المبدع راكان يشعل حماس الجيش في جبل دخان بقصيدة جديدة

[راعي الجوفا]

ماللقصيد اليوم في البال مشهاه
كنّه يولّع في ضميـري حريقـه


كلما بغيت اصوغ قافه ومعنـاه
كنسل معي كل العهود الوثيقـه


واليا سألته قال والصدق منجاه :
مشاعري ماهيب دايـم رقيقـه


شعر الغزل والمدح بِرّك مطاياه
الوضع مزري في البلاد الشقيقه


الرافضي قـام ايتبنّـى رعايـاه
ويبثّها في المخطيه والصديقـه


ويآمر على الحوثي ينفّذ وصاياه
ويبلّ ريقه كلمـا جـفّ ريقـه


مايدري أن الـدار برعايـة الله
ثم الرجال اهل الأصول العريقـه


عهدٍ علينا والعهـد مانقضنـاه
دون الكرامه مانهـاب الخليقـه


من مسّ شبرٍ من وطنّا دمْرنـاه
ماهمّنـا نبـح العـدو ونهيقـه


ياموطن الأبطال والعز والجـاه


ماظنّها تخفـا عليـك الحقيقـه


على البلد كلّه من اقصاه لأدنـاه
كلمه نردّدها وصارت وثيقـه :


كان الوطن بيديننـا ماحمينـاه
مانستحق نعيش بأرضه دقيقـه




الشاعر المبدع راكان بن بدن السبيعي

[ماجد الشماسي]

صح الله لسانه

وسلمت يمينك اخوي راعي الجوفاء على الطرح

[راعي الجوفا]

سلمك الله اخوي ماجد وصح بدنك
وشكرا للشاعر المبدع راكان على جهوده
في موازرت الجيش السعودي على الحد الجنوبي
لقمع المرتزقه والشرذمة الفاسدة من التسلل للبلاد

[خيَّال الغلباء]

راعي الجوفا جزاك الله خيراً ولا هنت

[راعي الجوفا]

حياك الله ياخيال الغلباء
والله لا يهينك شكرا على مرورك

[نبع الوفاء]

صح لسان قائلها وتسلم يدين ناقلها

[الهواء شرقي]

النقيب : فواز بن هويدي بن حرقان بن شويه السبيعي أول من ركز البيرق على جبل دخان :
ربعك مركزة البيارق يا فواز
وهذي على شرواك ماهي غريبه
سبيع للطالات بالمجد تمتاز
غلبا ماترضى في المواقف غليبه
على جبل دخان حطيت مركاز
بيرق هل التوحيد فوق الرقيبه
قل للمعادي:لا يدور له إنجاز
نفدا الوطن كله: كتيبه كتيبه
وكل القبايل لأرتفع صوت الإيعاز
ارواحها لصوت المنادي قريبه
لا يحسبن الحد للضد ينهاز
هذي على الحوثي وربعه صعيبه
لـشاعر/ راكان بن بدن