للتواااااااااااااصل يالنشاما في هذا الصرح الشامخ هذه
قصيدة وصلتني من الشاعر / صالح بن مبارك النهدي
يا مبارك جهز البكس الجديـدي=وارد اليابـان تصميـم الوكالـه
ونش فتحه يعجبك شكله فريـدي=بويته كنها الذهب في وصط صاله
طوروه الشغل زر بلمـس ليـدي=والشبح والشاص كنهم من عيالـه
إذكر الله لشتغل يرعـد رعيـدي=يعجبك شكله ويعجبـك اشتغالـه
يقطع المشـوار لديـار ٍ بعيـدي=يصل المشتاق ذي مبعـد حلالـه
شل مكتوبـي وبلغـه الحميـدي=قل أنا مرسول خذ منـي رسالـه
با يرحبك علـى منتـه تريـدي=يكرم الضيفان من غالي حلالـه
المراجل لسبيعـي شـي أكيـدي=وارثنها من أبـوه ومـن خوالـه
سوق لسهم يالشلي صفر رصيدي=من دخل فالسوق واعزي لحالـه
والإبل راحت على البدو الشديدي=موتت من بعد معطوهـا النخالـه
بس أبو متعب عسى عمره مديدي=عوض أهل البل وكل ٍ قد دعالـه
ختمها مصفاه فاحـت بالعويـدي=بمجلسن فيه النشا ما قـال قالـه
وهذا ردي على الشاعر / صالح بن مبارك المردعي النهدي
مرحبا بموجـه البكـس الجديـدي=من شروره لا شـروره بالرسالـه
كلها كيلو فـي كيلـو مـا تزيـدي=من جنوب أقصا البلد حتـى شمالـه
وكلنا مقيمين يـا لقـرم السديـدي=في شروره مـا طلبنـا الاستقالـه
وأنت خابر قبل توجيـه القصيـدي=عند أبـو هـذال تربطنـا زمالـه
والرياضـة طيّبـه دائـم تفـيـدي=دامهـا متريـن والدعـوى سهالـه
ريّح الفكسار فـي ظـل الجريـدي=وريّح مبارك عسـاه يطيـب فالـه
والله أيحييـك لـو مابـه نشيـدي=الكفـو نفـرح ليـا شفنـا قبـالـه
لا نصا ني مثلكم هـا ذاك عيـدي=أتشرف وأعتبرهـا أكبـر جمالـه
ولا برحبّه على مـا هـو يريـدي=سلمنا سلم الرجـال أهـل الشكالـه
وكانها فاتت عسا هـا مـا تعيـدي=ما دخلني شـك فـي راع الجزالـه
أنت وافي ما يجي منـك الزهيـدي=مير أنا أخشى من كلام أهل النذالـه
ينتقـد نـي واحـدٍ ودّه يصـيـدي=كلمةٍ يفـرح بهـا لا ضـاق بالـه
ومن بغى يحصل على الدر النضيدي=لازم ٍ يتعب قبـل يطـرح سوالـه
يتعـب الأفكـار للمعنـى الفريـدي=ويتخيّـر لا نـوى الشعـر وبدالـه
والمعانـي حدهـا سيـفٍ حديـدي=ما تجامل كـل مـن يكتـب مقالـه
وأنت تنشدني وأبعطيـك الاكيـدي=جاك مردودي على حسـب الدلالـه
سوق الأسهم ذاب ذوبات الجليـدي=وأكثر العالـم تسبـب فـي زوالـه
ما تحمّل صدمـة الوقـت العنيـدي=جعل حالك يالشلي ما هـوب حالـه
والوكاد إن فيه من هـو مستفيـدي=والله أعلم من هو اللـي قـد حبالـه
واحـدٍ بيحـا سبـه رب العبيـدي=في نهار ٍ مـا يفيـده كثـر مالـه
والنخالـة جـا لهـا دور ٍ جديـدي=عقـب الأسهـم كملوهـا بالنخالـه
جددت الأحزان والماضـي يعيـدي=وانتهت بيـن الصوامـع والعمالـه
كـل منهـم يتهـم سـاع البريـدي=ولا درينا وش وراء هـاك الثعالـه
مير أبو متعب عسى حظه سعيـدي=عوّض اللي ماتت أبلـه واعتزالـه
ما قفٍ مـا ينجحـد والله شهيـدي=من تضرر عوّضه وأكـرم إسبالـه
ولو بغيت أعـدد أفضالـه تزيـدي=بعد فضل الرب يـا مكثـر فضالـه
والله أنه يحفظـه مـن كـل كيـدي=ويحفظ أخوانه موازيـن العـد الـه
هم ذرانا هم لنا الـدرع الجويـدي=أسرة آل سعود يـا نعـم السلالـه
والختام أسلـم وفسّـر مـا تريـدي=جاك رد اللي ورث عمـه وخالـه
شاعر ٍ يالمردعـي فكـره يجيـدي=كـل طـاروق ٍ يجيـده لا طرالـه
غير متصل
