منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
بسم الله الرحمن الرحيم
للتوااااصل مع النشاما الغالين وهذه القصيدة شاركت بها في حفل زواج
مؤسس مجالس قبيلة شهران العريضة الاستاذ هادي بن سعيد الشهراني
في تاريخ 13 \ 8 \ 1429هـ آمل ان تحوز على رضاكم جميعاً ..
يا هل الكرم والطيب مالي معاذيـر=عنكم ترانـي مـا نويـت أتعـذر
جتني العزيمة من زبون المخاسير=من سعيد أبن هادي وأنا ما تحيـر
عن واجبي محتاج في العلم تفسيـر=أليا دعاني مثلكـم يـا ل مسعـر
أجي ولا فكـر بطـول المشاويـر=إذا كفانا الله مـن اليـوم الاقشـر
لجل العواني حقهـم دائـم ٍ غيـر=عند الرجال أحقوقهـم مـا تغيـر
تبقى على مر الزمـن دون تغييـر=وأنا مغيًر منهـج الحـر الأشقـر
شيخ ٍ يوصيني وأنا توًي أصغيـر=على الوفاء لهل الوفاء مـا تكبـر
أقـدر العانـي وكـل المناعـيـر=ولا أرخص هل الطولات كل ٍ موقر
واليوم جينا واجتمعنا علـى خيـر=في حفلكم ذا الليل والبـال مستـر
وأنا أتشرف بالرجـال المشاهيـر=أهل الكرم من عصر عثمان وأعمر
أهل الكرم يـوم الليالـي معاسيـر=يوم السنين الغبُر يا لربـع تذكـر
وأهل الشجاعة والسيوف البواتيـر=يوم الجهل بين العرب كـان يفتـر
يوم القبائل بين مـا خـوذ ومغيـر=نعمين يـا ورادة المـوت الأحمـر
شهران روس ٍ وافية بالصعاطيـر=أفعالهم تذكـر علـى كـل منبـر
قلته وربعـي ينطحـون الطوابيـر=سبعان فيهم منبـع الخيـر والشـر
هل الكرم والجود منصا الخطاطير=مداتهم تذري عـن البـرد والحـر
وأهل الثلاث اللي تذكـر مذاكيـر=كل ٍ ذكرها من هل العرف مغتـر
وأهل الفعائل يوم صفق المعاصيـر=عدوانهم لا ثوًر الحـرب تخسـر
سموهـم الغلبـاء دهـاةٍ نواديـر=خيالهم يروي شبا السيـف الأبتـر
وكل القبائـل وافيـة دون تقصيـر=كل ٍ بفعله من هل الجـود يشكـر
كل ٍ يـورًد سابقـة جمـة البيـر=مانجحد أفعول العـرب وأنتنكـر
ما نجحد الوافيـن ستـر الغناديـر=اللي لهم بالمجـد فعـل ٍ مسطـر
وتمت وصلوا عد نبـت النواويـر=على الرسول اللي عن النار حـذر
أخي الكريم الشاعر / الحميدي السبيعي السلام عليكم ورحمة الله وبركاته وبعد : صح لسانك وسلم نبضك وبنانك وإعتلا شأنك على هالقصيدة الرائعة وبارك الله للشهراني زواجه وجمع بينهما بمعروف وجعلها الله في ميزان حسناتك يوم لا ينفع مال ولا بنون إلا من أتى الله بقلب سليم والحكمة ضالة المؤمن أينما وجدها فهو أولى بها والشعر الشعور هو الذي يحرك المشاعر ويهز الوجدان ويجعل الشاعر والسامع يتهيض وكل عام وأنتم بخير وصحة وسلامة والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه هذا وتقبل فائق الشكر والإمتنان مقرونا بجزيل المحبة والإحترام والله يحفظكم ويرعاكم مع خالص التحية وأطيب الأمنيات واسلم وسلم والسلام .
صح لسانك يالحميدي وبيض الله وجهك وانت شاعر كبير ومعروف وتستاهل شهران العريضة
رنـيـه وطــنـا مــتــبـدل بالابـــدال=نخلص لها دايم وبالعهد نافي
نسمة هواها تنعش القلب والحال=تشفي الفؤاد وللجريح تشافي
في ضفاف واديها بساتين وضلال=والجو فيها دايم الدوم صافي
غير متصل
