في سكون الليل وافكار الخيال=وفي سواليف المعاتب للصديق
وانعكاس الغيم في نورالهلال=ذكرتني فيك في عرض الطريق
ياعسى يسقيك ياذيك الليال=يوم كنت تجيني بوجه(ن)طليق
والله ان حبك بقلبي لايزل=حتى لوسببت لي جرح(ن) عميق
حبك مثبت مثل صم الجبال=وقدرك مبين مثل هضبة طويق
والله انك غالي(ن)في كل حال=والزمن يفرق رفيف(ن)من رفيق
صابني في بعدكم مثل الهبال=واتنقل من فريق اليافريق
مانبي كثرالمعاتب والجدال=ولانبي صدرك من حكانايضيق
وكل شي له نضام وله مجال=والتدخل فالخلايق مايليق
لك سلامي من جنوب الياشمال=ولك تحيه من طبرجل لي بقيق
غير متصل
