حفـــــــــل منتدى سبيع الغلبا

[فـــالح السبيعي]

إقتراح ممتاز

وأبشروا بالدعم المادي والمعنوي لإنجاح هذا الحفل

[جزل العطايا]

مصلح بن ربح وابو بندر كفو كفو كفو تحرون بها يالربع ونعم والله بيض الله وجيهكم على الردود الطيبه يالقروم لا عدمناكم وكلنا ندعم ماديا ومعنويا بس نبي التنسيق من اهل السعوديه ويجيكم الدعم من اهل قطر والكويت والبحرين بس نبي الشخص اللي بيستلم الماديه والكل لديه المعنويه وابشرو ان شاء الله بالخير وشفنا جمعت الحوات الغانمه شرواكم وانتعرف عليهم وان شاء الله انها بادرة خير بين ابناء القبيله

[وافي السبـيعي]

الشيخ جزل العطايا بيض الله وجهك يالقرم ورايك سديد وهذا علم غانم
ونعره من نعرات الطيب ان يجتمع عيال العم في مناسبه مثل هذه
للتعارف بينهم والتواصل على العز والطاعة

اكرر شكري الجزيل الى شخصك الموقر

واعلم ان وافي يدعم هذا الاقتراح الرائع

وتقبل فايق احترامي

[ابن هاجد]

	اخوي جزل العطايل اقتراحك مقبول وانا مؤ يد له جدا وراي ابو عمر ممتاز من ناحيه التوقيت للنني الاان خارج المملكه ولا ني راجع الى في عيد الاضحى انشاالله واكون من الداعمين ماديا ومعنويا وحضوريا

[جزل العطايا]

مرحبابكم في ذمتي ردودكم مير شالتني من الارض تنومست يالقروم عز الله ان فزعتكم وحبكم للخير وحده الله لا يفركم ولا يفرقنا اجل ابو عمر ابوها ويسميها يشوف الوقت المناسب والدعم المالي كيف طريقته وابشرو يالحلوات الغانمه



بالعربي ( ار قوووووووووووووووووووو سنوووووووووووود)


اخوكم ابن المنتدى المخلص / جـــــــــــزل العطايا

[ماضي المديري]

إقتراح ممتاز


وأبشروا بالدعم المادي والمعنوي لإنجاح هذا الحفل

[جزل العطايا]

السلام عليكم ورحمة الله وبركاته اخواني من اعضاء ومشرفين بارك الله في جهودكم وردودكم والتحمس لمثل هذا المشروع ولي اضافه لهذا الموضوع



اولا // سوف يتم عمل لجنة تنسيق وتكون من خمس اشخاص على الاقل ويقومون بتاجير الاستراحه اللي سوف يتم عمل الحفل فيها ويكون الوقت في الصيف ويقومو بعمل دروع للاعضاء البارزين في المنتدى وللاداره وللشعار سوا النبطي ولا المحاوره ويتم التنسيق مع الشعار وابلاغهم ليتسنى لهم ترتيب الفرصه للحضور وسوف يكون برنامج الحفل كالاتي


طبعا يبدجا بايات من القران الكريم

و كلمة صاحب الموقع وهو الاخ ابو عمر

ومن ثم يبدا الشعار بالقى القصايد

وسوف يكون هناك ضيوف من كبار سبيع ومشايختها

وسوف تكون لهم كلمه

وبعدها سوف تكون هناك قلطه بين الشعار لاحيا الحفل







ثانيا // سوف ستم تنسيق اللجنه الماليه وسوف تكون انت يابو عمر من اعضائها وسوف يكون لدى سعادتكم رقم حساب ويتم ادراجه في المنتدى ونقوم ومن معنا من الاعضاء والمشرفين بالدعم المالي وتقوم بتزويد لجنة التنسيق والترتيب معها




وسوف يتم احضار قناة الساحه لهذا الحفل



(( نريد ان نكون يدا واحده كما عودتمونا على التكاتف والتعاون وان نكون سباقون لمثل هذه البادره الطيبه )))






نريد التفاعل مع الموضوع


والله انه ابرك الساعات حضوركم جميعا

اخوكم ابن المنتدى / جزل العطايا

[الزناجه]

كلام موفق وهذ عين العقل ياجزل العطايا لابد من ان نجتمع ونعرف بعض
من قرب وليس خلف الشاشات
وانا معك كلنا باذن الله
ونرشح من الان
ابو عمر
ابو يزيد
مسلط22
مصلح ربح
وكذلك ابو نواف الثوري
ولا يهينون الباقين من الاعضاء انا رشحة هؤلاء بناء على انهم اكبر منا سنا وهم اهل لها باذن الله
اخوكم ومغليكم
محب ديار سبيع العامره

[جزل العطايا]

بيض الله وجهك يالزناجه على المرور وسلمت وسوف تشكل اللجان باذن الله في القريب العاجل ولك مني اطيب التمنيات

[فـــالح السبيعي]

الله يعطيك العافيه ياجزل العطايا على الإهتمام

ولاهنت