منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
لاواحسافه يوم خاويته على الدرب الطويل =كنت أحسبه من باب قالو للحمول إرجالها
كنت أحسبه باالصاحب اللي مابحصله مثيل =بعض البشر تطلع فعايلها بغير اقوالها
يوم إنتصفنا باالطريق الا وهو دمعه يسيل =ثم أعتزيت وقلت انا للمشكله حلالها
كنت أحسب إن المشكله هاذي من النوع الثقيل =رميت للغتره ومعها قد رميت أعقالها
ثم قاللي مشكلته اللي روحت جسمه هزيل =محبوبته زعلت عليه وقفلت جوالها
والله لولا عرفي إنه خبل من بعد الدليل=لخلى العجرا على راسه تبين افعالها
عجزت أحدد له وصف مابين مجنون وهبيل =بعض البشر والله مع هاذا يهون أهبالها
تغتر باالرجال بأقواله وهو مثل الحسيل =تستسخفه محبوبته وتوقعه فأحبالها
يحبها حب الخيانه ماهو الحب الأصيل=ولكل منهم مصلحه مع صاحبه يسعالها
كم من ضعيف أن وصلت للحب تلقاه الذليل=يحب وحده ماعرف وش جدها من خالها
وأنا ومن باب الحقيقه قلتها بعد الدليل=بعض البشر تطلع فعايلها بغير أقوالها
أحب أنا المنتدى وأحب شعاره = وأحب أشوف الجديد اللي يقولونه
وأحب للشعر وأعشق كشفت أسراره = وأحب شكله وتنسيقه ومضمونه
وأخاف من قولة الأيام دواره = وأحسب ليومن به الشايب يعزونه