(( يقود قايد ريمها ... ))

[خيَّال الغلباء]

المشاركة الأصلية كتبت بواسطة منصور الحري

رد على قصيدة سندها علي أحد الأصدقاء ولاتحضرني حالياً...
وكان فيها يصف خله بأنه للريم قايد
فحبيت أمازحه بان خلي يقود خلك بالجمال في شطر هذا البيت.. يقود قايد ريمها ظبي الأطعاس

والقصيدة قديمة وحتى لا اطيل فإليكم ما أحفظه منها:

حي الجواب اللي لفاني من الراس=أبيات شعرٍ ولعنبي وقايد
سهرت أنا البارح علشان هوجاس=أنثر دموع العين وأكتب قصايد
في ليلٍ مابه يا محمد من أوناس=راحت شطون الفكر مني بدايد
ذكرتني عصرٍ مضى لي به أوناس=وقتٍ مضى يوم السنين الشدايد
لا باس ياللي تشكي الحب لا باس=تشكي هوى خلٍ وللريم قايد
هذي سوات العشق في ساير الناس=ناسٍ خذت ناقص وناسٍ بزايد
وأنا بعد في الحب خذيت مرواس=ولاجت لي الدنيا على كيف رايد
إما حصل لي وصل خلي بنوماس=بصير من بعده طريح الوسايد
خلي بزينه جوهرٍ كنه الماس=في جيد زينات المعنق قلايد
يقود قايد ريمها ظبي الأطعاس=جفلٍ عنيد الصيد حذر المصايد
وإن كان تامرنا على العين والراس=علمٍ عليه من الوقاعة وكايد
حنا هل العرفا بعيدين الأرماس=نلم ولف قلوب شمله بعايد
نقطع بسيف العز جمجمة الياس=لين الدماء تروي السيوف الحدايد
أبشر بخلك لا يجي البال منحاس=نجيب خلك لو تكود الكوايد
وسلام يا محمد عدد كل نسناس=واعداد ما هز الورق في الجرايد

الفتى منصور

أخي الكريم / منصور الحري بعد السلام صح لسانك وسلم نبضك وبنانك وإعتلا شانك واسلم وسلم والسلام .