أحسن الله عزاكم

[أبوعطفه]

السلام عليكم ورحمة الله وبركاته
هذه أول مشاركة لي في المنتدى ( منتدى المحاوره ) أتمنى ان تحوز على رضاكم
واتمنى ايضاً ان يكون الرد من أساتذة المحاوره الكبار ( انا توني عليمي ) لكي أستفيد منهم

أحسن الله عزاكم مات عبد المجيد 0000 واحسن الله عزا مكه وسكانها
أشهد انا فقدنا في وطنا فقيد 0000 ماتقوم البيوت الا بسيسانها

[المـبـهـم]

لو بكينا عليه اليوم ما نستفيد=عطني الوافيه وعطيك عنوانها
قاد كل المعارك خالد بن الوليد=مير جود بيوتك وحكم أوزانها

علنا نفيد ونستفيد

[منصور الحري]

واصلوا

وسجلوا إعجابي

[أبوعطفه]

فيه علم ( ن ) قديم وفيه علم ( ن ) جديد 00 والبلد يارفيقي زادت احزانها
جندي المعركه يامر عليه العقيد 00 مير خل الرعيه عند رعيانها

[شحيفان بن ملفي]

الله الله

متابع...

[ربح السبيعي]

مرحبابك يابوعطفه


وصح لسانك على هالمبداء الطيب


وصح لسان المبهم


والله يرحم الامير عبدالجيد ويسكنه فسيح جناته

[المـبـهـم]

القديم أفتخر به ثم أكرر واعيد=والجديدة نعزيها بصيوانها
قلنا ويش تبغى قلنا وش تريد=قبل أهجد المجنن وأظهر اجنانها

[أبوعطفه]

خل عنك القريّب وانتبه للبعيد 00 والبضاعه تعود وسط دكانها
مايفل الحديد الا قوي الحديد 00 وان بغيت السلامه عانها عانها

[أبوعطفه]

الله يبقيك 0 ويطول عمرك
يا أخ : ربح واشكرك على مرورك

[المـبـهـم]

صغت أنا اللي كتبته مثل سلك الفريد=ماثنيت الهروج وقاضب إعنانها
ما يفيد التوجد قلت لك مايفيد=إدع له بالثبات ودوك برهانها

تشرفت باللعب معك,,
وإلى أن يجمعنا لقاء آخر..

دمتم في رعاية الله