قصيد لابولسان في ناصر الفراعنة000000

[الحميدي محمد الفراعنه]

للعز يا راس السطر للعز يا القلب الجسور

يا اللي مشاعرك اخلفت كل الرجال اشعورها

احدً حذف بعمامته شايش و احد صابه دبور

كبدٍ اتبردها و بعض اكبود زدت احرورها

زدها و زدها و الفخر فيك انت يا الراس الفخور

تنشب ( امرقصت الجمل ) كلماتها في زورها

اعبر و لا تنشد و عقبك من يفكر بالعبور

اما يعوٌد منهزم و الا يزايم قورها

كانه يزايم قورها خسران لو انه صبور

الناس تحريك الجبل ما هوب في مقدورها

الاوله راعت و الاخرى وقعت بين النحور

يا صغر بقعا يا مقيٌس برها و بحورها

ناقه و شبت نار تحرق و اوقدت فالليل نور

وشلون باقى الذود لو تظهر و تاخذ دورها

و الله ما ونس اشعور و لا قدر يجرح اشعور

الا مواقيف الرجال اللي تشعشع نورها

و اللي معه وجهة نظر و اللي معه فالراس شور

يشوف له شغله تناسب و يتقمص دورها

الشعر دكتوره هنااااا و اسمه على الصخر امحفور

اسمً به الاخيار تنطح به وجيه اشرورها

قدرك على الهامات يا ناصر و في وسط الصدور

قدرً مع الاحياء يعيش و تاخذه لقبورها

و اهل ( الصنوبر و الزبيب ) اتغور و الهبوه اتغور

ما انا بحاجه لا صنوبرها و لا صنبورها

حنا هل التوحيد و رجال الادب عبر العصور

لو ما تزاورنا كبيرات المهام انزورها

اي و الله اسعودي و له سطوه و له هيبة حضور

شاعر مضر و امضى سلايلها و نمر انمورها

و البيرق اللي عاد ماء قدره عى ضوه يفور

حقيقته لو نلغي التصويت تفضح زورها

يقول ما لي غير ناصر يا طويلين الشبور

لو ان عشاقي عليه بيحت مذخورها

لكن يوم الوضع عوٌد دعم و الوضع امحصور

ما حك جلدك يا لبيب العقل غير اظفورها

حنا ادروعك يا ولد فارس على كل الامور

شيباننا قدام لا تاصلك جتك ابزورها

الله يجملنا معك و يجملك في كل دور

و الله يعز المملكه و يعز حامي سورها

فراج ابو لسان

[ابو سعود 99]

الأخ الحميدي محمد الفراعنة بيض الله وجهك على نشر هذه القصيدة الرائعة وصح لسان شاعرها فراج ابو لسان

[ماجد الشماسي]

صح لسان الشاعر فراج ابو لسان





ويستاهل ناصر الفراعنه




وبيض الله وجهك على هذه القصيد






وتقبل مروووووووووووووووووري

[ال مسدر]

بيض الله وجهك يا شاعرنا فراج ابو لسان الشاعر المبدع
وناصر شاعر بحر شاعر غني التعريف