وصلتني رساله في بريدي ( المرسل : مشتاقة للفرح )

[فهد ابو نايف]

السلام عليكم ورحمة الله وبركاته
ابناء عمي الكرام
بنت عمنا تستنجد بالله وثم بكم,
فساعدوها بما لديكم من حل لمشكلتها
فلكم الاجر في الدنيا والاخره
وهي سوف تقرأ حلولكم لمشكلتها فلا تبخلوا عليها

ـــــــــ

عنوان الرسالة : لكل شي سبب ويجعلك ربي سببا للفرج

ــــــــ

قصة راح ارويها وراح تاخذ تقديرها من تقديرك واحترامها من احترامك

انا بنت من قبيلتكم ما ادخل انت الا من اسبوع لاسبوع !
لانه طبعا محرم علي !
عموما اللي بقوله لك عيييب اقوله. والله اني عارفه لكن الظروف لها احكام انا شيخة ولا علي نقص بأي شي
ذبحتني الاحلام والاماني لين صار عمري30سنة حرموني عيال عمي من الزواج مالي ذنب غير اني ذربه وصاحية في سنة تزوجت مادريت ( تصير عندنا عادي) وما بقيت مع زوجي الا سنة ورجعت من الهم والغم والظروف اللي وقفوها قدام حياتي عشان بس اكون ذليلة
وقعدت معلقة سنين لين تشمتوا واشبعوا وفرجها الله علي وقدرت احصل على الطلاق !
والله مانقصني غير الحظ ! الحين الشماته قهرتني يخطبون مرة ثانية وثالثة وارفض وعندنا مستحيل ان طلعت عن جماعتي ...ما اطلع عن قبيلتي ! الكل لاهي بحياته !والله لو يصير بامي شي مدري وش اسوي! شوفتها بس تعطيني الامل. وانا بس اخدم وارجع بغرفتي! وانا مااطلع الا لدوامي مع اخوي وارجع البيت مااطلع ولا احضر مناسبات ولا حتى اعياد وللي يقهر كل يوم جاتني زميلة ولا مراجعة تبيني لاخوها ولا لعمها ولا ولا !! وانا خايفة اقولهم هالكلام يحرموني بعد من وظيفتي لان كل ا لخطاايب حضران ولا قبايل غيرنا! لان المدرسة اللي انا فيها في الرياض ..
!
والله حتى الخطابات , اضطريت وكلمت ثنتين واذا قلت" عريس من قبيلتي" تضحك علي؟
ودي اتزوج من ربعي واحد املى عليه حياته ! واطلع من ذالسجن اللي سجني فيه قرايبي واخواني وخوالي! والله تمنيت اني عادية واعيش مع شاب مثلي ومن جيلي يحشمني واحشمه
ضاعت الحيلات حيل الله قوي من وين اجيب لهم طلبهم ؟
نعم اذا وضعي بهالطرييقة ابي اتزوج واعيش شبابي وفرحتي واربي اطفالي واكون اسرة تهتم فيني واهتم فيها
ودي اضحك ودي البس ودي امزح من قلب ودي اتمتع بحياتي دامني احب الحياة بس مابي اخذ قرايبي
و اعيش معهم بذل وشماته خلاص النفس عافتهم للابد
خاصة لاني شينه ولا عجوز ولا حتى محتاجة لاحد
هذي رسالتي
يااخوي في الله نايف

اتمنى ان تنقل رسالتي لابناء عمي ( مادري حتى =انا ابيها على العام ولا الخاص والله اني متضايقة وماسكه نفسي لا اهون بس.. لازم اكمل )
عسا ما احد ينتقدني ولايرودن علي بشي يجرح
والله ماطلبت الا السستر وبنفس الوقت رجل يستاهلني
اللي يشوفها خبال يحرص ان خواته ما ينظلمون مثلي
مااذنبت في الدنيا الا اني صاحية وبنت شيوخ ورافعة راس اهلي ! فظنوا اني ملك لهم يبيعون ويشترون في وانا ماكان لي اي وجود


الله يرضا عليك ويبارك لك باهلك وعيالك

المرسل : مشتاقة للفرح

[الزناجه]

هلابك اخي ابو نايف ماهذ التعصب هل هذ من المعقول ان تكون لابن عمها
فقط الله يعينها او يصبرها او يرزقها الله برجل الصالح
فعلا هذ الامر يحير الكثيرين يابناء العمومه اقضوا على العنوسه فالبنات كثرو
والرجال قلوا فعليكم بتزويج بناتكم لاي خطاب ياتيكم الشرط ان يكون من قبيله
ورجل شهم يعرف قدر الزواج ومكانة المراءه عند اهلها
فوالله ان البعيد يكون خيرا من القريب ويقدرون العاني
خبرة مجرب
اخوكم محب ديار سبيع

[أبو يزيد]

هلابك اخي الكريم فهد ابونايف

اشكرلك تفاعلك مع صاحبة الرساله
وأسأل الله ان يرزقها الذريه الصالحه والرجل الصالح الذي يسعدها .

واقول لها اختي الكريمه الرسول (ص) يقول( خياركم فى الجاهليه خياركم فى الاسلام) وفى حديث اخر قال (اختاروا لنطفكم فأن العرق دساس)
فالواجب على اهلك واخيك بالذات ان يبحث لك عن رجل صالح ويكون كفؤا لك فى النسب والحسب وذلك تحاشيااا لخلط الانساب وحدوث اشياء قد لاترينها فى المستقبل القريب ولكن قد تسبب لابناءك وذريتك ماهم بغنا عنه.
طبعااا الاشياء هذه تحصل عند زواجك بمن هو اقل منك حسبااا ونسباااا .
وقد نشرت جريدة الوطن قبل حوالى الاسبوع اواكثر قصة فتاه تزوجت من رجل من المسلمين ولكن بعد مضي مده وانجابهم لاطفال (ولد وبنت) تبين ان الرجل اقل منها نسبااا واقام احد اخوتها دعوى تفريق وقد حكمت المحكمه بتفريق الزوجين والقصه موجوده فى جريدة الوطن وباستطاعتك الحصول عليها من ارشيف الجريده.
طبعااا انا احتفظ برائي فى الحكم ولااعترض عليه ولا اؤيده ولكن انا اخشى عليك من تكرار ذلك اوعلى الاقل اخشى على ابناءك من الهمز واللمز فى المستقبل.

والواجب على اخوك ان يبحث لك عن رجل صالح وليس شرطااا ان يكون من قبيلتك من القبائل الاخرى المعروفه رجل صالح يقدر الحياه الزوجيه ويحرص عليك وعلى ابناءك انشألله. حتى لو اضطرك الامر الى اللجؤ الى المحكمه الشرعيه فهذا من حقك اذا كنتي تخافين من العاده القبيحه المسماه(الحجر) نسأل الله العافيه.

ختاما أسأل الله العلي العظيم بأسماه الحسنى وصفاته العلى ان يوفقك وان يرزقك الذريه الصالحه والستر والعفاف.

[فهد ابو نايف]

اخي الفاضل / الزناجة
لك الشكر والتقدير على حسن تجاوبك وشرح وجهة نظرك .
ونسال الله الحي القيوم ان يفرج هم اختنا وهم جميع بنات المسلمين

[فهد ابو نايف]

اخي الفاضل وابن العم ابو يزيد
جزاك الله خير وبارك الله فيك
مجهود طيب من شخص نعزه ونحترمه
لقد وفيت وكفيت بهذه النصائح التي تهم شريحه كبيره من بناتنا وبنات المسلمين
نسال الله ان لا يحرمك اجرها

[فهد ابو نايف]

هذه رسالة رد من صاحبة الموضوع
الرسائل المرسلة >> مشتاقة للفرح
عنوان الرسالة : اشعر ان لي اخو وقف بجانبي

ــــــــــــــــــ

اخوي الكريم
السلام عليكم ورحمة الله وبركاته
قرأت الروابط جميعها والله احسست اني لي اخو اهتم بي ولو انك ما تعرفني
قرأت الردود وجميعها تشعرني بالتعاطف واني يائسه من حياتي وان الجنة هي الزواج

سبحان الله . هناك بنات يشعرون بالنقص لان لا احد يخطبهم
والمشكله اني هنا العكس لم يبقى احد لم يخطبني ولكن باذن اولاد عمي فارفضهم فقط من اجل هذا
لو كنت بنت اي كلام - والله ما خطبوني ولا اصروا على عدم خروجي من محيطهم من اولادهم او اولاد اولادهم او انسبائهم
كل الامر يقولون انها مغرورة وبنكسر راسها
كان كل قبل مسألة زواجي وقد انتهى الامر بعد ان اسعدني الله بالطلاق
والان قرار الاخوان بانه فضيحة لو زوجنا اختنا لقبيلة اقل منا لانه في عرفهم كل القبايل قل منهم
== والله اعرف ا نهم جهلاء رغم شهاداتهم وومكانتهم
تعرفون ليه ما احضر مناسبات ولا اجتماعات
ليس لاني اشعر بنقص ! ولكن لان من اقابلهن يشعرون بنقص امامي والجميع يشعرون بخطر ان اكون زوجة لازواجهن لاني مرغوبه اكثر من بناتهم الاصغر ولاني كلما ضاقت علي ازددت - امامهم - شعورا بالفخر والاعتزاز
المشكله بابناء عمي الذين ياسوا من ان ارضى بهم
تشمتوا بي بالمجالس واخرها يقولون لاخواني ( زوجوها حضري يمكن ترضى ) ووو والله خرجت خارج المسالة

ولكن الاساس . انا كحاجتي الشخصية والانسانية اتمنى الزواج من كفو لي وليس اي واحد اقبله لمجرد اني اريد الزواج فانا اعرف ان الزواج ليس اخر المطاف

اولاد عمي يردون ان اكسر واعود ذليلة لهم وساعتها يفكرون هل يرضون بي ام لا

اعلم والله اني اكتب كلاما غير مفهوم ولكن اعذرني
فانا اتمنى ا ن اسجل لارد عليهم ولكن اعتقد انه لا ينفع شي
فالله يكتب لنا الخير جميعا

اشكرهم نيابة عني كلهم واسال الله ان لايريهم مكروه في بناتهم

ــــــــــــــــــــ

المرسل :مشتاقه للفرح

[فهد القريشي]

الاخت الفاضلة صاحبة الرسالة كان من ادعية الرسول صلى الله علية وسلم
اللتي يدعو بها الاتي( اللهم اجعل كل امر تقضيه لي فيه خير ) وارجو من الله سبحانه جل جلاله ان يكون كل امر لكي كذلك واني لا املك الا الدعاء لكي بظاهر الغيب واني من هذا المنتدى ادعوا ابناء عمومتك الى ان يتقوا الله في انفسهم وان يتركوا التعصب البغيض والبعد عن الجهل والمشاحنات الممقوته
وان الله لناصركي مادمتي متقية له فاوصيكي بالتضرع الى الله وان الله اذا احب عبده ابتلاه. واني ارى ضرورة التوسط من اهل الخير لرفع الظلم عنك ولا ارى باسا من اخذ الحيطة في ا تعاملك معهم . واسال الله ان يؤيدكي بنصر مؤزر.

[يســ الصمت ــود]

الاخت الفاضلة ..


ثابري وآصبري وما آراد الله سوف يكون اذا كان خيرا آو شرا

آدعي ربك الفرج والصبر والسلوان والله مدبر الامور


آتمنى من الله لك الزوج الصآلح في الدنيا والآخرهـ وان يرزقك غناء الروح والعمل


good like