سلام الله عليكم ياهل الغلبا وكيف الحال

[عبيدالعازمي]

الي اقرب عضو

سلام الله عليكم ياهل الغلبا وكيف الحال = انا ضيفا يشرف صاحب الدعوة وراعيها

الى منا حضرنا فالمواقف نشرب الفنجال = نعرف الطيبة والطيبة بالطيب نجزيها

[ربح السبيعي]

هلابك يالعازمي

دقايق يجيك الرد

[ربح السبيعي]

أستلم يالعازمي
لاهنت

هلايامرحبا فالمنتداء حييت يارجال=نيابه عن رجالاً متعبه للي يناحيها
ألا يالتاجر المتربح أحرص لي براس المال=لاتطمع بالمكاسب تخسر السلعه ومافيها

[عبيدالعازمي]

حضرنا فالمواقف يالسبيعي والعلوم طوال = وانا ماني بعيد انا من الغلبا بناخيها

الا ياراعي الفاطر تبي تتعب مع الجمال = رجالن كل ماتسري بيعيداتٍ مساريها

[ربح السبيعي]

حضرت أو ياهلابك يالبطل قدامك الأبطال=كما قال المثل باللي تقدمها تلاقيها

ألا ياراعي الحيله عليه منته أبمحتال =تراء صعبه ولد عازم على سبيعي يمشيها

[عبيدالعازمي]

استلم ياربح لاهنت

الا يالشاعر اللي تلعب الشيلات والموال = ترى بعض الجبال طوال ماتقدر تعديها

انا النقاض يالصاحب ولن جاء الفتل انا الفتال = لكن خل الحيل للي يخمخمها ويخطيها

[اعزيزي وافتخر]

الله الله على المحاوره الرائعه
الا ياراعي الحيله عليه منت محتال**** ترى صعبه ولد عازم على سبيعي يمشيها
صح لسانك ياربح وياعبيد

[ربح السبيعي]

تقول أجبال ماشفنا ليا ذلحين رؤس جبال=ضليعاتٍ صغيره ماتتعبني مراقيها
ألايلي تهور كيف تتحداء عريب الخال=وهو من عزوةٍ يصعب على مثلك تحديها

[ربح السبيعي]

ياهلابك والله

يالعزيزي

شرفنا حضورك

[عبيدالعازمي]

المعذره يالربع الليل سرى وعندنا دوام ونعدكم فالحلقات القادمة باذن الله

ولكم مني جزيل الشكر