لك منزله في القلب ياكاسب الطيب=يشهد بها ربي وتشهد عبيده
طاولت بالطولات روس المراقيب=والربح الي يجعلك في رصيده
عز الرصيد الي مجربن بتجاريب=فيك الهقاوي يعلم الله بعيده=
طبع الوفاء من طبع أبوي أكتسبته = وطبع السماحة من خوالي خذيته
.
طبعي كذا ما هوب دور لعبته = الطيب شيد داخل الروح بيته
.
والكره من دفتر حياتي شطبته = وحكمة زماني من شراني شريت
زيزوم العتايقة صح لسانك وبيض الله وجهك على هالرائعة وتقبل تحياتي اخوك كليب عامر
حنّا سبيع أهل الطروق المخلات = وحنّا سبيع أهل السيوف الشطيرة
وحنّا سبيع أهل السلوم المنقات = لنا وجيه وجاه يذري وجيرة
وحنّا سبيع إن قيل يا سبيع ردات = نرمي بغالي الروح وسط السعيرة
من غير قاصر في جميع السموّات = قبايل (ن) بسلومها مستنيرة