صافي الشلال=وألذ أطعمه من نقع وبل الهماليلي
وعلى الكبد حلو أحلى من الدر وسط أسحال=أليا حلب من در الهجال المباهيلي
من در شعل لوحت الصوت جاها جفال=أليا سمعت الأصوات جاتك جناديلي
يخفخف لها من القاع لا سمعت الهوبال=يجيها الجنان أليا شعتها الهوابيلي
بنات الجمل عبدان ما سيق فيها ريال=مقيمات ورث جدود ها ك التفاصيلي
ولا طاح وبل الوسم مرباعهن شمال=مرا بعهن بين الجلد والغراميلي
سلام ٍ نسوقه سوق يا معرب الخوال=نسوقه كما تنساق بيض الفناجيلي
أليا سيق فيها البن والهيل يا رجال=على الطيّبين الغانمين المشاكيلي
من القلب منصاه أنت يا راعي الأفعال=يا راع الفعول اللي عليها دواليلي
وأنا عقب ما سلمت ما ظن فيه أشكال=يا مشكاي يا منصى الثقات الحلاحيلي
أبعلمك بالعلم وأشرح لك الأحوال=وأبعطيك نبذه عن حياة الغرابيلي
حياة الشقاء والشوق والبعد والغربال=حياةٍ تهول وكل أبوها تهاويلي
حياةٍ بها ما شفت يوم ٍ يسر البال=حياة السهر والنوح لا عسعس الليلي
أليا مست عباد الله لليل القريشي طال=تقول يتركز وسط طرفي سماليلي
من البعد حالي كنها يسلها سلال=وصبري نفذ وأشوف كنه طفح كيلي
ونصف العرب شامت ونصف العرب عذال=أنا طحت بين الشامته والعواذيلي
أحد شامتٍ زاري وأحد منصح ٍ لي قال=ترى ما ورى طرد المحبة محاصيلي
وأنا يالحميدي دام راسي عليه عقال=فلا أنسى غرام الترف زين التعازيلي
أبو خدةٍ مثل البدر في شهر شوال=وأبو الطرف الأكحل والرموش المظاليلي
حلي الغزال اللي تذيّر من الأزوال=تذيّر بعد ما شاف زيله وأزاويلي
عفيفٍ لطيفٍ ما حدٍ منه غيري نال=ولو ربع كلمه فتنت القرن والجيلي
ولا غيري إلا والدينه ولو يسال=يرده حياه ولا يجاوب ولو سيلي
عن النقد والمنقود والعيب والخمال=ترفع وكمل زينه الرب تكميلي
لا كنه وليفٍ الروح يا مال طيب الفال=عليّ يتغلى والتغلي برى حيلي
وأبي رأي راسك حيث رايك بدون أجدال=حكيم وتدل الدرب وتعدّل الميلي
وعليك أسند الشكوى ولك برسل المرسال=وأبي منك يا بن العم رد المراسيلي
وختام الكلام إعداد ما جر له موال=حمام ٍ على الأغصان جر المواويلي
سلام ٍ لك أصفى من صفى صافي الشلال=وألذ أطعمه من نقع وبل الهماليلي

الشاعر / فالح بن عبود القريشي


(( هـــلا يـالـرديـنـي ))

هلا مرحبا بالشاعر اللي بدع لأمثال=بدع من جزيل القول عذب التماثيلي
يصوغ المثائل هاجسه دائم ٍ شغال=أهجوسه تصافق كنها شاطئ النيلي
أهجوسه ليا منه تهيّض كما الزلزال=تصف القوافي له على كل تشكيلي
تصف القوافي قدم عينه على الأطلال=ولا ينظم إلا من خيار الاقاويلي
نظمها مثل نظم الذهب داخل السلسال=نقاها نقاوة ما عليها مدا خيلي
خبير ٍ بنظم الشعر للقافية فتال=أليا جاك قافه يعجبك فيه تذليلي
يذلل قوافي الشعر حتى تجيك إجزال=بيوته جزيلة ما دخلها هوا زيلي
على العد يا رد بالثقة والحبال أطوال=ولا يروي إلا من قراح ٍ مناهيلي
هلا به عدد نو ٍ تزبّر وفيه أخيال=مزونه تركز غادي ٍ له تثاعيلي
على المملكة يا خذ ليالي وهو همال=يعم الوطن كله أقنوفه هما ليلي
وترجع ديار ٍ مسنيه عقب وقت أمحال=وتشوف الخزامى عقب وقت المماحيلي
تشوف الخزامى كاثره والبدوا نزال=على مد ربي قدم عينك نوازيلي
على مد من مده يغاني فقير الحال=كريم ٍ رحيم ٍ رحمة تعدل الميلي
وهلا يا لرديني يا لوفي يا عريب الخال=هلا من هجوس ٍ صادقة توفي الكيلي
هلا بك عدد من في رضا الله قطع لأميال=توجّه لبيت الله يسوق الرواحيلي
أكرر لك الترحيب من هاجس ٍ يجتال=أهجوسي بعد خطك لفتني مقابيلي
لفت يا لرديني مقبله ضاميه وأعجال=تسابق على معناك وتصخّر القيلي
عقب ما قريت الخط طوّحت أنا الدسمال=وناديت ها جوس ٍ سريع المواصيلي
زهمته وقال أبشر على ما تبي فالحال=تفضل وهاك الرد وأغلى مواويلي
تفضل وهاك الرد للي حداه اللال=حدته المسافة وأتعبته المحا ويلي
حدته المسافة كل يوم ٍ وهو رحال=يبي شوف من شوفه يشافي المعا ليلي
وعسى رأي أبن بلعوس يحقق لك الآمال=ويد لك على حل ٍ يجيله مفاعيلي
أنا أقول دام الترف صافي معك ما مال=فلا تستمع لهل القلوب المغا ليلي
ولا تعرض الشكوى على واحدٍ دجال=ترى الناس فيهم مكثرين الدهاويلي
أخباث النوايا وألسنتهم قراح أزلال=ولا غبت عنهم كثروا الحط والشيلي
أضعاف النفوس أهل الردى ترثت الأنذال=يدلك عليهم يا لرديني دواليلي
وفا لناس ناس ٍ تعطي الرأي للعقّال=تقول الصحيح ولا عن الحق تبديلي
رجال ٍ تشيل الحمل لو الحمول أثقال=ولا تشتكي يا لقرم شيل الثواقيلي
على الصدق والإخلاص لهم دائم ٍ منوال=ولا تختلف عن منهج الطيب وتميلي
وترى العشق يا فالح على أهل الهوى غربال=وأنا قبلكم ذقت العنا والغرابيلي
وقبلي من أهل العشق كم واحدٍ قد قال=تعذّب وراء طرده بليّا محاصيلي
وترى الحل عند الله وهو الواحد الحلال=ولا غير ربي من يحل العرا قيلي
وعليك الصبر لأن الصبر فيه وسعة بال=وتوجّه لربك كل ما جاء آخر الليلي
عليك التوجه بالدعاء وأفضل الأعمال=ولابد ما يأتي من الرب تسهيلي
وعسى الله يلم الشمل لو كان وقته طال=وتعيش بسعادة عقب شوف البهاذيلي
وهذا جوابي يا ابن عمي على لأمثال=بعد ما وصلنّي نظمكم جاك تسجيلي
وكل ٍ حسب عرفه ونهجه نظم لأقوال=وأنا لي مع أهل العرف منهج وتحليلي
أحب البيوت الوافية والرجال أشكال=وأحب الرفيق القرم وأغليه با لحيلي
وأنا من غلاك أرخص لك الحال قبل المال=وأقف في لزومك لو بحد المصا قيلي
وختم الكلام بذكر من نزّل الأنفال=عظيم الجلال منزّل الحق تنزيلي


الشاعر / الحميدي بن سعد السويدي


بعض من قصايدي الصوتية

http://www.alsh3r.com/poeter.1050.html
 
 


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
صاااح مظلوم الهوى ، يااامحكمـه ضيف الله الحرش منتــــدى القصائـــــد المنقولــه 4 30 - 05 - 2009 16:51
وترى العشق يا فالح على أهل الهوى غربال الحميدي السويدي منتــــدى القصائـــــد المنقولــه 42 22 - 05 - 2007 13:32
.. هذي سيوف العشق .. ابن جـــــــراح منتدى الشعر الشعبي والنبطي ( شعراء الشبكة ) 17 08 - 08 - 2004 15:03
يا كثر من عرفهم غربال يالله عسى مالهم تالي alnadawi المكتبة السمعية والمرئية 4 28 - 03 - 2004 15:52
حرق الهوى قاهر الظلام المنتدى الإسلامي 4 16 - 06 - 2003 23:44


الساعة الآن 00:12.


Powered by vBulletin® Version 3.8.11, Copyright ©2000 - 2024, Jelsoft Enterprises Ltd. www.sobe3.com
جميع المشاركات تعبر عن وجهة كاتبها ،، ولا تتحمل ادارة شبكة سبيع الغلباء أدنى مسئولية تجاهها