مافيها عنوان مناسب

[عوض السبيعي]

بسم الله الرحمن الرحيم
اخواني الاعضاء والزوار اتمنى ان اقدم اليكم فائدة قد تناسبكم في القضاء على الروتين
وهذه النصائح قد جربتها انا واستفدت منها

1- تغيير نغمة الجوال كل عشرة ايام ( بعض النغمات تجيبلك الملل ) طبعا نغمات ليست فيها اغاني
2-تغيير اوقات تناولك للغداء او العشاء ولاتجعلها مؤقت غرينتش
3-تحليق الراس على الصفر بعد كل فترة ولاتجعل حلاقة دائم تخفيف ( واحد منقهر شعره مايأهل)
4-عدم الثبات على نوعية واحدة في الافطار يمدحون الجبن والمربى
5-غير موقف سيارتك لايكون مكانك واحد ابعدها مره وقربها في المرة المقبلة
6- حاول التنويع في لبس الشماغ والغترة (لاتكون كأنك كرتون تايد)
7-بدل موقع جهاز النت وحاول ان تنتقل لغرفة اخرى
اخيرا اخواني الروتين قاتل فاحيانا انزعج من بعض مايحيط بي كل هذا بسبب
الكسل أو الغفلة وكأني مجبور عليه
اتمنى لكم حياة سعيدة

[أبن عزوان]

يعطيك العافيه ياخوي عوض الخلف على ذالخطوات لتغيير الملل والروتين واضيف على كلامك,,,

1. لاتركب سيارتك يوم او يومين واعتمد على (رجليه) او تأشيره.
2. قفل جوالك يومين او اكثر واعتمد على البيجر "اذا لقيت".
3.قدم على اجازه واطلع منطقه ترتاح فيها انت ويفضل ان تكون لوحدك.
4.حاول تغير اي شي فيك تقدر تغيره للأفضل وأقعد مع نفسك وفكر بنفسك وش تغير فيك من السنه الماضيه الا اليوم وحاول تصلح الأخطاء وتحسن من وضعك.

ولا اطول عليكم بس حبيت اشارك مع اخوي عوض الخلف ونفيد ونستفيد وتقبلوا تحياتي وأشواقي.....

[س ب ع 777]

والله ابدااااااع ياعوض ؟؟؟؟؟؟؟؟؟؟؟

[عوض السبيعي]

مشكور اخوي ابن عزوان
وقد اثريت الموضوع وكلامك في محله خصوصا تقفيل الجوال فهو مهم وخصوصا بعد الساعة 12.00فالليل

مشكور اخوي س ب ع 7 7 7
ماشفت شي ونخوك القادم احلى ؟؟؟؟؟؟؟؟؟؟؟؟؟؟؟؟

[ماجد الشماسي]

عوض والله ياعليك افكار بعض الاحيان جهنميه
لاهنت يالذيب على هالموضوع اللي مااقول فيه
الا الله يعطينا من خيره ويكفينا شره

[ابو سعود 99]

الأخ عوض شكراً على هذه النصائح المفيدة والله يفيدنا بما ينفعنا

[عوض السبيعي]

مشكور اخوي ماجد الشماسي
بالمناسبة اخوي العزيز وشرايك لو الادراة تغير خلفية المنتدى
ويكون من تصميم اخونا س ب ع 7 7 7 تراه من جد مبدع اوجه له تحية
مشكور اخوي ابو سعود
ومرورك شرف اعتز به تحياتي لك

[ماجد الشماسي]

المشاركة الأصلية كتبت بواسطة عوض الخلف

مشكور اخوي ماجد الشماسي
بالمناسبة اخوي العزيز وشرايك لو الادراة تغير خلفية المنتدى
ويكون من تصميم اخونا س ب ع 7 7 7 تراه من جد مبدع اوجه له تحية
مشكور اخوي ابو سعود
ومرورك شرف اعتز به تحياتي لك

ايه شوي شوي تسوي انقلاب في المنتدى
انا داري انت بتجيب العيد عجل!!!!!!
وتقبل كامل تحياتي واحتراماتي