للشعراء فقط -- طاروق منتاز

[مشعاب]

سلامي على اللي في المواقف لهم صيت=هل العزوة اللي كلٍ يجض منها
نفت الصخر لا من بغيناه تفتيت =قبيلة عزيزة من تخوّف زبنها

[مشهور*قطر]

ارررررررررررررررررحب يامشعااااااااااااااب
استلم وانا اخووووووووووووووك

هلا مرحبا ياللي تسلم هنا حييت=نيابه عن ارجال الوفا في ميادنها
ندك الجبل دك القذايف جبل تكريت=هل العزوه اللي فعلها دوم ضامنها

ا

[مشعاب]

هلا وغلا ومرحبا ومسهلا بمشهور قطر


بيوتك تحتاج وزن يا سنايدي ليتك تعدلها



والمعذره تراني والله ما أقدر أللعب الا اذا كان كل شيء مضبوط



مشعابووووه اخو عجراء السبيعي

[مشهور*قطر]

ارحب يامشعاب والمهلي مايولي
بما انك ماتقدر تلعب الا معا الشعراء احب اقولك ان الابيات موزونه ميه بالميه ويمكن ماقريتها عدل انت المهم خذ راي الشعراء فيها وليتك تبين خلل الوزن للمتابعين
وفي انتضار ردك يالغالي
تحياتي

[أبوعبدالله]

السلام عليكم ورحمه الله وبركاته

صح لسانك يا مشعااااااااااب طاروق جدا ممتاز
وما قصرت يا مشهور قطر

تبون رايي في الابيات وارجوا ان لا احد يزعل

بيت مشعب اللي يقول فيه

هل العـزوة اللـي كـلٍ يجـض منهـا******** يبي له وزن لانه ما يلحن
مثال (هل العزوه اللي كل رجل يثمنها) اما البيت هذا تقدر تلحنه جرب وشف

اما مشهور قطر
ابياتك موزونه وتتلحن

اما البيتين الاخيره موزونه ولكن الله يجيب خير!!!!!!!!!

ندك الجبل دك القذايف جبل تكريت
هل العزوه اللي فعلها دوم ضامنها

واصلوا حنا معكم
تحياتي ابو عبدالله

[مشعاب]

والله مانيب لايمكم يا حباني


المحاوره اصلا تبا صوت وسماع ورد على اللحن والوزن والقافيه

لكن عاد مالي الا أنا اللي ارد عليكم لجل تمشي الأمور


أما انكم تردون علي :) شكلها صعبه لأن هذا ثاني طاروق الاقي نفس المشكلة



وأنا اقترح انكم تنزلون طواريق وحنا نرد عليكم من شان تمشي السفينه

[مشعاب]

محاولة لوزن قيفان حبيب ألبي مشهور* قطر

المشاركة الأصلية كتبت بواسطة مشهور*قطر

هلا مرحبا ياللي تسلم وحييت=نيابه عن ارجال الوفا في سكنها
ندك الجبل دك القذايف لتكريت=هل العزوه اللي فعلها قد ضمنها

ا

[01]هذا درس خاص لأبو عبدالله[/01]

[مشهور*قطر]

مشعاب مهما كان احنا نستفيد منك والخطاء وارد والقصد سوالف معكم ومزارق طيب بينا المهم اللي انت تامر به طال عمرك
واذا ممكن استلم وررررررررررررررد

سلام يامشعاب في موقع اسبيع=تسلميتن مكتوبتن فالدفاتر
الليل بادي والرمك ذبت الريع=والعزم يامشعاب ماهوب فاتر

[أبوعبدالله]

هذي ابيات مشعاااااااااااااب


سلامي على اللي في المواقف لهم صيت
هل العـزوة اللـي كـلٍ يجـض منهـا
نفت الصخـر لا مـن بغينـاه تفتيـت
قبيلـة عزيـزة مـن تخـوّف زبنهـا


وهذي ابيات مشهور قطر

هلا مرحبا ياللي تسلم هنا حييـت
نيابه عن ارجال الوفا في ميادنها
ندك الجبل دك القذايف جبل تكريت
هل العزوه اللي فعلها دوم ضامنها


وهذا تعديل مشعاااااب

هلا مرحبا ياللي تسلم وحييـت
نيابه عن ارجال الوفا في سكنها
ندك الجبل دك القذايف لتكريـت
هل العزوه اللي فعلها قد ضمنها

الاخ العزيز مشعااااااااب ما زلت مصر على الخطاء

تعديلك لابيات مشهور قطر ليست على وزن ابياتك الاوله

ارجو من الاخوه الشعراء ان يحكمو في هذه الابيااااااات

تحياتي

[مشعاب]

هلا فيك يا مشهور


قافيتك نفس قافية الطاروق المفتوح من قبلك على هذا الرابط

http://www.sobe3.com/vb/showthread.php?t=7842


وأظن انه من غير المناسب اللعب لقافية واحدة في طاروقين في نفس الوقت


لأن القوافي قد تتداخل


وأنا اعتذر عن المواصلة بهذه القافيه مع هذا التداخل بين الطاروقين


وإذا كنت مصمل حط طاروق جديد بقافيه جديدة وابشر وياليت تكون موضوع مستقل

[12]مشعابووووه [/12]