الشاعر الكبير / هذال بن شعيفان السويدي وهذه القصيدة التي تتكلم
عن بعض معارك وفرسان قبيلة السودة المشهورين يقول أبو فرج!!
يا سلامي يا ربوعي يوم جينا للسلامي=عد براق من القبلة تهل الماء مزونه
جيت أعايد جيت أشارك يا خوالي يا عمامي=جعل من يغلي عيال العود ما تسهر عيونه
يا عريبين المناسب يا عزين المقامي=يا هل صيت في الجزيرة كل أهلها يعرفونه
بالعطية تضرب الأمثال منا للكرامي=العطية لا عطوها ردها ما يحترونه
نلحق البل شفها مر ٍ جنوب ومر شامي=النبات القفر نرعابه ليا مالت غصونه
لا تعزوينا بناقتنا مصنعكة السنامي=أشعثانا في الخطر ترتع وهم ما يرتعونه
يا هل النوماس والوقفات لا مس الحزامي=كم عقيدٍ في نحاهم طار راسه عن متونه
مثل فالح صامل الهدات من صبيان يامي=والبجادي يوم قاد القوم سايقته حتونه
وناصر ابن عقيّل اللي طاح من حد الحسامي=من يمين أبو شعف يوم اللقاء ثبت طعونه
والحقه شيخ الخنافر من مشاهير الاسامي=سيف مجدل مع فرج عقبه عياله ينقلونه
وابن ظاري لا ذكرته قلت يا مال الرحامي=الشلاوى مع قصيره موقفه ما يجحدونه
وباحص وفيحان ومناحي زحازيح ٍ عظامي=وخاتم الشارات عبد الله يقل المدح دونه
والحميدي والفديع الشيخ لا ثار العسامي=ينثني دون التوالي يمنع اللي يندبونه
والخلاوي في نهار مدرجه ناوخ واقامي=واقتضى بالسيف الأملح من معادينه ديونه
وجايد ومشهاب عنهم قال فارس لو نلامي=عاجزين عن ملا قاهم وغيره يعجزونه
وإن ذكرت دحيم وألا حمود وألا أبو تمامي=أو طلب ودهيم والدفار يلي تعرفونه
ومسلط اللي خط له خط وقف دونه محامي=ردله خمسة وعشرين بفعل ٍ تحفظونه
وإن عطيت طهيف وسعيدان فكري واهتمامي=قلت صعب الناس بعض أفعال ذولا يفعلونه
وكسّب شعيفان هدبا عمره ثلا طعش عامي=والشماعيل المخلا لا تضايق يلحقونه
قلت ماضي مع مناحي قيل فريس ورامي=قلت أبن هالان قالوا سعد من وخذت ظعونه
قلت والجبعه سلامه قيل ما فيها كلامي=كل فنجال ٍ مكيّف للمجوخ يشربونه
قلت عسم بن محمد قيل خيال ٍ عصامي=قلت وآل ونيس قالوا كل شره يلطمونه
ويش أبذكر من قطامي ويش أخلي من قطامي=الأكيد إن القبائل مجدهم ما ينكرونه
كل نسل سويد خياله وفكاكة جهامي=أشهب البارود لا جاله ظبابه ينطحونه
يا يعومه يا يعومه جعل يسقيك الغمامي=فيك كم نصر لربعي في الزمان يسطرونه
فيك فاجر طاح وشليويح من دونه يحامي=جمعنا منصور وألا جمعهم خابت ظنونه
وفيك كبرنا على قحطان يوم النصر قامي=فيك يا فيحان يا ثر كلام يخبرونه
ودرعنا وأميرنا اللي يكسب الناموس طامي=كنه الضلع المنيف اللي تذرينا ركونه
من شيوخ ٍ يوم ردات البرى والسوق حامي=لا ختلط عج الرمك حوض المنايا يا ردونه
كل ما جروا جريره جو يسوقون الجهامي=لا نكفوا كل ٍ على قدر الفعول يقرعونه
وعاشوا آل سعود حكام العرب نسل اليمامي=الملوك العادلين اللي وطنا يمنونه
حكمهم زال التشرذم والتعصب والظلامي=المسالم يكرمونه والمشعبث يدبونه
بالشريعة فرقوا بين الحلال من الحرامي=دين واحد شعب واحد غير ذا ما يقبلونه
حقهم فأعناقنا الطاعة ونمشي بالنظامي=سلم للي سالموه وحرب للي يحربونه
الشاعر الكبير / هذال بن شعيفان السويدي السبيعي
غير متصل
