تعلم اللغة الانجليزية بالشعر النبطي

[البحيح]

نظم أحد الشعراء
كلمات اللغة الانجليزية
في قصيدة
بحيث تتعلم أكثر الكلمات شيوعا وبسرعة
وبنظم ممتع ومسلي
نترككم مع القصيدة :

قوم جورج وجون وعيونهم زغر = مـا تعـرف لترجمتهـم بالكـلام


عنـدهـم الأم سمـوهـا مــذر = والأبـو فـذر قليليـن الـرحـام


والمـرأه فيميـل والميـل الذكـر = وأختك السستر وترى البوي الغلام


والبدي جسمك وباك اسم الظهـر = واليدين الهنـدز والفنقـر ابهـام


والغنم هي شيـب والكـاو البقـر = واللحم هو مييت والبـون العظـام


والدجاجه هـن والهـوك الصقـر = والبجن قالوا تراه اسـم الحمـام


وشمس ربي صن والمون القمـر = والشهر سموه منث وييـر عـام


والدقيقـه منـت والسـاعـة أور = وهولـدي عطلـة وديوتـي دوام


والبـرد الخبـز والسكـر شكـر = والعسل هاني وسوب اسم اليـدام


والشجـر تريـز والنهـر الرفـر =والسماء اسكاي واكلـود الغمـام


والنجوم استارز والطقس الـوذر = والضو لايت ودارك اسم الظـلام


وكلمة فلور تـرى تعنـي الزهـر & وكل عشب قراص لو انه ارمـام


وكل غرفه روم والهاوس القصـر =وباب بيتك دور والروف الطمـام


ولو علـى بلدانهـم دايـم مطـر = ما تساوي ديـرة العـرب الكـرام


منقووول

[راس النـــــايف]

هههههههههههه

رهيبه يالفارس

شكراً على النقل

[فرسان الغلباء]

..

بعد هذي القصيدة ..

انتهينا من دراسة الماجستير في اللغة الانجليزية ..

وأفكر أقراها مرة ثانية .. علشان رسالة الدكتوراه

[غريب في أدنبره]

صح لسانك ولسان الشاعر أخوي الفارس

وسلمت يمينك على النقل الرائع

[العتير]

هههههههههههههههههههههههههههههه
شكرا على النقل الجميل اخوي فارس

وتقبل مروري

[مرقاب]

قصيده جميله وتقبل مروري

[البحيح]

راس النايف

فرسان الغلبا

غريب ادنبرة

راعي ملقا

مرقاب


شكر ا لكم على مروركم وتعليقاتكم الرائعه

تحياتي

[ناصر بن مناحي]

ههههههههههههههههههه

صراحة فكرة حلوه


بس الابهام هو ثمب مهوب فنقر فنقر يطلق على اي اصبع

والناس بتطيح في اخطاء الاكسنت والسبيلنج عشان بعض الكلام اجبر في القصيدة بسبب الوزن

بس طريقته في النظم جميله صراحه ههههههههههههههههههههه

صح لسان قايلها ولا هان ناقلها

[البحيح]

ناصر الملحي مشكور على المرور التعليق

فعلا الابهام يطلق علية (ثنب )
لاكن الشاعر قصده التعميم على الاصابع وجبرته القافيه

والاكسنت فيها صعوبه شوي لكن شي اشوى من شي
اما السبيلينق ما اعتقد انه مطلوب والهدف السبيكينق فقط