وينك يامروّض

[حمر عين]

سلام الله سلام ياصل الصفين والجمهور = أسوقه للعميل المحترم والشاعر المشهور
عقب شفته محول بالسلامه من على البابور = نزلت الملعبه والمملكه فأحلى لياليها

ياسفير البحر في دار الخلافه = لايحول البر من دون المرافي

تهيض يامروّض وإضرب الأخماس بالأسداس = وحول في المحيط الأطلسي يالسابح الغطاس
أنا بكبس على بشار وأنت إرفع لبو نواس = وطب الملعبه والمملكه فأحلى لياليها

إن تعدى الحذف رأس أبوحذافه = مايوقع غير في صقر النصافي

[smart]

لاهـنت يااااااااااحمـــــــــــــــــــــــــــــــــر عــــــــــــــــــــــــــين

بدااااااااااااايه راااااااائعه وقوووووووويه


بأنتظاااااااااار مروووووووض


أكيد بنستمتع بمحاااااااااوره جميله

حمـــــــــــــر عـــــــــــــــــــــــــــــــين.............مــ ـــــــــــــــــــــــــــــــــــــــــــروووض


عليكم الابدااااااااااااع وعليناااا الااااستمتاااع


تحيااااااااااااااتي للجميع

[اخو شما]

وينك يامروض
الصفوف واقفه تنتظر
تعبنا من الوقفه
يالله مافيه مشكله
بالله ياشباب نظموا انفسكم وخذوا بريك شاهي
بسرعه مروض جاي

[مروّض]

و الله انك خطير يا حمر عين... انت وين طحت في ها الطاروق...

هلا يا مرحبا ترحيبة اهل الحيّ للغالين=يقوله من يعرف الطيب و دروب المراجل وين
على شانك يصير(ن) الهزال سمان يا احمر عين=نزلت الملعبه و المملكه باحلى لياليها

السفير ان طار طير الجو شافه=يركز النيشان و يجيبه كتافي

تحزّم و انطل الغتره و اخذ بندق و جنبيّه=و حن القلب لا تقسى لا شفت الورع و وخيّه
تنبه للسما خل النظر ميه على ميه=و طب الملعبه و المملكه باحلى لياليها

لا تحسف ما على الدنيا حسافه=لا لقيت سراج راع البيت طافي

اسمحولي يا الربع ما شفت الطاروق الا اليوم...سنايدي أخو شما...أخبرك راعي وقفات دايم..
smart دخولك أسعدني و بيخلّيني أشد حيلي...

شد حيلك يا حمر عين و لا تحسبني صيد سهل...
و دمتم...

[المولع]

الله اللــــــــــــــــــــه

عاشو الشعار والصفوف

انا بجيب الما للصفوف

بس نبي الاستمتاع

اسلم اسلم

[حمر عين]

عسى الله يرحم العود الكبير اللي طلع صيته = سباع البر غير اللي مخاويته مخليته
طرالي يامروّض عقب ماشفتك وطريته = وأنا في الملعبه و المملكه باحلى لياليها

ماعليه من الإذاعه والصحافه = والبشر تطرى بعده ولاتشافي

أنا رجلي معوّدها على التسيير غرب وشرق = أخاوي البدو فأرض المملكه من حيث لاح البرق
وكانك ماتشوف الفرق أنا عندي كبير الفرق = ياذيب الملعبه و المملكه باحلى لياليها

أنت حاير من ورا جسر الرصافه = لاتقول إنك تسيّر في الفيافي

[طويق]

عاشوا الشعار ,,, عاشوا الصفوف

ماعليه من الاذاعة والصحافة *** والبشر تطرى بعه ولا تشافي

[مروّض]

استلم يا حمر عين...

هذاك العود له حسنه فريده تمحى سيّته=لو تعصر العالم قليل اللي شبه شخصيّته
عند اللوازم ما لقيت اللي يساوي لحيّته=يخوض الملعبه و المملكه باحلى لياليها

الولد يعرف حضوره و انصرافه=ياكل اللقمه عساها بالعوافي

أشوفه لابس العمّه و يظهر طير من كمّه=يسوّق له علاج اللي ظروف ايامه تهمّه
طبيب السّم لازم يوم ما يعرف طعم سمّه=نزلت الملعبه و المملكه باحلى لياليها

لو تصدّق فال دكتور الخرافه=ما يفيدك في لياليك العجافي

تسلم أخي طويق على التشجيع...
و دمتم...

[حمر عين]

أنا قايل لك إن البحر موجه يغرق السباح = لكنك ماإنتبهت لكلمتي يالكبتن الملاح
وألا يافكرتي في البرتكان اللي طلع تفاح = على أرض الملعبه والمملكة بأحلى لياليها

إن بغى الصراف يلعب بالصرافه = قلت له : وين أنت رايح يالسنافي

دخيلك ياوسيع المعرفه خلك معي رايق = وأنا أضمن لك حديد المركبه وأضمن لك السايق
ترى صياف مايعرف يصايح مثل إبن شايق = لاطب الملعبه والمملكة بأحلى لياليها

يامثقف وين ودتك الثقافه = صف جوك كان تقدر في (المصافي)

[مروّض]

استلم يا حمر عين...

لا عوّدت دعواك مثل ابرة مكينه وسط قش=قابل وجيه الناس في ضحك و سماحه و انتعش
لا ترفع الدنيا على قرنين ثور و ترتعش=انزل الملعبه و المملكه باحلى لياليها

ما منعت العود لا ياخذ لحافه=ما بغيته يوم اشوف الجو دافي

يوم(ن) بندقك القديمه زندها ماله قديح=علامك لا لمحت الكايده تسابق كل ريح
تحمد الله في بلادك وسط ربعك مستريح=و طب الملعبه و المملكه باحلى لياليها

لابس للعيد مير العيد طافه=ما تسلّح بالسيوف و بالشلافي

و دمت..يا أخي...