تقول ارسل ولااتمالي

[الفايز]

تواجهنا بسوق الجمله اللي يجمع الارباح = ابزحمة عالمٍ باخر شهر شعبان مجـتمــعــــه
بعد قالوا ترى بكره صيام وعمت الافراح = لقيت اللي كواني كيةً ماهيب مــــــــرقعـــــه
بدون اشعور خميت العربيه وقلت ارتاح = انا باطوف بك للي تبي واهتم في جـمعــــه
تبسم والتفت لي والبخور الفارسي فواح = وبسلوب البداوه قال مانبغي لكم نفــعـــــــه
نشدته وين تسكن قال بدوٍ كل يوم امـــراح = وانا لوحلفوني قلت يابسوق يالفــــرعـــــه
لكن قفى وانا بين الاصابيع الوي المسبـاح = على الشاص الجديد ابو الفخامه فيه والسرعه
امضللاٍ النوافذ ثم دعس له سايقه ثم صاح = حروف الشاص (روع)ومن عليه اصلاً هم الروعه
ماني باقول لوهي من عربنا كل هم انزاح = لاكن اقول انا اللي ليتني ياناس من ربـــعـــه
بلوتوث اجهزتنا مصدرالتجريح والاجراح = جهازه في يده لباتشي وانا احمل الـــــدمـــعــــــــــه
ولا حصلت منها غير جمله نصها ذبا ح = تقول( ارسل ولا اتمالي) ترانا منبع الـــفـــزعـــــه
وانا ماعاد في للهم عزم وللجروح اكفا ح = وصلت المرحلة ياناس ترى الكبد منـــــــلقــــعــــه
بعد ذاك المواجه صار عندي سكـرواملاح = وضغط ٍ مرتفع وايضاً حــــرارة جســم مـرتـفعــــه
تكررلي صواديف الليالي طبعها الجراح = لاقلت الجايه احسن صــارت الطبعه هي الطبعــــه
الايالله يالله الولي ياخالق الار وا ح = تنجينا من اهوال الحساب وموقف الفـــجــعـــه
كريم انت الرحيم ولا لغيرك نلتجي بلحـاح = بدونك مايفيد الرجل لاماله ولاربــــــــــعـــــــــــــه

[ناصر المديري]

صح لسان قايلها ولا هان ناقلها ..


أبيات جميله ورزينه ..


بيش الله وجهك يابن العم..[16]الله لا يهينك[/16]

[السيف]

صح اللسانك مليون

وبيض الله وجهك