شيختا قصائد قبيلة عنزة الوائلية العريقة

[مخايل الغربي]

بسم الله الرحمن الرحيم

إخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبركاته وبعد : بين يدي قصيدة الشيخة للشاعر / مقحم الصقري النجدي العنزي رحمه الله وأسكنه فسيح جناته وهي من القصائد الخالدة التي نالت إهتمام أهل الأدب فإليكموها :

يا الله يا مطلوب يا والي الأقدار= أنت الذي مدات جودك لطيفه
أطلبك يام عبود عاون هل الكار= وتحل شطاتٍ عليهم كليفه
اللي مجالسهم بها بن وبهار= ونجرٍ يصوت للنشامى رجيفه
يا مزنةٍ غرا من الوسم مبدار= اللي جذبنا من بعيدٍ رفيفه
تومر على كل المفالي بالأمطار= وتصبح بها ديران قومي مريفه
ترعى بها قطعاننا سر وجهار= ترعى زماليق الفياض النظيفه
في ضفة الله ثم جبرٍ وجبار= خيالةٍ يوم الملاقا عنيفه
ترعى بها وضحى من الذود معطار =غبوقة الخطار عجلٍ عطيفه
ويبني عليها بنية اللبن بجدار =عقب الضعف راحت ردومٍ منيفه
ما هي حكايا مسردٍ عقب ما نار= اللي هرب وأطراف رمحه نظيفه
والصبر مفتاح الفرج عند الأذكار= ولا صابر تصبح حواله كسيفه
خطو الولد مثل البليهي إلى ثار= زودٍ على حمله نقل حمل إليفه
وخطو الولد يبهش على موتة النار= بين العرب يشبه لخطو الهديفه
وإلى بخصته ما سوى ربع دينار= صفرن على عودٍ تضبه كتيفه
وخطو الولد مثل النداوي إلى طار= صيده سمين ولا يصيد الضعيفه
إلا ومع ذلك لك الله لنا كار= عن جارنا ما قط نخفي الطريفه
ونرفا خماله رفية العش بالغار= ونودع له النفس القوية ضعيفه
ولا نبدي الخافي إلى صار ما صار= يفلج قصير البيت لو بان حيفه
والجار لا بده مقفي عن الجار= وكل بجيرانه يعد الوصيفه
أحدنٍ على جاره بختري ونوار =وأحدنٍ على جاره صفاةٍ محيفه
نكرم سبال الضيف حق وتعبار= لا من ولد اللاش شح برغيفه
ولا بدها تصبح تواريخ وأذكار= وتبقى لدسمين الشوارب وظيفة

منقول وأنتم سالمون وغانمون والسلام .

[فـــالح السبيعي]

صح لساان الشاعر العنزي

ولاهنت على النقل يامخايل الغربي

[مخايل الغربي]

بسم الله الرحمن الرحيم
المكرم الاخ العزيز الشاعر ابو بندر السلام عليكم ورحمة الله وبركاته وبعد جزاك الله خيرا على الجهود المبذوله في هذا المنتدى وجعلها الله في ميزان حسانتك واشكرك على المرور وعلى كتابة القصيدة بهذا الشكل الانيق وانت سالم والسلام

[فـــالح السبيعي]

المشاركة الأصلية كتبت بواسطة مخايل الغربي

بسم الله الرحمن الرحيم
المكرم الاخ العزيز الشاعر ابو بندر السلام عليكم ورحمة الله وبركاته وبعد جزاك الله خيرا على الجهود المبذوله في هذا المنتدى وجعلها الله في ميزان حسانتك واشكرك على المرور وعلى كتابة القصيدة بهذا الشكل الانيق وانت سالم والسلام

المكرم الأخ العزيز الراوي مخايل الغربي
وعليكم السلام ورحمة الله وبركاته
وأنا بدوري أشكرك على ماتقوم به من جهود مبذوله لخدمة المتلقي
وإثراء المنتدى بروااائع الأدب العربي ومن واجبي الحرص على إبراز العمل بالوجه المطلوب ونحن أنت وأنا وباقي إخواننا الأعضاء مكملين لبعض في سبيل إظهار هذا المنتدى بالشكل اللائق للزائر
تقبل فائق إحترامي وتقديري

[مخايل الغربي]

بسم الله الرحمن الرحيم
اخي العزيز ابو بندر السلام عليكم ورحمة الله وبركاته وبعد يقول المثل ربع تعاونوا ما ذلوا ويقول الشاعر
تابى الرماح اذا اجتمعن تكسرا واذا افترقن تكسرت ااحادا
وانت سالم وغانم والسلام

[أبو يزيد]

سلمت يمينك اخي
مخايل الغربي

التي تكتب لنا بماء الذهب .....اختيار موفق,,,

[منصور الحري]

السلام عليكم اخوي مخايل الغربي..

ماقصرت ويعطيك الله العافية على نقل القصيدة القيمة وشيخة من شيخات القصيد

واما شيخات القصيد.. من باب الحوار.. فهي ثلاث


1- محمد بن مقحم النجدي والتي هي مشاركتنا

2- مشعان بن هذال والذي يقول في مطلع قصيدته :

يالله بتصريف الهبايب والادوار=شانك عسى تصريف شأنك لنا خير
يالله ياعالم خفيات الاسـرار=يا مـعـتـني بالخلق والي المقادير
قلته ونوم العين جفنها طــار=والقلب كنه فوق حامي المجامير

3- محمد الدسم السبيعي وتسمى قصيدته أيضآ (أم الوصايا) ومطلعها يقول فيها :

ياخوي لك عندي وصــاةٍ مصيبه=خذ لك وصـاةً تلمس العقل وتصيب
ترى وصاة أخوك ما به معيبــه= لا صار أخوك مكمل العقل و منيب
أخاف أموت و لا ظلالٍ تجيبـه=توزي لضيقات الدروب الضنانيب

ولكم خاااالص تحيااااااااااااتي ,,,,

[مخايل الغربي]

بسم الله الرحمن الرحيم
المكرم الاخ ابو يزيد والاخ الفتى منصور السلام عليكم ورحمة الله وبركاته وبعد اشكركم على المرور والاضافه والسلام

[سعد المحمدي]

مشكور يا علامتنا مخايل الغربي
والصراحه كنت اريد البحث عن هذه القصيده فوفرت علي الجهد فبيض الله وجهك ياشيخ

[مخايل الغربي]

بسم الله الرحمن الرحيم
المكرم الاخ الراويه المحمدي السلام عليكم ورحمة الله وبركاته وبعد اشكرك على المرور وانت سالم وغانم والسلام