الشاعر / عبدالمحسن بن سعيد

[آل سعيد العريني]

السلام عليكم ورحمة الله وبركاته .....
أخواني الأعضاء ... ضيوف المنتدى الكرام
هذي أول مشاركاتي بهذا القسم .... وحبيت أوريكم واحد من الشعراء ألي ماله شبيه
هو الشاعر / عبدالمحسن بن سعيد الملقب بالعاشق
التعريف بالشاعر / هو من أسرة أل سعيد من منفووحه .... من العرينات
هووو واحد من الشعراااء ألي وقفته ضده الصحاافه والأعلام .... شاعر يكتب بطريقة مغايرة لا يشبه أحدا و لا يشبهه أحد .... له فكر و أسلوب خاص و غريب نوعا ما ... يصيب المتلقي بالذهول
اتهموه بشراء القصائد من الشاعر مساعد الرشيدي فما كان من مساعد
الا أن يطلق قصيدته الغضب ردا على هذا الاتهام و بقصيدته أساء لعبد المحسن فرد عليه
و كانت هذه القصة حديث الساحة في وقت من الأوقات ...

ومن أجمل قصااااائده :

على كثر القصــيد.. وكثر ماجـــاب الخـيال أفـكار

تعبت ومالقيت الا ثمان أشياء تشبه لك

نور الشمس.. لون الغيم.. طهر الما.. وصمت النار

لين الورد فجر العيدملك وانسان ياسهلك

واذا صار العـنا رحـله.. با ســمـيك آخـر المشــوار

واذا صارالبخل عمرالجزايل فاسمك المهلك

تجـين أحلى من البشـرى تغـيـبـيـن وتـشـيـن الدار

هديه للزمن جيتي من الله عن طريق أهلك

صـحيـح المـدح لويقـدر يـقـوم بـنفـســه ويخـتــار

غـدا عـبّـاد شمس ٍ لا لمـح زولـك تـوجّـه لـك

غيـوض وما يغيـض الـنرجـس الا ضـحـكة النــوار

"نعم" والجود لو يفنا فنا من زود حبهلك

ضيـا تسعـين شمس وألـف بدر ونجـمتـين كبـــــار

آخـاف اقـول ظلك و أظـلمك والعز كله لك

ورثتي مجـد ابـوك وجـاك "منهو" زبنة المنـجار

أبـو خـيريـن.. دماح الخـطا.. والعمـر مده لـك

وأنا وش عاد أقول ان صرت في وصف الغلى محتار

شعـور ٍ ماقـدر ياصـل سـمـاك.. وقـلت أزمّه لـك

وعلى كـثر القصـيد وكـثر ماقـلـنا من الأ شــعــــار

تعـبت ومـا لقــيت إلا ســموّك بـس تشـبهـلك

وأيضااا له قصيده آخرى حضت بإعجاب كثير :

ان الامن دعيت..الله يجيبك زدتني بإبعاد
رح الله لا يردك يمكن الدعوات مقلوبه

نفش ريش الظلام وقلت عل المبطيات جداد
رقص وجه النهار وقلت يادوبى ويادوبه

هنوفٍ لابغت..ترمش هدبها يرتفع بالكاااااد
يعذبها إلى منه على الوجنه فتق ثوبه

أميزها عن القمرى .. إلى من جت بلا ميعاد
وإلى من جت مع القمرى غدا.كلٍ وأسلوبه

سحابه جدها من يم أبوها بارق ورعاد
بغيت أسقى بها روحى لقيت الروح مشروبه

تهادىكنهاطفلٍ يمشيه الهوى بركاد
تعطف كنها نار ٍ براس طويق مشبوبه

تجي وإن زادها قلبي غلا زادت غلا وعناد
وإلى من قلت يكفي بموت تقول ملعوبه

لها فوق القدر عندي مكان ٍ ماعليه اسياد
ولي في عينها نظرة هلاك ٍ غصب مكتوبه

أشوف الموت لاغابت وعمري لأقبلت ينعاد
وإلى ابتسمت غشا ظلي من الفرحه وراحوا به

بعضها آدمي لكن بعضها مأحتوته أجساد
ملَك واحلى الخلايق ماوصل بالزين عذروبه

تجي مثل الفجر لو الفجر ماهوب دوم أعياد
أنا افدا ظلها .. لا والله افدا ظل مندوبه

تسولف للندى يسهر على النرجس يبي يزداد
تغني.. للمطر ..لليل .. تصيب الكون غيبوبه

وأبد ماكنت أحس بلسعة الكرباج والجلاد
الين البارحه دمي عواذيلي تقهووابه

وأنا وش جابني للحب مادام اللي مضى مافاد
أنا وش لي ووش للموت لجل عيون رعبوبه

حبيبي لا تعلمني أبد كيف أرضي الحساد
حبيبي لا تعلم جسمي ان الروح منهوبه

وانا لامن دعيت الله يجيبك ..رح وزد فبعاد
كذا..... دايم .....هي.... !!!! ؟؟؟؟
.


اصلاً
.


فرحة.
.
العشاق
.
معطوبه

شاعرنا اعتزل الصحافة لمدة خمس سنوات بعد هجوم الصحافة على أسلوبه المتجدد
و الاتهامات الى غير هذا من الأحداث ..
فاعتزلها و أطلق قصيدته الشهيرة (( تعلمت أنفخك يا ناي ))

الذي وضع فيها خلاصة تجربته الشعرية و كتبها على وزن عملاق
يحوي على عشر تفاعيل بالشطر الواحد
ليثبت للجميع أنه شاعر قادر و ليدحض كل الاتهامات و من ثم اعتزل خمس سنوات

و لكن لنرى فقط مطلع قصيدته (( تعلمت أنفخك يا ناي )) الذي وجهها كقنبلة للصحافة

((الشطر الأول ))
مشينا ياقصيدي لا تضيق بك الصحافه والجرايد خلنا نترك لهم نشر الكسور ونشر معوج القصيد اللي مثل صقعة فناجيل البخيل اللي عن ضيوفه دفن دلته وابريقه

(( الشطر الثاني ))
مشينا كودنا نقدر نجدّف لين ماناصل هذيك الضفّه اللي ماوراها غير مزيون الفراش وشوف مبتل الورود وريش ميّاس الكناري وإبتسامات النهار وباهي الطلّه



وأيضااا من قصااائده :
يمكن الشمس طفـل وكانـت ثيابـه ورق
00000000000000000وشب في نفسه المسكين من كثـر البـراد
ويمكن البحر عين ٍ صابهـا طـول الأرق
00000000000000000ماغفت من بكاها ليـن مـأزّرق السـواد
القلـم ياحبيبـي فـاس والحبـر العـرق
00000000000000000والسحابه ثدي ترضع تل والعشب المهـاد
وقلبي الموج والصدر البحر وانت الغـرق
0000000000000000000ابتعد عنك والقا القـرب ساكـن فالبعـاد
ياحبيبـي ياحبيبـي ياحبيبـي وأحتـرق
0000000000000000000بيت واحد من قصيدي وأمست الدنيا رمـاد
ياحبيبي والقمر ثـوب الليالـي وأنخـرق
0000000000000000000وأنت ياحبي لك تحـب المناكـف والعنـاد
تدري عاد مسامحك لوضاع عمري وانسرق
0000000000000000000وإلا انت أعرفك يابحر ماخنت يوم السندباد
يمكن الله يجمع اللي لك تشتـت وأفتـرق
0000000000000000000والمحل يمكن يكفر لـك ذنوبـك يالجـراد
ياحبيبي وأنت ظلـك كـل مـالاح وبـرق
000000000000000000ادري ان الحب جا يسمع حكايـة شهـرزاد
ويمكن الشعر فرحه بانـت بعيـن الـورق
000000000000000000ويمكن ان قلتي براد أموت فعيـون البـراد







وهذه قصيدته التي وجهها للصحافه كامله :

تعلمت أنفخك ياناي

مشينا ياقصيدي لا تضيق بك الصحافه والجرايد خلنا نترك لهم نشر الكسور ونشر معوج القصيد اللي مثل صقعة فناجيل البخيل اللي عن ضيوفه دفن دلته وابريقه


مشينا كودنا نقدر نجدّف لين ماناصل هذيك الضفّه اللي ماوراها غير مزيون الفراش وشوف مبتل الورود وريش ميّاس الكناري وإبتسامات النهار وباهي الطلّه

مشينـا ياقصيـدي لا تضيـق بـك المساحـه والأماكـن خلنـا نتـرك لهـم كـل الـدروب اللـي تضـر ولا تسـر الا الغشـيـم ومـاوراهـا غـيـر تـرديـد الـكـلام وشـوفـة الحـسـاد والضيـقـه

مشينـا كودنـا نلقـا طريقـا ً ماوطتـه إلا ذعاذيـع الشمـال ونبتـة الصبـار وفـروخ الوكـارى والحـرار وظـل مليـان السحـاب اللـي تـعـدى لـيـن مـاجـا فــوق خـشـم الـعـارض وبـلّـه

وأنـا ادري بـك قصيـد ٍ ترفـع الهامـه ولا ترخـي جناحـك ليـن ماتاصـل مواصيـل الفحـول وتركـز البيـرق علـى راس النهـار وماتلـد الا لطيـر ٍ حـر مثلـك ماشكـا قاصـر مسابيقـه

قصيـد ٍ يشتهيـك اللـي تغـرب عـن ديـاره ماحصلّـه مـن مواليفـه وداع ولا سـلام ولا حصلّـه صـورة ٍ لامـن شكـا حـر الـفـراق وذاق تلـويـع المشـاعـر شافـهـا وأبــرت بــه العـلّـه

تحدّي وأنت لا عدو ا بحور الشعر صار اسمك محيط ولا لك شطوط ٍ تحدك والعرب قالوا توخ القوس قبل الغوص لا تمسي طعام جحوش وأبد لياك تنسى من له الحكم بمخاليقه

تحدي وأنت وجهك ماعلى بيضه خلاف ولا لحقني فيك شكّه وأنت إلى ضاقت علي وماتطوّى ليلي اقبلـت وتخاوينـا علـى درب السهـر وأبديـت لـك مـالاج فـي وسـط الحشـا كلّـه

وحـنا لو نـسـيـنا ما خـذيـنا ماعـطـيـنا مابكـيـنا مامشينـا ماوطـيـنا مالـقـيـنا ماحـكـيـنا مانهينا مابدينا مابنيـنـا مادريـنا أو درينا من عـطا ربك تـوافـيقه

سرت كل النجوم ولا سرت ذيك الشموع اللي بكت من حر ماشافت من الدنياوأهلها لين ماقامت تسب اللي غدر واللي كـذب واللـي سمـع هـرج العـواذل والحواسـد فـي قفـا خلّـه

عطيتك يالحياه أكبر دليل اني وصلت لسر حزن المغرب وقلّة صبر موج البحر وأسباب ضحك الفجر ومطارد بزارين السحاب وسر تكوين الشعور وكيف شخص أغليه ما طيقه

تعلمت أنفخك ياناي عمـري ليـن مأسمعلـك زغاريـد ٍ تبكـي مـن سمعهـا ليـن مايغفـى علـى ذراع الحـزن والا يسـوي مثـل مأسـوي ويمشـي ليـن مايتعـب مـن دروب السفـر ظلّـه

وأنا ماجيت أبيها بيننا شورى ورد علوم أنا جيت أنتزعها لوغدت بين العقل وأقصـى ضـروس الفـك مـن فـوق أو غـدت مابيـن نابيـن الحيايـا والسبـع لامـن بلعهـا مابلـع ريقـه

وأنا لو كل هالدنيا تجي شاعـر ورا شاعـر وراشاعـر وراشاعـر ورا شاعـر ورا شاعـر ورا شاعـر ورا شاعـر ورا شاعـر ورا شاعـر ورا شاعـر ورا شاعـر أبـد ماشفتبـي خلّـه

وأنا ماجيت للدنيا على اني بأستر المكشوف أنا جيت أكشف الخافي ورا ستر الزمان اللي ظلمنـا ليـن ماصرنـا نحـب الكـذب وإن جانـا كـذوب ٍ ماتباطينـا علـى مدحـه وتصديقـه

زمـان ٍ فيـه للضبعـه مقـام وللثعالـب صـار تقديـر وغـدا للثـور شـور وصـار للفيـران هيبـه والاسـد مـن عقـب ماكـان الشجـاع اللـي تهابـه كل هالدنيا غــدا هو بـيرق الـذلّـه

مشينا ياقصيدي لا تضيق بك الصحافـه والجرايـد خلنـا نتـرك لهـم نشـر الكسـور ونشـر معـوج القصيـد اللـي مثـل صقعـة فناجيـل البخيـل اللـي عـن ضيوفـه دفـن دلتـه وابريقـه

مشينـا كودنـا نقـدر نجـدّف ليـن ماناصـل هذيـك الضفّـه اللـي ماوراهـا غيـر مزيـون الفـراش وشـوف مبتـل الـورود وريـش ميّـاس الكنـاري وإبتسامـات النـهـار وبـاهـي الطـلّـه


الشاعر / عبد المحسن بن سعيد




ومن قصاايده المشهوره ( نجد وأهلها ) و (وطفل أعمى) و (بلونة الأرض ) و ( وريش المحابر ) و ( حطين ) و ( صلاة الزمرد ) و ( الدلع بألف خير ) و ( قيتارة الملح والخوف ) و ( السالفه ) و ( أزارير الحكي ) و ( أندلس عشقي )
........... شهادتي فيه مجرووحه ......... أتمنى أن الموضوع يعجبكم والله يقدرنا بالي فيه الخير